Цагдаагийн байгууллагаас сэрэмжлүүлж байна

Сүүлийн үед бага насны хүүхдүүдийг гэртээ байхад нь янз бүрийн арга хэрэглэн гэрт нь орж, хулгай, дээрэм хийх явдал газар авсаар байна.

Тухайлбал,  Баянгол дүүргийн цагдаагийн 1-р хэлтсийн нутаг дэвсгэрт цонхны хэмжээ авна, хорооноос судалгаа авахаар явж байна гэх мэтээр бага насны хүүхдийг хуурч мэхлэн гэрт нь орж хулгайн гэмт хэрэг үйлдсэн хэд хэдэн удаагийн үйлдэл гарсан байна.

Иймд бага насны хүүхдээ гэрт нь ганцааранг нь орхихдоо танихгүй хүнд хаалгаа нээж өгөхгүй байхыг Цагдаагийн байгууллагаас сэрэмжлүүлж байна.