Авлигатай тэмцэх газар Авлигын эсрэг хуулийн 18 дугаар зүйлийн 18.1.6-д заасан чиг үүргийн хүрээнд Засгийн газраас коронавируст халдварын цар тахалтай тэмцэх зорилгоор төлөвлөн хэрэгжүүлж буй үйл ажиллагааны хүрээнд хэд хэдэн асуудлаар анхаарлаа хандуулахыг Засгийн газрын Хэрэг эрхлэх газарт Зөвлөмж хүргүүллээ.
Мэдээллийн ил тод, нээлттэй байдлыг хангах, хандив авахтай холбогдсон хязгаарлалтыг мөрдөж ажиллах, эрх мэдэл болон мэдээлэлд “ойр” этгээдүүдэд давуу байдал олгох боломжийг олгохгүй байх, хуульд заасан сурталчилгаатай холбогдсон хязгаарлалтыг мөрдөж ажиллах, албан тушаалтан бүрэн эрхээ хэрэгжүүлэхэд нөлөөлсөн аливаа дарамт, шахалт, зохимжгүй нөлөөллийн талаар нэн даруй мэдэгдэж байх үүргийн хэрэгжилтийг хангуулах, хууль бус үйл ажиллагааны талаар мэдээлсэн иргэн, албан хаагчдад аливаа хэлбэрээр шийтгэл оногдуулахаас зайлсхийх, ашиг сонирхлын зөрчил үүссэн нөхцөлд мэдэгдэл, тайлбар гаргах үүргээ биелүүлэх зэргээр авлига, ашиг сонирхлын зөрчлөөс урьдчилан сэргийлж ажиллахыг зөвлөв.
Аливаа гамшиг, цар тахлын эсрэг тэмцэхэд зарцуулагдах ёстой хөрөнгийг хэн нэгэн шамшигдуулах нь нийт олны зүтгэл, хүчин чармайлтыг үр дүнгүй болох, үр дагаврыг нь илүү олон хүн ам нас, эрүүл мэндээрээ төлөх эрсдэлтэй байдгийг авлигатай тэмцэх олон улсын болон үндэсний байгууллагууд, эрдэмтэн, судлаачид онцлон тэмдэглэж байна. Бусад улс орнуудын нөхцөл байдлаас харахад хэт өндөр үнэтэй, эсхүл чанар муутай бараа, бүтээгдэхүүн, үйлчилгээг авлигын замаар худалдан авах, нийлүүлэх тохиолдлууд гарч байна.
Авлигатай тэмцэх газраас Засгийн газрын Хэрэг эрхлэх газарт хүргүүлсэн Зөвлөмжид дараах асуудлыг онцгойлон анхааруулсан байна. Үүнд:
1. Тендер шалгаруулалтын онцгой журам хэрэглэн эм, эмнэлгийн хэрэгсэл, тоног төхөөрөмж, ариутгал, халдваргүйжүүлэлтийн бодис, тусгаарлах байр болон бусад бараа, ажил, үйлчилгээ худалдан авах үйл ажиллагаанд тавих хяналтыг нэмэгдүүлэх, ил тод, өрсөлдөх тэгш боломжтой, үр ашигтай, хэмнэлттэй, хариуцлагатай байх зарчмыг хэрэгжүүлж ажиллахад анхаарах;
2. Худалдан авсан бараа, ажил, үйлчилгээ болон аливаа хандив, тусламжийн бараа, ажил, үйлчилгээний чанар, стандарт, аюулгүй байдалд онцгойлон анхаарал хандуулах;
3. Үүсээд буй эдийн засгийн нөхцөл байдалтай уялдуулан иргэн, аж ахуйн нэгж, байгууллагад тодорхой сангаас дэмжлэг олгох, эсхүл шимтгэл, татвараас чөлөөлөх арга хэмжээг хэрэгжүүлэхдээ харгалзан үзэх шалгуур үзүүлэлт, түүнд тавигдах шаардлага, шалгаруулах үе шатны талаарх мэдээллийг олон нийтэд ойлгомжтой хэлбэрээр түгээх, ил тод болгоход анхаарах;
4. Албан тушаалтан нь өөрийн хамаарал бүхий этгээдэд болон хувийн ашиг сонирхлын үүднээс тодорхой бараа, бүтээгдэхүүн, эм, эмнэлгийн хэрэгсэл, үйлчилгээний талаар бусдад шууд болон шууд бус байдлаар санал болгох, сурталчлахаас зайлсхийх;
