БОУАӨЯ, Монголын явган алхалтын холбоо хамтран ажиллана

2025 оны 06-р сарын 06 өдөр, 12 цаг 51 минутад нийтэлсэн (Сэтгэгдэл үлдээх )
01
Бидний хүрээлэн буй орчин, байгаль эх дэлхийг хамгийн ихээр сүйтгэдэг ДАЙСАН нь хүмүүс бид нар өөрсдөө байдаг. Харин байгаль дэлхийгээ танин мэдэж, ойлгож, тулгарч байгаа асуудлуудыг нь бодитоор харснаараа бид өөрчлөгдөж байгалийн жинхэнэ АНД НӨХӨР болж чадна.
Монгол улсад явган алхалтаар дамжуулан иргэдэд байгаль орчин, экологийн боловсрол олгох, байгаль хамгааллын үйл ажиллагаанд иргэд, олон нийтийг татан оролцуулах, байгальд зөв боловсон аялах, хог хаягдлын тогтвортой менежментийг хэрэгжүүлэх чиглэлээр төсөл хөтөлбөр хэрэгжүүлж хамтран ажиллах зорилгоор харилцах ойлголцлын санамж бичигт гарын үсэг зурлаа.
02
  • Байгаль орчинд ээлтэй, явган алхалтын эко аяллыг дэмжих зорилгоор Монгол Улсын нутаг дэвсгэр, тусгай хамгаалалттай газар нутгуудад түшиглэн явган алхалтын зам, маршрутыг тодорхойлох, зам чиглэл гаргахад хамтран ажиллах;
  • Сайн дурын идэвхтэн байгаль хамгаалагчдыг бэлтгэх хөтөлбөрийг хэрэгжүүлэх, иргэдийг байгаль орчныг хамгаалах чиглэлд татан оролцуулах;
  • Агаарын болон орчны бохирдлыг бууруулах, иргэдийг цэвэр агаарт, байгальд аюул эрсдэлгүй, тав тухтай, байгаль орчиндоо ээлтэй аялж, алхах нөхцлийг бүрдүүлсэн суурь судалгаа хийх, шинэ санал санаачилгыг гаргах;
  • Байгаль орчныг хамгаалах, ан амьтан, ургамалын амьдралын эко-системд тулгуурлан алхалтын арга хэмжээг уялдуулах чиглэлд иргэдийг мэдлэгжүүлэх, иргэдэд мэдээлэл, зөвлөгөө өгөх, аюулгүй байдлыг хангах зэрэг зорилгоор АЛХАЛТЫН МЭДЭЭЛЛИЙН ТӨВ (Walking Information Center) -ийг олон улсын жишигт нийцүүлэн байгуулахад хамтран ажиллах;
  • Нийтийн эзэмшлийн ногоон байгууламжийн хүртээжмийг нэмэгдүүлэх, иргэн, аж ахуйн нэгж байгууллагууд мод тарих, ногоон байгууламж байгуулахыг дэмжиж, алхагчдын оролцоог нэмэгдүүлж хамтран ажиллах;
  • Хүүхэд залуучууд, иргэд, олон нийтэд байгаль орчноо танин мэдэх, хайрлах, хамгаалах сэтгэлгээг суулгах, экологийн боловсрол олгох зорилгоор чиглэлийн төрийн болон бусад байгууллагуудыг хамтын ажиллагаандаа татан оролцуулахад хамтын ажиллагаа чиглэгдэх юм.
Урт хугацаандаа явган алхагчид, иргэд олон нийт байгальдаа ээлтэй, зөв боловсон, бас аюулгүй аялах нөхцлийг бүрдүүлэхэд бодлогын түвшинд хамтран ажиллах өргөн боломж нээгдлээ.
Эх сурвалж : Монголын явган алхалтын холбоо

Share the post "БОУАӨЯ, Монголын явган алхалтын холбоо хамтран ажиллана"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх