Загварын ертөнцийн “Хар сувд” үрийн зулай үнэрлэнэ

Дэлхийн загварын ертөнцийг олон жил шуугиулсан хар арьст нэрт загвар өмсөгч Наоми Кэмпбелл ээж болохоор зэхэж буйгаа мэдээлж бас нэгэн сенсаац дэгдээлээ. Өдгөө 46 настай Наоми хүүхдээ өөрөөрөө төрүүлнэ гэж ярьсан байна. “Mirror”-д бичсэнээр нэрт загвар өмсөгч хүүхдийнхээ эцгийг хэлсэнгүй,харин хүүхдээ ганцаараа өсгөнө гэдгээ нуусангүй. Наоми өөрөө ч бас эцэггүй өссөн аж. Нас ахимаг болсон нь хүүхэд төрүүлэхэд асуудалтай байх магадгүй. Гэхдээ загвар өмсөгч бүсгүй орчин үеийн анагаах ухааны ололт амжилтад итгэж байгаа гэнэ. Загварын ертөнцөд “хар сувд” хэмээн алдаршсан Наомиг мөнхийн залуу сайхан бүсгүй гэсэн магтаал байнга дагалддаг. Харин зарим нь түүнийг ааш муутай гэж шүүмжлэх нь бий.

Н.Намуун