Хөдөлгөөнт оффис төрийн үйлчилгээг иргэдэд ойртуулна

Нийслэлийн Сүхбаатар дүүрэг төрийн үйлчилгээг иргэдэд ойртуулах зорилгоор “Хөдөлгөөнт оффис” ажиллуулж эхэлжээ. Ийм үйлчилгээний үр дүнд алслагдсан хороодод оршин суудаг иргэд төрийн үйлчилгээг түргэн шуурхай элдэв чирэгдэлгүй хүртэх боломжтой болох юм.  Тухайлбал, хорооноос иргэдэд үзүүлэх үйлчилгээний хүртээмжийг нэмэгдүүлэх талаар хүсэлтийг газар дээр нь шийдвэрлэх, ажил хариуцсан албан тушаалтан мэдээлэл өгөх зэрэг давуу талтай. Алслагдсан хороодын иргэдээс ирдэг өргөдөл,гомдлын 60-70 хувь нь газартай холбоотой асуудал байдаг. Мөн орон сууц,амьжиргааны төвшин тогтоох судалгаатай холбоотой асуудал ч нэлээд гардаг. Эдгээр асуудлыг газар дээр нь шийдвэрлэхээр мэргэжилтнүүд ирж бодит байдалтай танилцах нь ард иргэдийг чирэгдүүлэхгүй байх юм гэж дүүргийн ажилтнууд онцлов.