2018 оны 09 дүгээр сарын 01-ний өдрөөс хот хоорондын нийтийн зорчигч тээврийн тариф нэмэгдэнэ

Зам, тээврийн сайдын 2013 оны 162 дугаар тушаалаар Хот хоорондын зорчигч тээврийн 1 хүн/км-ийн жишиг тарифыг 45-55 төгрөгөөс хэтрүүлэхгүй байхаар заасан хэдий ч өнөөгийн мөрдөгдөж буй тариф нь дээрх жишгээс доогуур тогтоогдсон байдаг.
Шатахууны үнийн өсөлт бүрт, үүнийг дагаад өргөн хэрэглээний барааны үнэ өссөөр ирсэн ч тээвэрчид маань иргэдийн нуруунд ачаа болохгүй байх үүднээс зорчигч тээврийн тарифыг нэмэгдүүлээгүй өдий хүрсэн билээ.
Судалгаа тооцооллын үндсэн дээр, мөн удаа дараагийн шатахууны үнийн өсөлтөөс хамааран хот хоорондын нийтийн зорчигч тээврийн чиглэлүүдэд 2018 оны 09 дүгээр сарын 01-ний өдрийн 00:00 цагаас өөрчлөлт орохоор болсон байна.
Нэмэгдсэн чиглэлүүдийн өнөөдрийн мөрдөж буй тариф болон 09 дүгээр сарын 01-ний өдрөөс эхэлж мөрдөх тарифыг харьцуулан зургаар оруулав.