Цагдаагийн албаны тухай хуулийн эх бичвэрийг хүлээлгэн өгөх ёслол өнөөдөр (2017.03.21) Их жанжин Д.Сүхбаатарын талбайд боллоо.
Ёслолын ажиллагаанд Улсын Их Хурлын дарга М.Энхболд, Улсын Их Хурлын дэд дарга Ц.Нямдорж, Улсын Их Хурлын Хууль зүйн байнгын хорооны дарга Ш.Раднаасэд, Засгийн газрын гишүүн, Хууль зүй, дотоод хэргийн сайд С.Бямбацогт, Цагдаагийн ерөнхий газрын дарга, цагдаагийн хурандаа Ө.Энхтөр, албаны бусад хүмүүс оролцов. Мөн нийслэлийн болон Цагдаагийн ерөнхий газрын удирдлагууд, Цагдаагийн ерөнхий газрын үе үеийн дарга нар байлцлаа.
Ёслолын ажиллагааны эхэнд цагдаагийн нийт бие бүрэлдэхүүн Монгол Улсын Төрийн далбаа, Цагдаагийн албаны байлдааны туганд хүндэтгэл үзүүлсэн юм.
Цагдаагийн албаны тухай хуулийн эх бичвэрийг хүлээн авах ёслолын ажиллагааг Цагдаагийн ерөнхий газрын дарга, цагдаагийн хурандаа Ө.Энхтөр нээж үг хэлэв. Тэрбээр хэлэхдээ, 1993 онд Цагдаагийн байгууллагын тухай анхны хууль батлагдаж, байгууллагын чиг үүрэг, тогтолцоо, алба хаагчдын эрх зүйн байдлыг хуульчилж өгснөөр түүхэн үүргээ бодитойгоор хэрэгжүүлж чадсаныг тэмдэглээд “Өнөөдөр бидэнд гардуулан өгч байгаа Цагдаагийн албаны тухай шинэчлэн найруулсан хууль нь ард иргэдээсээ тавих хяналтыг нэмэгдүүлж, гэмт хэрэгтэй тэмцэх, урьдчилан сэргийлэхэд олон нийт, цагдаагийн албаны ажиллагааг ойртуулан цагдаагийн байгууллагын үйл ажиллагааг шуурхай, шийдвэр гаргах эрхийг тодорхой болгож, алба хаагчдын нийгэм, эрх зүйн баталгааг хангаж өгснөөрөө онцлог юм” гэлээ.
Дараа нь Улсын Их Хурлын дарга М.Энхболд үг хэлж, цагдаагийн албаны нийт бие бүрэлдэхүүнд мэндчилгээ дэвшүүлээд Цагдаагийн албаны тухай хуулийн эх бичвэрийг Засгийн газрын гишүүн, Хууль зүй, дотоод хэргийн сайд С.Бямбацогтод гардуулж өгөв.
Дараа нь Хууль зүй, дотоод хэргийн сайд С.Бямбацогт Цагдаагийн албаны тухай хуулийн эх бичвэрийг ЦЕГ-ын дарга, цагдаагийн хурандаа Ө.Энхтөрд гардуулснаар цагдаагийн алба хаагчид шинээр тангараг өргөх ёслолын ажиллагаа эхэллээ.
Тангараг өргөх ёслолын ажиллагаанд Эрүүгийн цагдаагийн алба, Мөрдөн байцаах алба, Замын цагдаагийн газар, Хууль сахиулахын их сургууль, Тусгай ажиллагааны газар болон Нийслэлийн цагдаагийн газар, нийслэлийн Баянгол дүүрэг дэх цагдаагийн нэг, хоёрдугаар хэлтэс зэрэг Улаанбаатар цагдаагийн хүрээний алба хаагчид оролцов.
Ёслолын төгсгөлд Тугийн салааны бүрэлдэхүүн жанжин Д.Сүхбаатарын талбайгаас Цагдаагийн албаны байлдааны туг, Цагдаагийн албаны тухай хуулийн эх бичвэрийг Цагдаагийн ерөнхий газрын Ёслол, хүндэтгэлийн танхимд заллаа.
МОНГОЛ УЛСЫН ИХ ХУРЛЫН ДАРГА МИЕЭГОМБЫН ЭНХБОЛДЫН ХЭЛСЭН ҮГ
Улс орон, ард иргэдийнхээ амар тайван, аз жаргалтай амьдралын нөхцөлийг бүрдүүлэх хариуцлагатай бөгөөд эрхэм хүндтэй үүргээ нэр төртэй гүйцэтгэж буй Монголын Цагдаагийн байгууллагын алба хаагчид аа,
Улс орны эрүүгийн болон хэв журмын нөхцөл байдал ээдрээ төвөгтэй, зарим тохиолдолд сургамжтай, хүндхэн сорилтууд тулгарч байгаа ч Цагдаагийн байгууллагын бие бүрэлдэхүүн өргөсөн тангарагтаа үнэнч байж төр, түмнийхээ төлөө цуцашгүй хөдөлмөрлөж, мятрашгүй зүтгэж буйд талархаж байгаагаа үгийнхээ эхэнд зориуд тэмдэглэе.
Сүүлийн жилүүдэд Цагдаагийн албаны тухай хууль болон түүнийг дагалдаж гарсан эрх зүйн актууд хэрэгжиж, цагдаагийн албаны бүтэц, зохион байгуулалт, үйл ажиллагааны эрх зүйн орчинд нэлээдгүй өөрчлөлт орсныг бүхэлд нь дүгнэж хэлбэл томоохон шилжилтийн үйл явц болсон билээ.
Энэхүү шилжилтийн хүрээнд эерэг өөрчлөлт гарсан ч цаашид боловсронгуй болгон шийдвэрлэх асуудлууд цөөнгүй байсан юм.
