Өмнөговь: Малдаа явсан нэг иргэнийг эрэн хайх ажиллагаа үргэлжилж байна

Цасан шуурганы улмаас Өмнөговь аймгийн Цогтцэций сумын нутагт оторлож явсан Ханхонгор сумын нэг иргэн 13:00 цагт малдаа яваад одоо болтол сураггүй байна. Цогтцэций сумын ОБ, ГУА 44-р ангийн 4 алба хаагч 1 машинтай, Ханхонгор сумын ЗДТГ-ын 6 ажилтан 2 машинтай, ар гэрийнх нь 10 хүн хамтдаа эрэн хайх ажиллагааг явуулж байна. Мөн Номгон сумын нэг малчин, аймгийн төврүү явсан нэг машин сураггүй болоод удалгүй эсэн мэнд олдсон.

Номгон сумаас аймгийн төв рүү явсан 5 хүнтэй машин цасанд суусан дуудлагын дагуу ОБГ-ын алба хаагчид очиж гаргахдаа ойролцоо 4 машин суусан байсныг гаргажээ. ДЗ-д гэр нурсан дуудлага мөн ирсэн байна.

Одоогоор сураггүй байгаа малчин нь 68 настай бөгөөд эрэн хайх ажиллагаа үргэлжилж байна.

Өмнөговь ОБГ.