Архивын ерөнхий газар, Дотоод хэргийн их сургуультай хамтран ажиллах санамж бичиг байгууллаа

Монгол Улсын Засгийн газрын хэрэгжүүлэгч агентлаг Архивын ерөнхий газрын дарга С.Энхбаатар, Дотоод хэргийн их сургуулийн захирал, доктор (Рh.D), профессор, хошууч генерал Ш.Лхачинжав нар архивын салбарын мэргэжлийн боловсон хүчин бэлтгэх, тэдгээрийг сургаж бэлтгэн, мэргэшүүлэх, хамтарсан эрдэм шинжилгээ, судалгааны чиглэлээр болон бусад чиглэлээр хамтран ажиллах санамж бичиг байгууллаа.

Энэхүү санамж бичгийг Монгол Улсад орчин цагийн архивын байгууллага үүсэж хөгжсөний 92 жилийн ой, “Архивчдын өдөр”-ийг тохиолдуулан гарын үсэг зурж байгаагаараа онцлог бөгөөд удирдлагууд хоёр байгууллагын цаашдын хамтын ажиллагаа улам өргөжинө гэдэгт итгэлтэй байна хэмээлээ.

Эх сурвалж: Архивын ерөнхий газар