Аймгийн хурц арслан Ш.Мөнгөнбаатар түрүүллээ

Өчигдөр буюу 3-р сарын 10-нд Барилгын цэргийн 80 жилийн ойд зориулсан Аймаг, цэргийн цолтой болон залуу 128 бөхийн барилдаан боллоо.

Барилдаанд а.х.а Б.Ганхуяг, Ш.Мөнгөнбаатар, Д.Цэвэлсодном, Б.Эрдэнэхүү, С.Ариунбилэг, Н.Жаргалбаяр, Ө.Сүхбат, О.Гантулга, Ба.Батжаргал, аймгийн арслан М.Бадарч, О.Хангай, Д.Анар, Л.Шинэбаатар тэргүүтэй 128 бөх зодоглов. Үүнээс Сүхбаатар аймгийн Онгон сумын харьяат, Алдар спорт хороо, Монголын цахилгаан холбоо ХК, Энгүй тал ХХК-ний бөх аймгийн хурц арслан Ш.Мөнгөнбаатар 7 даван түрүүлж, Сэлэнгэ аймгийн Мандал сумын харьяат, Увснуур дэвжээний бөх, аймгийн хурц арслан Н.Жаргалбаяр үзүүрлэлээ.