“UMONEY” картаа “ЭДГЭЭР ЦЭГҮҮДЭД“ цэнэглүүлээрэй

Улаанбаатар Смарт Карт ХХК нь CircleK, CU зэрэг сүлжээ дэлгүүрүүдтэй хамтарч ажилласанаар иргэд “Umoney” карт цэнэглэлтийн үйлчилгээг 24 цагаар авах боломжтой болсон. Гэсэн ч өнөөдрийн байдлаар нийт 547 “Umoney” карт борлуулах цэнэглэх цэг ажиллаж байгаагаас 426 нь Үндсэн гэрээт цэнэглэх цэг буюу автобусны буудлын ойролцоо байрлах хувь ТҮЦ, дэлгүүрүүдэд байрлаж байна.

Иймд иргэд “U money” картын борлуулалт, цэнэглэлтийн үйлчилгээ үзүүлж байгаа гэрээт цэгүүдийг таньж үйлчлүүлэхэд амар хялбар, ил тод, ойлгомжтой байлгах зорилгоор бүх гэрээт цэнэглэх цэгийн хаягжилтыг сольж сайжруулан, иргэдэд карт борлуулах цэнэглэх үйлчилгээг нийтийн тээврийн үйлчилгээний цагийн хуваарийн дагуу тогтмол үзүүлэхийг сануулан ажиллаж байна.

Цаашид сүлжээ дэлгүүрүүд болон албан ёсны “Umoney” үйлчилгээний цэгийн тоог нэмэгдүүлэх замаар иргэд уртасгасан цагаар цэнэглэлтийн үйлчилгээг авах боломжийг бүрдүүлэн ажиллах юм.