Хатуурлаас элгээ хэрхэн хамгаалах вэ

Элэг хатуурч байгаагийн анхны шинж тэмдэг гэвэл:  Өдрөөс өдөрт тамирдан ядрах, арьсны өнгө зэвхийрч шарлах, нүдэнд шар туяа тусах, дух болон суганы хонхорхойд нөсөө хааяа үзэгдэх, гарын алга хэт улайх, гэдэс томрох, элэгний зах орчмоор гүвгэр хатуу болох, ам үргэлж гашуу оргих , хэхрэх эдгээр шинж тэмдэг мэдэгдвэл мэргэжлийн туршлагатай эмчид үзүүлж шинжилгээ хийлгэхэд гэмгүй.

• Хэрэв элэг хатуурах шинж тэмдэг илэрсэн бол юуны өмнө бүх төрлийн согтууруулах ундаа, уксус, шар айраг, хурц хоол зэрэг өвчнийг даамжруулах зүйлсийг огт хэрэглэхгүй байх.
• Эмийн ургамал дотроос багваахай цэцэг нэн тустай. