Сүхбаатар дүүргийн “Хүрэл тулга 2016” болж өнгөрлөө

Сүхбаатар дүүргийн “Хүрэл тулга 2016” наадам 2016 оны 3 сарын 11-нд Сүхбаатар дүүргийн Засаг даргын тамгын газрын Иргэний танхимд болсон юм. Наадмын шүүгчээр Утга зохиол нийгмийн ажилтны дээд сургуулийн Төгсөгчдийн холбооны Удирдах зөвлөлийн гишүүд, яруу найрагч С.Батгүр Г.Сонинбаяр, нар ажилласан бөгөөд 2-р сургуулийн 12-р ангийн сурагч Х.Буянбат, 35-р сургуулийн 12-р ангийн сурагч С.Тэмүүжин, МУИС “Байгаль эх” лицей сургуулийн 12-р ангийн сурагч Д.Энхтуул нарт УЗНАДС-д элсэн суралцах эрхийн бичгийг гардуулав. Тус наадамд 60 гаруй авьяастай сурагчид оролцсоноос 10 –12-р ангийн сурагчдын ангилалд тэргүүн байрт МУИС-ийн “Байгаль эх” лицей сургуулийн сурагч Д.Энхтуул, дэд байрт 71-р сургуулийн сурагч н.Сайханбаяр, гуравдугаар байрт 2-р сургуулийн сурагч н.Тэмүүлэн, тусгай байрт 2-р сургуулийн сурагч Х.Буянбат нар шалгарлаа. Баг насны ангилалд тэргүүн байрт 14-р сургуулийн сурагч Н.Саранжил, дэд байрт н.Алтаншагай, гуравдугаар байрт 2-р сургуулийн сурагч н.Энх-Уул, тусгай байрт МУИС-ийн лицей сургуулийн сурагч Намуун-Индра, нар шалгарав.