Сүхбаатар дүүргийн хэмжээнд 30 хүнсний дэлгүүр нөөцийн мах худалдаалж байна

Нийслэлийн хүн амын 2025 оны хаврын улирлын махны нөөц бүрдүүлэх зорилгоор нийт 10 аж ахуйн нэгжийн 8713 тонн нөөцийн махыг энэ сарын 7-ны өдрөөс үе шаттай борлуулж эхэлсэн. Сүхбаатар дүүргийн хэмжээнд 1-20 дугаар хороонд байрлах 30 хүнсний дэлгүүрээр нөөцийн махыг худалдаалж байна.

Нөөцийн мах борлуулах үнийг “Хүчит шонхор” захын ястай махны жижиглэнгийн үнэтэй харьцуулахад үхрийн мах 30 хувь, хонины мах 25 хувиар хямд буюу үхрийн ястай махыг 13800, хонины ястай махыг 11800 төгрөгөөр худалдаалах юм.