Г.Алтжинг гүжирдэн гүтгэх нь хэн нэгний таашаалд нийцдэг бололтой

Сүүлийн хэдэн өдөр сошиал ертөнцөөр  “Алтжин” группийн захирал Г.Алтанг хил давах гэж байхад нь саатууллаа,АТГ-аас түүнийг байцаасан гэх мэт мэдээлэл цацагдлаа. Тэр ч байтугай Г.Алтжинг Монгол Улсын хилээр орж,гарах, гадаадад зорчихыг хориглосон гэж ч бичив. Тэр эмэгтэйг баригдаасай,хоригдоосой гэж хүсдэг хүмүүс олон бололтой. Харин түүнтэй уулзсан сэтгүүлч яагаад ийм мэдээлэл өдөр алгасахгүй гараад байгааг сонирхжээ.

Г.Алтжин сэтгүүлчийн асуултад “Намайг сүүлийн үед АТГ-аас байцаасан, гэрчээр дуудсан, хилийн хориг тавьсан,  “Жаст”-ын Ш.Батхүүтэй холбоотой зэрэг  мэдээлэл цацагдаж байна.  Хуулийн байгууллагаас  надад хэн ч хандаагүй. Ямар ч байцаалт өгөөгүй . “Жаст” –ын Ш.Батхүүг ч би мэдэхгүй. Миний  хүү Сүрэнгээр дамжуулан “Хадгаламж” банкнаас 32 сая.ам долларын зээл авч байсан юм билээ. Үүнээс өөр ямар нэгэн байдлаар түүнтэй холбоогүй” гэсэн байна. Г.Алтжингийн тухай эсрэг,тэсрэг мэдээллийг харахад  цөөхөн монголчууд  бие биеийнхээ мууд дурлах нь хэрээс хэтэрчээ гэж бодогдов. Монголчууд цөөхүүлээ. Тийм тусмаа  нэгэндээ хүндэтгэлтэй ханддаг байвал сайнсан.

Н.Дөл