Түүхэн замнал, онцлогийг харуулсан самбартай боллоо

Дархан-Уул аймгийн Онцгой байдлын газраас байгууллагын түүхэн замнал, үйл ажиллагааг олон нийтэд сурталчлах зорилгоор түүхэн замналын самбартай боллоо.

Тус самбарт байгууллагын үүсэл хөгжил, томоохон хэрэгжүүлсэн үйл ажиллагаа, онцлогийг цаг хугацааны дарааллаар байршуулснаараа онцлог юм.

Ингэснээр иргэд олон нийтэд байгууллагын талаар тодорхой мэдээллийг хүргэхээс гадна байгууллагын түүхэн үйл явдлыг залуу хойч үедээ өвлүүлэн үлдээх боломж бүрдлээ гэж Дархан-Уул аймгийн Онцгой байдлын газраас мэдээллээ.