Тиймээс шинэ Засгийн газар Цагдаагийн албаны тухай хууль болон холбогдох бусад хуульд нэмэлт, өөрчлөлт оруулах тухай хуулийн төслийг өргөн барьж, Улсын Их Хурал 2016 оны намрын ээлжит чуулганаараа хэлэлцэн баталсан юм. Өнөөдөр энэ хуулийг хүлээлгэн өгч, хэрэгжүүлж эхлэх ёслолын арга хэмжээ болж байна.
Шинэ хуульд цагдаагийн алба нь гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах гэсэн 3 үндсэн чиг үүрэгтэй байхаар тусгаж, цагдаагийн алба хаагчийн үйл ажиллагааг хуулиар баталгаажуулж өглөө.
Мөн цагдаагийн байгууллагын бүтэц, зохион байгуулалт нь Цагдаагийн төв байгууллага, түүний харьяа алба, орон нутаг дэвсгэрт цагдаагийн байгууллагын нэгж бүрэлдэхүүнээс бүрдсэн байхаар тогтсон.
Цагдаагийн байгууллагын үйл ажиллагааны стандартыг дээшлүүлэх, үйл ажиллагаагаа иргэдийн хэрэгцээ, шаардлагатай уялдуулах үүднээс цагдаагийн алба хаагч үүргээ гүйцэтгэх үедээ иргэнд хүндэтгэлтэй хандаж, иргэд олон нийтийн дэмжлэгийг авах, итгэлийг хүлээхийг эрмэлзэх үүргийг энэ хуулиар хуульчилж өглөө.
Цагдаагийн алба хаагчид цагдаагийн дээд, дунд, бага цол олгохоор тусгаж, тэтгэвэр тогтоолгох насыг цолны байдлаас хамааруулан ялгавартай байхаар хуульд заалаа.
Цагдаагийн албаны тухай хуулийг дагаж мөрдөх журмын тухай хуулиар Тахарын албыг татан буулгасантай холбогдуулан уг байгууллагын хэрэгжүүлж байсан зарим чиг үүргийг цагдаагийн байгууллагад шилжүүлж, ажиллаж байсан алба хаагчдын цол, ажилласан жилийг цагдаагийн албанд ажиллаж байснаар тооцохоор, мөн 2013 онд батлагдсан Цагдаагийн албаны тухай хуулийн дагуу тогтоосон “албан тушаалын цол”-ны нэршлийг өөрчилж, албан тушаал, алба хаасан хугацаа, ажлын үр дүнг харгалзан цагдаагийн цол олгодог байхаар шинэ хуульд зохицууллаа.
Цагдаагийн албаны тухай шинэ хуулийг хэрэгжүүлэхэд УИХ, Засгийн газар болон орон нутгийн төр, захиргааны байгууллагын зүгээс цаашид онцгой анхаарч эрх зүйн орчин, бүтэц, зохион байгуулалтыг улам боловсронгуй болгох, материаллаг баазыг бэхжүүлэх, цагдаагийн ажил, үйлчилгээг олон улсын жишигт хүргэх чиглэлээр дэмжиж ажиллах болно.
Монгол төрийн түшиг тулгуур, цагдаагийн байгууллагын хамт олон Та бүхэн урьдын адил өргөсөн тангараг, хүлээсэн үүрэг, ногдсон хариуцлагаа гүнээ ухамсарлан цагийн хязгаар, биеийн алжаалыг умартан шинэ хуулиа хэрэгжүүлж, төр-иргэндээ үйлчлэх нэр төртэй үйлстээ их амжилт гаргахыг хүсэн ерөөе.
Төр төвшин, түмэн олон маань амгалан байх болтугай.


Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол
Цахим залилангаас сэргийлье
Гол, нуурын мөсөн дээгүүр явганаар болон автомашинтай зорчихгүй байхыг анхааруулж байна
Гадаад харилцааны сайд Б.Батцэцэг Бүгд Найрамдах Солонгос Улсад албан ёсны айлчлал хийнэ
Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг
Согтуугаар тээврийн хэрэгсэл жолоодсон 62 зөрчил бүртгэгджээ
Нийслэлийн аварга шалгаруулах парламентын мэтгэлцээн арваннэгдүгээр сарын 21-23-нд болно
Морь, нохой, хонь, бич, тахиа жилтнээ аливаа үйлийг хийхэд эерэг сайн
Улаанбаатарт өдөртөө -5 градус хүйтэн
Монгол Улсын Ерөнхийлөгчийг үүрэгт ажлаас нь чөлөөлөв
Өнөөдөр улаан бич өдөр
УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой
Ерөнхийлөгч У.Хүрэлсүх: Энэ бүх гүтгэлэг худал болохыг нотлохын тулд би ажлаа өгч байгаад нэр төрөө сэргээлгэнэ
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Нийслэлийн хэмжээнд “Шар дарцаг” аян эхэллээ
Улаанбаатарт өдөртөө -9 градус хүйтэн
Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Улаанбаатарт өдөртөө +8 градус дулаан
Дулаан гараашийг татвараас чөлөөлөх хуулийн төслийг Засгийн газар дэмжлээ
Тэгш, сондгойгоор замын хөдөлгөөнд оролцсон өдрүүдийн зам ашигласны төлбөрөөс чөлөөлнө
Есөн улсын 129 иргэнийг Монгол Улсаас албадан гаргав
Засгийн газрын ээлжит хуралдаанаас гаргасан шийдвэрийг танилцуулж байна
Архангайд айлуудын гэрт хулгай хийсэн дөрвөн этгээдийг баривчилж, 31 хөөрөг, 19 даалин хур
БНХАУ-д орон сууцны цогцолборт гал гарч, 14 хүн амиа алджээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн
