Б.Чинбат,Ц.Сарнай нар тусгай нислэгээр эх орондоо иржээ

2020 оны 04-р сарын 14 өдөр, 14 цаг 26 минутад нийтэлсэн (Сэтгэгдэл үлдээх )
92520342_10157422327687756_7447574102736371712_o

“Никитон” хамтлагийн даралтат хөгжимчин, “Sweetymotion” хамтлагийн продюсер, Б.Чинбат,  дуучин Ц.Сарнай нар тусгай нислэгт багтан, эх орондоо иржээ.

Б.Чинбат 2019 оны арваннэгдүгээр сарын сүүлчээр БНСУ-д элэг шилжүүлэн суулгах хагалгаанд орж, мэс засал амжилттай болсон юм. Элэгний хатуурал гэж оношлогдсон түүний донор нь эхнэр  Ц.Сарнай байсан тухай уншигч та бүхэндээ мэдээлж байсан билээ.

 Тэд БНСУ-д хагалгааны дараах эмчилгээгээ хийлгэж байгаад Монголдоо ирсэн байна.

Энэ тухай дуучин Ц.Сарнай өөрийн цахим хаягтаа “Эх орондоо сайн яваад ирлээ. Энэ түгшүүртэй цаг үед гэр бүлээрээ урт удаан аялал хийх амаргүй даваа байлаа. Хүн бүр хариуцлагатай байж, өөрийн гэр бүл болон бусдыгаа, цаашлаад Монгол улсаа хамгаалах иргэн хүнийхээ үүргийг гүйцэтгэж хамтдаа даван туулж гарцгаана. Иргэдийнхээ эрүүл мэндийг хамгаалах гэж цаг наргүй, өдөр шөнөгүй ажиллаж байгаа Эрүүл мэндийн салбарынхан, Улсын Онцгой Комисс, Мэргэжлийн Хяналт, Цагдаагийн албан хаагчдадаа талархцгаая” хэмээн бичжээ.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх

Нийт 1 сэтгэгдэлтэй
  1. Anonymous
     (192.82.65..***)
    2020/04/21 14:27

    Эрүүл энхийг хүсье

    (0) (0)