“Дулаахан намар”-тай нэг үдшийг нижгэр өнгөрүүлье

2019 оны 11-р сарын 07 өдөр, 13 цаг 48 минутад нийтэлсэн (Сэтгэгдэл үлдээх )
4df4ff46a8e598261da01f7635daccff

Ая зохиогч, Монгол улсын соёлын тэргүүний ажилтан Буяндэлгэрийн Пүрэвсүрэнгийн уран бүтээлийн “Дулаахан намар” тоглолт энэ сарын 11-ний 19 цагаас UB PALACE-ийн концертийн их танхимд болох ажээ. Түүний “Сэтгэлд минь урссан аялгуу Сэтгэлд тань эгшиглээсэй” гэсэн уриа, билэгдэл бүхий энэхүү долоо дахь удаагийн тоглолтын зар өдгөө түмэн олноо ид түгэж байна.

 Б.Пүрэвсүрэнгийн энэхүү тоглолтоо нэрлэсэн “Дулаахан намар” дуу бүтсэн түүхээс товч сонирхуулахад тэрээр арван жилийн өмнөх тэр нэг өдөр Монгол улсын гавъяат жүжигчин С.Жавхлангийн аавын төрж өссөн Увс аймгийн Өмнөговь сумын нутагт ая данг нь тааруулан урлаж бүтээсэн гэдэг. Тэр өдөр С.Жавхлангийн аавдаа зориулж анх дуулсан энэ дууг сонсох дуртай хүмүүс сүүлийн үед улам олширч буй аж. Мөн Б.Пүрэвсүрэнгийн талаар хөгжмийн зохиолч, нийтийн дууны уран бүтээлч, дуулаачид, шүтэн бишрэгчид нь “Гавъяатын энтэй авъяастан” гэсэн том үнэлэмжийг тэрүүхэндээ хааяа хэлэлцэж суух нь бас санаандгүй хэрэг биш болов уу.

Тиймээс ч “Дулаахан намар” тоглолтонд С.Эрдэнэцэцэг, Л.Болдбаатар нарын гавъяатуудаас гадна Монгол улсын соёлын тэргүүний ажилтан хорь гаруй дуучид түүнтэй хамтран бүтээж нийтэд хүргэсэн ая дуугаа үзэгч олондоо өргөн барих ажээ. Мөн тэдний дотор Өвөр Монголын дуучин н.Давшилт, Н.Сахиа нар багтсан байна. Иймээс үзэгч олон маань “Дулаахан намар”-тай хамт нэгэн үдшийг UB PALACE-ийн концертийн их танхимд Б.Пүрэвсүрэнгийн аялгуугаар бүтсэн яруу тунгалаг, тансаг хэмнэл бүхий уран  бүтээлүүдийг дуу хуур, инээд хөөртэй, нижгэр өнгөрүүлэх юм байна.

Билет захиалгыг: 99883031 98003031

 https://www.ticket.mn/– ээс захиалаарай 

 

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх