Ерөнхий сайд У.Хүрэлсүх Наурыз баярын мэндчилгээ дэвшүүллээ

2020 оны 03-р сарын 22 өдөр, 14 цаг 13 минутад нийтэлсэн (Сэтгэгдэл үлдээх )
hurelsuh
Урин цагийн эхлэл, казах түмний түүхэн уламжлалт Наурыз баярын мэндчилгээг нийт казах иргэддээ Засгийн газрын нэрийн өмнөөс болон хувиасаа өргөн дэвшүүлье.
Жилдээ ганц тохиох энэ өдөр бол хүн бүр өөдрөг сэтгэлтэй байхыг эрхэмлэн дээдэлж, эв нэгдэл, сайн сайхныг бэлгэддэг нь уугуул ёс заншил, унаган төрх соёлоо хадгалж явааг харуулсан онцгой баярын өдөр юм.
Дэлхийг нөмөрсөн аюулт вирусийг дарахын тулд иргэн бүр хариуцлагатай байж, сонор сэрэмжээ алдахгүй байхыг баярын энэ өдөр дахин уриалж байна.
Та бүхний ажил, амьдрал ямагт өөдрөг байж, юу санасан есөн цагаан хүсэл нь сэтгэлчлэн бүтэж, буян заяа тань зүйл бүрээр өрнөн дэлгэрч явахын өлзийтэй ерөөлийг өргөн дэвшүүлье.
МОНГОЛ УЛСЫН ЕРӨНХИЙ САЙД,
МОНГОЛ АРДЫН НАМЫН ДАРГА У.ХҮРЭЛСҮХ

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх