МУСТА, дуучин Г.Батсүх “Эрх чөлөө 11” тоглолтоо үзэгч, сонсогчиддоо толилуулна

Завхан аймгийн Их-Уул сумын уугуул, “Алтан гадас” одонт, МУСТА, хөтлөгч, дуучин Гончигийн Батсүх энэ сарын 25-ны 19:00 цагаас “UB Palace”-ын концертын их танхимд “Эрх чөлөө 11” нэртэй бие даасан тоглолтоо үзэгч, сонсогч түмэнд толилуулах гэж байна.

Тоглолтод урилгаар:

МУАЖ, “Чингис хаан” хамтлагийн ахлагч Д.Жаргалсайхан

МУГЖ С.Батсүх

МУГЖ Д.Ганхуяг

МУГЖ, У.Далантай тэргүүтэй хамтлаг, дуучид оролцож, ая дуугаа өргөх аж.

Тоглолтын тасалбарыг “UB Palace”-ын касс болон www.ticket.mn-ээс худалдан авах боломжтой юм байна.

Дашрамд дурдахад, Г.Батсүх нь сар шинийн баярын өмнө Монгол Улсын Ерөнхийлөгчийн зарлигаар 20 гаруй жилийн хөдөлмөрөө үнэлүүлж, “Алтан гадас” одонгоор энгэрээ мялаасан билээ.