Нийслэлийн 2017 оны төсөвт нэмэлт, өөрчлөлт оруулах тухай асуудлыг хэлэлцэв

Өнөөдөр НИТХ-ын Тэргүүлэгчдийн хуралдаан 100 хувийн ирцтэйгээр хоёр асуудал хэлэлцлээ. Хуралдааны эхэнд Нийслэлийн 2017 оны төсөвт нэмэлт өөрчлөлт оруулах тухай асуудлыг хэлэлцэж энэ сарын 24-ний өдрийн НИТХ-ын ээлжит 12-р хуралдаанаар тус асуудлыг хэлэлцүүлэхийг дэмжлээ. Мөн Нийслэлийн төсөвт нэмэлт өөрчлөлт оруулахтай холбогдуулан НИТХ-ын ээлжит бус хоёрдугаар хуралдааныг 11 сарын 27-ний өдрийн 09:00 цагт эхлүүлэхээр товлов гэж НИТХ-ын хэвлэлийн төлөөлөгч мэдээллээ.