“Монгол туургатан” хүүхдийн спортын наадам Төв цэнгэлдэх хүрээлэнд болно

2017 оны 08-р сарын 04 өдөр, 13 цаг 05 минутад нийтэлсэн (Сэтгэгдэл үлдээх )
Untitled

“Монгол туургатан” хүүхдийн спортын наадам энэ сарын 12-17-ны хооронд Улаанбаатар хотноо зохион байгуулагдах болжээ.

“Монгол туургатан” хүүхдийн спортын наадам биеийн тамир спортын газрын дарга,Монгол Улсын гавьяат дасгалжуулагч Ч.Наранбаатарын санаачлагаар 2009 оноос хойш зохион гүйцэтгэхээр болж ОХУ-ын Буриад, БНХАУ-ын ӨМӨЗО улсуудтай хэлэлцэж гурван орны дунд ээлжлэн  жил бүр зохион багуулагдахаар болсон билээ. Энэ удаа манай улс VII  дахь удаагийн наадам буюу VII наадмыг зохион байгуулах гэж байна.

Засгийн газрын хэрэгжүүлэгч агентлаг, Биеийн тамир спортын газрын Спортын бодлогын хэрэгжилтийг зохицуулах хэлтсийн дарга Х.Бакытжан хэлэхдээ

“Анхны наадамд спортын зургаан төрлөөр 300 гаруй тамирчид оролцож байсан бол энэ удаагийн VII наадамд спортын 11 төрөлд 1200 орчим тамирчин, багш, дасгалжуулагч оролцохоор төлөвлөгдсөн байна. Иймд энэ удаагийн наадам урьд урьдаас илүү өрсөлдөөнтэй болох байх.

Нээлтийн арга хэмжээ наймдугаар сарын 12-нд Д.Сүхбаатарын талбайд 17:00 цагаас эхлэх юм. Шууд дамжуулалтыг МҮОНРТ, хийнэ. Мөн тэмцээн болон хаалтын үйл ажиллагааг эрүүл мэндийн HTV хамтран шууд дамжуулах ба хаалтын үйл ажиллагаа олон улсын хүүхдийн “Найрамдал” цогцолборт 17-нд болно” гэлээ.

Наадмын онцлог нь

Багийн спортын төрлүүдийг нилээн түлхүү оруулсан. Багийн спортын төрөл болох футзалны төрөлд эрэгтэй, эмэгтэй төрлөөр болно. Өмнө нь сагсан бөмбөгийн тэмцээн гурвын эсрэг гурав зөвхөн эрэгтэйчүүдийн дунд болдог байсан бол одоо таван хүний бүрэлдэхүүнтэй классик сагсан бөмбөгөөр охид, хөвгүүдийн дунд орж байгаа. Волейболын тэмцээн зөвхөн охидын дунд болдог байсан. Харин энэ удаа охид хөвгүүдийн дунд явагдана. Мөн шинээр спорт тоглоомын төрөлд талбайн теннис, халз тулааны төрөлд таэквондогийн төрөл орж ирж байгаа. Наадмын бас нэг онцлог  нь талбайн болон ширээний теннис, байт харваа зэрэг холимог төрлийн тэмцээнүүдийг олон улсын холимог багийн төрлөөр зохион байгуулна.

Тэмцээнийг үзэх сонирхолтой бүх хүмүүст

Энэхүү наадам маань ямар нэг тасалбар хураамж авахгүй. Монголын хөл бөмбөгийн холбооны футзалны ордонд футзалны тэмцээн болно.Үндэсний сурын зурхайд байт харвааны тэмцээн болно.

Төв цэнгэлдэх хүрээлэнд хөнгөх атлетикийн тэмцээнүүд зохион байгуулагдана.

Хан-Уул дүүргийн Биеийн тамир спортын ордонд боксын тэмцээнүүд үргэлжилнэ. Спортын төв ордонд сагсан бөмбөгийн тэмцээнүүд, МУИС-ийн Эдийн засгийн сургуулийн зааланд  волейболын тэмцээн, “Аврагч” спортын хороонд  таэквондогийн тэмцээн үргэлжилнэ. МҮЭСТ ордонд ширээний теннисний тэмцээн явагдана. Харин Сонгинохайрхан дүүргийн спорт цогцолборт чөлөөт, жудо бөхийн тэмцээн болно. Хамгийн хол буюу Бага тэнгэрийн аман дахь Спорт цогцолборт талбайн теннисний тэмцээнүүд үргэлжлэх хуваарь гарсан байна.

Ивээн тэтгэгчид

үндэсний үйлдвэрлэгч болон гадны компаниуд ивээн тэтгэж байгаа. Тухайлбал, “АПУ” компани тамирчдыг ус ундаагаар хангаж байна. Мөн БНХАУ-ын “Grand China Sports” төрийн өмчит компанийн зүгээс нийт тамирчдын хувцас, Спорт хувцасны шинэ “DAWA” бренд  шаардлагатай хэрэгслийг нийлүүлж байна. Anu&T ХХК бүх хэвлэлийг хариуцаж байгаа бол Хэвлэл мэдээлэлийн спонсор байгууллагаар МҮОНРТ, Эрүүл мэндийн HTV, Монголын спортын нэгдсэн портал сайт SPORTLIFE.MN, Гэрэл зургийг “Студи 9” гэрэл зургийн студи, Blue Mon групп тамирчид дасгалжуулагчдын хоолыг хариуцаж байгаа бол Олон улсын хүүхдийн “Найрамдал” цогцолбор өмнөх наадмуудад хамтран оролцогчоор ажиллаж байсан. Энэ удаа ч мөн тамирчдыг хүлээн авч, цогцолбортоо байрлуулж байна.

Өөр бусад талаар хамтран ажиллаж, дэмжлэг туслалцаа үзүүлж буй байгууллагууд ч байгаа. Хэмээн танилцуулж яриа дэлгэлээ.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх