Өмнөговь: Шинэ дурангийн оношлогооны аппараттай боллоо

Өмнөговь аймгийн ИТХТ-ийн 2019 оны 198 дугаар тогтоолоор 2020 оныг “Өрх гэр бүлийн хөгжлийн жил” болгон зарласан. Иргэдийн эрүүл мэнд, боловсрол, хөдөлмөр эрхлэлтэд чиглэсэн хөрөнгө оруулалтыг хийж байна. Өмнөговь аймгийн Бүсийн оношилгоо эмчилгээний төвд хамгийн сүүлийн үеийн дурангийн оношилгооны аппаратыг шийдэж өглөө. Ходоод, бүдүүн, шулуун гэдэс дурандаж, уушги оношилно. Ходоодны ургацаг, судас боох зэрэг яаралтай эмчилгээг хийнэ. Уушги ходоодны хавдар өвчлөлийг эрт илрүүлж эмчлэх боломжтой болж байгаа юм. Ингэснээр иргэд заавал Улаанбаатар явах шаардлагагүй, орон нутагтаа эрүүл мэндийн хүртээмжтэй, чанартай, шуурхай үйлчилгээг авах боломжтой боллоо. Мөн рентгэн зураг авах өрөөний цацрагийн хамгаалалтыг хийж засварлав.