5. Өндөржүүлсэн бэлэн байдлын зэрэгт /хэсэгчлэн/ шилжүүлсэн бүс нутагт иргэн, зорчигч тээврийн хөдөлгөөнийг хязгаарласан, эсхүл хилийн боомтыг хаасан, хөдөлгөөнийг хязгаарласан үед хяналт тавин ажиллаж буй албан хаагчдын шийдвэрт бусад албан тушаалтан өөрийн албан тушаалын байдлаа ашиглан аливаа хэлбэрээр хөндлөнгөөс нөлөөлөхөөс урьдчилан сэргийлэх, хяналтыг чангатгах;
6. Нийтийн ашиг сонирхлыг хамгаалах зорилгоор аливаа хууль бус үйл ажиллагааны талаар холбогдох байгууллага, албан тушаалтанд мэдээлсэн иргэн, төрийн албан хаагчдад зүй бус дарамт шахалт, шийтгэл оногдуулахаас сэргийлэх тодорхой арга хэмжээ авах, энэ талаар олон нийтэд сурталчлах;
7. Коронавируст халдварын цар тахлын тархалтаас урьдчилан сэргийлэх, эрсдлийг бууруулах, бэлэн байдлыг хангах зорилгоор аливаа албан тушаалтан захиргааны шийдвэр гаргах, удирдах, хяналт, шалгалт хийх, хариуцлага хүлээлгэх, гэрээ байгуулах, эдгээрийг хэлэлцэх, бэлтгэх, оролцохын өмнө ашиг сонирхлын зөрчил үүссэн, үүсч болзошгүй нөхцөлд албан үүргээ гүйцэтгэхээс татгалзаж, энэ тухай эрх бүхий байгууллага, албан тушаалтанд бичгээр мэдэгдэх зохицуулалтыг чанд хэрэгжүүлэн авлига, ашиг сонирхлын зөрчлөөс урьдчилан сэргийлж ажиллах.



Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол
Цахим залилангаас сэргийлье
Гол, нуурын мөсөн дээгүүр явганаар болон автомашинтай зорчихгүй байхыг анхааруулж байна
Гадаад харилцааны сайд Б.Батцэцэг Бүгд Найрамдах Солонгос Улсад албан ёсны айлчлал хийнэ
Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг
Согтуугаар тээврийн хэрэгсэл жолоодсон 62 зөрчил бүртгэгджээ
Нийслэлийн аварга шалгаруулах парламентын мэтгэлцээн арваннэгдүгээр сарын 21-23-нд болно
Морь, нохой, хонь, бич, тахиа жилтнээ аливаа үйлийг хийхэд эерэг сайн
Улаанбаатарт өдөртөө -5 градус хүйтэн
Монгол Улсын Ерөнхийлөгчийг үүрэгт ажлаас нь чөлөөлөв
Өнөөдөр улаан бич өдөр
УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой
Ерөнхийлөгч У.Хүрэлсүх: Энэ бүх гүтгэлэг худал болохыг нотлохын тулд би ажлаа өгч байгаад нэр төрөө сэргээлгэнэ
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Нийслэлийн хэмжээнд “Шар дарцаг” аян эхэллээ
Улаанбаатарт өдөртөө -9 градус хүйтэн
Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Улаанбаатарт өдөртөө +8 градус дулаан
Дулаан гараашийг татвараас чөлөөлөх хуулийн төслийг Засгийн газар дэмжлээ
Тэгш, сондгойгоор замын хөдөлгөөнд оролцсон өдрүүдийн зам ашигласны төлбөрөөс чөлөөлнө
Есөн улсын 129 иргэнийг Монгол Улсаас албадан гаргав
Засгийн газрын ээлжит хуралдаанаас гаргасан шийдвэрийг танилцуулж байна
Архангайд айлуудын гэрт хулгай хийсэн дөрвөн этгээдийг баривчилж, 31 хөөрөг, 19 даалин хур
БНХАУ-д орон сууцны цогцолборт гал гарч, 14 хүн амиа алджээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн
