Визний зөвшөөрлийг цахимаар олгодог боллоо

Гадаадын иргэн харьяатын газраас виз, хувийн урилга олгох үйлчилгээг цахим хэлбэрээр олгодог байхаар шийдвэрлэж, “Цахим иммиргэйшн” төслийг хэрэгжүүлэхээр боллоо.

Тус төслийг энэ жилдээ багтаан хэрэгжүүлэхээр төлөвлөж байгаа бөгөөд төслийн хүрээнд гадаад иргэдийг бичиг баримтын бүртгэлийг цахим хэлбэрээр бүрдүүлэх, интеэрполын бүртгэлийн системийг холбох ажлыг мөн хийх юм.

“Цахим иммиргэйшн” төслийг БНСУ-ын олон улсын хамтын ажиллагааны КОЙКА байгууллагын буцалтгүй тусламжаар, таван сая ам.долларын өртөгтэйгөөр хэрэгжүүлэх юм байна.