Туульч Э.Баатаржав Богд хааны ордон музейд тууль хайлна

2017 оны 02-р сарын 14 өдөр, 12 цаг 34 минутад нийтэлсэн (Сэтгэгдэл үлдээх )
16736671_1300408406710293_672660004_n

Баян-Алтайн гуч цуурч, туульч, хөөмийч Эрдэнэцогтын Баатаржав нь Богд хааны ордон музейн “Хаан туульс”-ийн өргөөнд “АЛТАН ШАР НАРТАД БУМАН ЖИЛИЙН ЗУН АВЧИРСАН БАЯНЦАГААН ӨВГӨН” туулийг 2017 оны 2 дугаар сарын 17-ны 11 цагаас хайлах юм.

Уг тууль нь сайн хүүхэд заяалгадаг, цэцэн мэргэн оюун ухаан хайрладаг, эд баялаг , идээ ундаа элбэг дэлбэг байхын заяа хайрладаг тууль юм.

“Баян-Алтай” Мэнгит туульчийн удмын цуурч, туульч, хөөмийч Эрдэнэцогтын Баатаржав нь Алтайн Урианхайн удам дамжсан туульч юм. Тэрбээр өвөг дээдсийн хайлдаг олон туулийг уламжлан авч хайлахын зэрэгцээ хөөмий, цуур хөгжим, чашга, дудар, икэл, бүх төрлийн хэл хуур, нуман хуурыг эзэмшжээ. ”Хөлгөн туульс”, “Язгуур аялгуу” хамтлагийг үүсгэн байгуулагч, “Хөгсүү” чуулгын нарийн бичгийн дарга Э.Баатаржав нь 5 цомог гаргаж, 3 ном бичиж, 120 гаруй жил тасалдсан чашга дудар, эвэр нуман хуур хөгжмийг 10 гаруй жил эрэн сурвалжилж, эрдэм шинжилгээний болон, уран бүтээлийн эргэлтэнд оруулж, Урианхайн язгуур хөөмэй болох хоолойн цуур, модон цуур, туульсийн хоржин хоолойн эрдмийг харьцуулан судалж туршиж, уран бүтээлдээ нэвтрүүлж, дэлхийн таван тивийн олон орны үзэгчдэд таниулжээ.

Мөн Харвард, Хавай, Стэйнфорд, Берклэй, Вэслэйны их сургууль, НҮБ-ын ордон, Холливуд, Европын алдартай тайзууд болон нийт нүүдэлчдэд өв соёлоо сурталчилж ирсэн байна. Дэлхийн урлагийн маэстро, 2011 оны “Дэлхийн ордны угсаатны эртний хөгжмийн гранпри”, “Испаны хун тайжын шагналт”, “Дэлхийн ардын урлагийн 30-р наадмын тэргүүн шагналт”, МУСТА, цуурч, туульч, хөөмийч Э.Баатаржав нь 2006 оноос хойш хот хөдөөгийн хүүхэд залуучуудад тууль, цуур, хөөмэй, ардын билиг эрдэм зэрэг уламжлалт урлагаа өвлүүлэн үлдээх зорилгоор шавь сургалтыг явуулж байгаа юм.

“Алтан шар нартад буман жилийн зун авчирсан Баянцагаан өвгөн” тууль нь  2017 оны туулийн өргөөний хаалтын тууль юм. Уг тууль Богд хааны ордон музейн “ХААН ТУУЛЬС”-ийн өргөөнд үнэ төлбөргүй зохион байгуулагдана. Дэлгэрэнгүй мэдээллийг 88016871 дугаарын утсаар авч болох юм байна.

16754441_1300408363376964_400274483_n 16735967_1300408390043628_482427753_n

Share the post "Туульч Э.Баатаржав Богд хааны ордон музейд тууль хайлна"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх

Нийт 5 сэтгэгдэлтэй
  1. Ужин
     (59.153.113.***)
    2017/02/15 13:30

    Энэ цаг үеийн эрхэм туульч, монгол их өв соёлоо тээж түгээж яваа сайхан уран бүтээлчдээ хамгийн сайн сайхан бүхнийг хүсэн ерөөе.
    (0) (0)
    Хариулах
  2. Жаргалсүрэн
     (103.57.93..***)
    2017/02/14 21:29

    Язгуур их өв маань бага ч гэсэн сэргэж байгаад талархаж байна.Залуучууд сайн өвлөж үлдээсэй.Монгол Монголоорой байхын нэгэн сурвалж билээ
    (0) (0)
    Хариулах
  3. Anonymous
     (103.57.92..***)
    2017/02/14 14:43

    АМЖИЛТ
    (0) (0)
    Хариулах
  4. Anonymous
     (202.179.27.***)
    2017/02/14 13:26

    Их мундаг хүн юм билээ. Язгуур урлагийн их олон төрлийг эзэмшсэн. Их тод цээл хоолойтой. Очноо.
    (0) (0)
    Хариулах
  5. Уншигч
     (202.179.8..***)
    2017/02/14 13:10

    Энэ туульч монгол хөөмийг дэлхийд гаргаж сурталчилж чадсан хүн юм билээ. Амжилт хүсье. Улсаас нэг урамшуулчихмаар хүн дээ
    (0) (0)
    Хариулах