Ахмадуудын орон сууц хөрөнгийн баталгаагүйгээс гацаанд оржээ

Сөгнөгөр хайрхан” компанийн захирал Т.Энхболд Засгийн газарт хандаж мэдээлэл хийв. Дархан-Уул аймагт байрлалтай “Сөгнөгөр хайрхан” компани 2013  онд өөрийн эзэмшлийн газартаа  ахмадын орон сууц барих итгэлцлийн гэрээг ЗГ-тай байгуулж барилгын ажлын 30 хүртэлх хувийг ахмадуудаас авсан  урьдчилгаа 380 сая төгрөгөөр барьжээ. Цааш нь барилгаа  банкнаас зээл авах байдлаар барьж дуусгах гэсэн боловч 2015 онд баталсан барилгын тухай хуулиар барилгын зээлийг хаасан ажээ. Унгар улсаас хөрөнгө татаж уг барилгаа үргэлжлүүлэн барихаар болсон ч Засгийн газраас хөрөнгийн баталгаа гаргаж өгөхийг хөрөнгө оруулагч шаардсан аж. Монгол Улсын Ерөнхийлөгч, Ерөнхий сайдад компаний зүгээс  тус бүр зургаан удаа хүсэлт явуулсан  боловч нэг ч хариу ирүүлээгүй өдий хүрсэн талаар тэрээр мэдээлж байна. Хэрэв ЗГ-аас баталгаа гаргаж өгвөл энэ оны10 дугаар сард Дарханд баригдаж байгаа барилгаа дуусгах бол  ирэх оны III –улиралд Сэлэнгэ аймаг дахь  ахмадын орон сууцаа дуусгах төлөвлөгөөтэй байгаа юм байна. Засгийн газар хөрөнгө оруулагч талын оруулах гэж буй  дөрвөн сая ам долларт баталгаа гаргачихвал 285 ахмад настан байртай болно. Байрны захиалга өгсөн ахмадууд  байраа хүлээсээр гурав нь хорвоогийн мөнх бусыг үзүүлжээ. Компаний зүгээс барилгыг хурдан дуусгаж ахмадуудаа оруулах талаар хөөцөлдаж буй ч хөрөнгийн батлагаа ийнхүү барилгыг гацаагаад байгаа гэв. Мөн бүх арилжааны банкуудад хандсан ч тэд бүгд ЗГ-ийн баталгааг нэхэж буй гэнэ.