Нийслэлийнхнийг байсхийгээд л “Шүлхий гарлаа, хорио цээрийн дэглэм тогтоолоо” гэсэн таагүй мэдээ хирдхийлгэнэ. Шүлхий бол дэлхий нийтээр хүлээн зөвшөөрсөн гоц халдварт аюултай өвчин. Үүнийг мах иддэг монгол хүн бүр мэдэх болжээ.
Олон улсын мал амьтны халдварт өвчний “А” ангилалд багтдаг, маш богино хугацаанд олон төрлийн мал, амьтанд халдан тархах аюултай, эдийн засгийн ихээхэн хохирол учруулдаг учраас уг өвчнөөс цэрвэж болгоомжилдог. Шүлхий өвчин гарснаас хойш нийслэл рүү ордог товчоод дээр харуул хамгаалалт, ариутгалын баг гарч,өчнөөн хүн өдөр шөнөгүй ажиллаж багагүй чирэгдэл ундардаг. Энэ бол хийх ёстой ажил.
Төрөөс шүлхийд зориулан хэдэн зуун сая,тэрбумаар мөнгө гаргадаг. Гэвч тэр мөнгө хүрэлцээтэй биш бололтой. Шүлхий гарснаас хойш ариутгалынхан хот руу орж буй машин болгоныг зогсоож дугуй руу нь шингэн бодис цацаад 1000 төгрөг хураадаг жамтай болсон. Төрөөс гоц халдварт өвчний зардалд гаргаж байгаа мөнгө нь багаддаг уу эсвэл мөнгө олох хэрэг гардаг уу ийм нэг үйлчилгээ олны дургүйг хүргэх болов.
1000 төгрөгийг яах гэж авч байгааг асуухад мэдэх хүн байхгүй. Шүршигч этгээд “Дээрээс ав гэсэн юмаа” гэж дуртай дургүй бувтнана. Төрийн үйлчилгээ ийм байх нь хэр зохимжтой вэ. Товчоогоор гарч байгаа машины жолооч нар шүлхий гаргаагүй байлтай. Яагаад мөнгө өгч аваад байгаагийн учрыг хэн ч мэдэхгүй. 1000 төгрөг өгсөн хүндээ ч авсан хүндээ ч сүйд болоод байх мөнгө биш. Гэхдээ өдөр шөнөгүй хэдэн мянган машин орж гарна. Олны олон олон таван цэн гэгчээр овоо юм цуглана. Тэр мөнгийг хэн авдаг вэ, мэдэхгүй юм даа.
Шүлхий гэгч аюул шил дараалан хотын ойролцоох малтай бүсүүдэд гараад байгаа. Цаашид ч гарах биз. Өнгөрсөн зургадугаар сард Ерөнхийлөгчийн сонгуулийн өмнөхөн шүлхий гарлаа гэсэн. Гэвч тэр даруй хав дарсан гэж дуулдсан. Хүмүүсийн ярихыг сонсвол, шүлхий гарлаа гэж заримдаа сүржигнэдэг атлаа заримдаа амаа жимийгээд нуучихдаг гэнэ.
Шүлхийтэй холбоотой зовлон бэрхшээл их аж. Ариутгалын бодис нь дуусдаг гэнэ. Тэгэхээр нь хугацаа дуусч чанаргүй болсон хуучин ариутгалын бодисыг усаар найруулж шингэлээд хот руу нэвтэрч буй машинуудыг ариутгасан гэх яриа ч сонсдоно. Ариутгалын бодис авах төсөв мөнгө хүрэлцээгүй гэлцэх нь жолооч нараас 1000 төгрөг татаж байгаагийн учир энэ байж болох. Малтай айлуудыг хотод ойр байлгах уу, байн байн өвчин гараад байвал төрөөс иөнгө гаргах уу яах уу гэж үсээ зулгаах хэрэг байна уу. Эрхбиш цалин цавааг нь авч байгаа дарга нар мэдэж байгаа гэж найдъя. Жолооч нар шүлхийг устгахад 1000 төгрөг хандивлах ёстой юм бол хууль гаргаад авчихсан дээр болов уу. Тэгэхгүй бол “дайны хажуугаар дажин” гэгчээр бие биеэ дарамтлан бухимдуулах “үзэгдэл” газар авсаар байх болно.
Н.Дөл



Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол
Цахим залилангаас сэргийлье
Гол, нуурын мөсөн дээгүүр явганаар болон автомашинтай зорчихгүй байхыг анхааруулж байна
Гадаад харилцааны сайд Б.Батцэцэг Бүгд Найрамдах Солонгос Улсад албан ёсны айлчлал хийнэ
Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг
Согтуугаар тээврийн хэрэгсэл жолоодсон 62 зөрчил бүртгэгджээ
Нийслэлийн аварга шалгаруулах парламентын мэтгэлцээн арваннэгдүгээр сарын 21-23-нд болно
Морь, нохой, хонь, бич, тахиа жилтнээ аливаа үйлийг хийхэд эерэг сайн
Улаанбаатарт өдөртөө -5 градус хүйтэн
Монгол Улсын Ерөнхийлөгчийг үүрэгт ажлаас нь чөлөөлөв
Өнөөдөр улаан бич өдөр
УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой
Ерөнхийлөгч У.Хүрэлсүх: Энэ бүх гүтгэлэг худал болохыг нотлохын тулд би ажлаа өгч байгаад нэр төрөө сэргээлгэнэ
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Нийслэлийн хэмжээнд “Шар дарцаг” аян эхэллээ
Улаанбаатарт өдөртөө -9 градус хүйтэн
Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Улаанбаатарт өдөртөө +6 градус дулаан
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгдлээ
БНХАУ-д орон сууцны цогцолборт гал гарч, 14 хүн амиа алджээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн
УДЭТ-ын жүжигчин О.Энхтуул Монгол Улсын гавьяат жүжигчин цол хүртлээ
Улаанбаатарт өдөртөө +1 градус дулаан
