“Нэг үзэг мянган үйлс” сэтгүүлч Б.Сансартуяад туслах хандивын аянд нэгдэхийг хүсье

Цэл залуу, ид хөдөлмөрлөж, хийж бүтээх насандаа хүнд өвчнөөр өвдсөн найзад минь хандив өргөнө үү хэмээн Монгол түмнээсээ болон үзэг нэгт нөхдөөсөө хүсч байна.

Борчулуун овогтой Сансартуяа нь 2020.07.16-ны өдөр Улсын төв хоёрдугаар эмнэлэгт нэгдсэн шинжилгээнд хамрагдах үеэр “Уушгины цулцангийн эдийн ховор төрлийн эмгэг” /Pulmonary Alveolar proteinosis/ өвчтэй гэж оношлогдсон.

Энэ өвчин нь Монголд төдийгүй дэлхийд ховор тохиолддог уушгины өвчин бөгөөд Монгол Улсад бүртгэгдсэн хоёр дахь тохиолдол болж байгаа юм. Уг өвчнийг эх орондоо эмчлэх боломжгүй тул гадаадад өндөр төлбөртэй /130 сая/ эмчилгээнд явах шаардлагатай болсон. Эмчилгээний явцад хамгийн багадаа 30 хоног бүтэн унтуулгатай нарийн эмчилгээ хийгдэх тул эмчилгээг эхлэхээс өмнө биеийн байдлыг хянаж тогтворжуулах урьтал эмчилгээ хийх учраас урт хугацааны эмчилгээний зардал хэрэгтэй болоод байна.

Өвчний оношоо сонссоноос хойш “Эмчилгээний зардлаа өөрөө ажиллаж олно” гэж зүтгэсэн боловч хугацаа алдаж, улмаар өвчний тархалтыг нэмэгдүүлэх эрсдлийг бий болгосон төдийгүй Тайванийн эмч нар яаралтай эмчилгээгээ эхлэхийг шаардсан билээ. Тиймээс ажлын хамт олон, найз нөхдийнх зүгээс нь “Нэг ҮЗЭГ Мянган ҮЙЛС” хандивын аяныг эхлүүлээд байна.

Сайхан сэтгэлт хүмүүн та цэл залуу, ид хөдөлмөрлөж, хийж бүтээх насандаа ховор тохиолдох хүнд өвчнөөр өвдсөн найзад минь сэтгэлийн хандив өргөнө үү.

Эзэмшигчийн нэр: Б.Сансартуяа

Голомт банк 1805150212

ХХБ 2611206858

Буян буцаж ирэхдээ бороо шиг асгардаг шиг таны өгсөн өглөг буян найзын минь эмчилгээнд тус нэмэр болж, энгэрт нь эрхлэх хонгор үрдээ эрүүл саруул инээмсэглэн ирэх боломжийг олгох юм.

Сэтгүүлч Б.Сансартуяа нь olloo.mn сайтаас ажлын гараагаа эхэлсэн, эдийн засаг, нийгмийн чиглэлийн сурвалжлага, нийтлэлээр дагнан бичиж, салбарын олон асуудлыг хөндөж ирсэн хүний эрхийн дуу хоолой, төр түмний гүүр болон мэргэжилдээ дурлан цаг наргүй зүтгэдэг олон зуун сэтгүүлчдийн нэг билээ. Тэрбээр хэвлэл мэдээллийн салбарын тэргүүн дээд шагнал болох “Ган үзэгтэн” шагналт сэтгүүлч бөгөөд мэргэжлээ дээшлүүлж, өөрийгөө хөгжүүлэхээр Тайваньд мастераа хамгаалж ирээд НИТХ-ын Иргэний оролцоо, олон нийттэй харилцах хэлтэст хэвлэлийн төлөөлөгчөөр ажилладаг юм.

Залуу хүн эрүүл бол юуг ч хийж бүтээж чадна гэдэгт бид итгэдэг.

ЗОХИОН БАЙГУУЛАГЧ,

Сэтгүүлч Б.Сансартуяагийн үзэг нэгт найзууд