Шинэ он гарснаас хойш бензин шатахуун ховордож,литр тутмын үнэ нь нэмэгдэж нийслэлийнхнийг багагүй бухимдуулж байна. Хөдөө орон нутагт ч бас асуудал гарсаар байна. Шударга өрсөлдөөн, хэрэглэгчийн төлөө газар /ШӨХТГ/-аас бензин шатахууныхаа үнийг нэмж, хэрэглэгчдийн эрх ашгийг зөрчсөн нефть импортлогчдыг шалгуулахаар прокурорт ханджээ. Ингэснээр тэдэнд хэрэг үүсгэж, шалгах юм. Мөн “Шунхлай”, “Сод монгол”, “Магнай трейд”, “Петровис”, “Тэс петролиум” гээд нэр бүхий хэд хэдэн компанид тав хүртэлх сая төгрөгийн торгууль ногдуулснаа ШӨХТГ-ын Хэрэглэгчийн эрхийг хамгаалах газрын дарга Ц.Лхагвасүрэн мэдэгдэв.
Нефть импортлогчид А-95, 98 төрлийн шатахуунаа литр тутамд 250-300 төгрөгөөр нэмснээ хүлээн зөвшөөрлөө. Тэд Засгийн газар шатахууны импортод ногдуулах Онцгой албан татварынхаа үнийн дүнг буулгахгүй бол цаашид A-95, 98 төрлийн бензинийг литр тутмыг нь 1950-1980 төгрөгөөр худалдаалах аж. Тухайлбал, нефть импортлогчдын томоохон төлөөлөл “Петровис” компанийг төлөөлж “Ник” компанийн гүйцэтгэх захирал Н.Наранбат хэлэхдээ “Дэлхийн зах зээлд дизель, түлшний үнэ нэг тонн тутамдаа 67.8 ам.доллараар нэмэгдсэн. Дээрээс нь Засгийн газраас 2018 оны нэгдүгээр сарын нэгний өдрөөс шатахуунд ноогдуулах онцгой албан татварын хэмжээг нэмлээ. Ингээд импортлогчид бид шатахууны литр тутамд 250-300 төгрөгийн алдагдал хүлээж байна. Алдагдлаа бууруулах арга нь шатахууны жижиглэнгийн худалдааны үнээ нэмэх эсвэл Засгийн газар 30-100 хүртэлх мянган төгрөгөөр нэмсэн онцгой албан татварын хэмжээгээ буулгах шаардлагатай” гэв.
А-92 шатахууны хомсдолын тухайд дотоод дахь тээвэрлэлтэй холбон тайлбарлалаа. Шатахууны үнэ нэмэгдсэн мэдээллээр жолооч нарын шатахууны худалдан авалт нэмэгдсэн. Ингээд хотын төв дэх “Петровис” компанийн салбар колонкууд агуулахаасаа шатахуунаа шуурхай татаж чадахгүй байгаа гэнэ. Учир нь, том оврын ачааны машин бараагаа зөвхөн шөнийн цагаар тээвэрлэх эрхтэй аж. Өөрөөр хэлбэл, импортын шатахууны тээвэрлэлт тасалдаж, нөөцгүй болсон зүйл огт болоогүй гэлээ.
Иргэдийг бухимдуулсан, тэдний эрх ашгийг зөрчсөн шатахуун импортлогчдын энэхүү үйлдэлд ямар хариуцлага тооцож, үүссэн асуудлыг хэрхэн шийдэх вэ гэдэгт Уул уурхай, хүнд үйлдвэрийн яам болон бусад хяналтын төрийн байгууллагууд нэгдсэн байр суурьд хүрээгүй байна. Энэ тухай Уул уурхай, хүнд үйлдвэрийн яамны Түлшний бодлого зохицуулалтын газрын дарга Ч.Чулуунбат “Шатахууны үнийн зөвлөл хуралдаж, үдээс хойшдоо нэгдсэн шийдвэрт хүрнэ. Түүний дараа албан тайлбар, мэдээлэл өгье” гэв. ОХУ-ын “Роснефть” компаниас нэг тонн шатахууныг 631-668 ам.доллараар нефть импортлогчид худалдан авдаг аж.
Гаалийн ерөнхий газраас статистик мэдээлэлд, 2017 оны арванхоёрдугаар сарын байдлаар,дизель түлшний импорт 805.3 мянган тоннд хүрсэн байна. Энэ нь 2016 оныхоос 279.6 мянган тонноор буюу 184.2 сая ам.доллараар өсчээ. Өнгөрсөн 2016 онд нэг тонн дизель түлшний импортын дундаж үнэ 463.5 ам.доллар байсан бол энэ онд 531.3 ам.долларт хүрч 67.8 ам.доллар буюу 14.6 хувиар өссөнийг онцолжээ. Нефть импортлогчид байсхийгээд л шатахууны үнэ нэмдэг, түүнийг дагаад талхнаас авахуулаад бүх юмны үнэ нэмэгддэг. Ард түмнийг туйлдуулсан энэ увайгүй байдлыг алийн бүр чимээгүй харах вэ. Төрд төмөр нүүр байдаг бол одоо тэрийгээ харуулах цаг болсон биш үү. Өглөө сэрэхэд л үнэ нэмэгдлээ гэсэн дарамтаар 20 гаруй жил амьдарлаа шүү дээ.

Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол
Цахим залилангаас сэргийлье
Гол, нуурын мөсөн дээгүүр явганаар болон автомашинтай зорчихгүй байхыг анхааруулж байна
Гадаад харилцааны сайд Б.Батцэцэг Бүгд Найрамдах Солонгос Улсад албан ёсны айлчлал хийнэ
Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг
Согтуугаар тээврийн хэрэгсэл жолоодсон 62 зөрчил бүртгэгджээ
Нийслэлийн аварга шалгаруулах парламентын мэтгэлцээн арваннэгдүгээр сарын 21-23-нд болно
Морь, нохой, хонь, бич, тахиа жилтнээ аливаа үйлийг хийхэд эерэг сайн
Улаанбаатарт өдөртөө -5 градус хүйтэн
Монгол Улсын Ерөнхийлөгчийг үүрэгт ажлаас нь чөлөөлөв
Өнөөдөр улаан бич өдөр
УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой
Ерөнхийлөгч У.Хүрэлсүх: Энэ бүх гүтгэлэг худал болохыг нотлохын тулд би ажлаа өгч байгаад нэр төрөө сэргээлгэнэ
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Нийслэлийн хэмжээнд “Шар дарцаг” аян эхэллээ
Улаанбаатарт өдөртөө -9 градус хүйтэн
Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Дулаан гараашийг татвараас чөлөөлөх хуулийн төслийг Засгийн газар дэмжлээ
Тэгш, сондгойгоор замын хөдөлгөөнд оролцсон өдрүүдийн зам ашигласны төлбөрөөс чөлөөлнө
Есөн улсын 129 иргэнийг Монгол Улсаас албадан гаргав
Засгийн газрын ээлжит хуралдаанаас гаргасан шийдвэрийг танилцуулж байна
Архангайд айлуудын гэрт хулгай хийсэн дөрвөн этгээдийг баривчилж, 31 хөөрөг, 19 даалин хур
Улаанбаатарт өдөртөө +6 градус дулаан
БНХАУ-д орон сууцны цогцолборт гал гарч, 14 хүн амиа алджээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн
УДЭТ-ын жүжигчин О.Энхтуул Монгол Улсын гавьяат жүжигчин цол хүртлээ
Улаанбаатарт өдөртөө +1 градус дулаан
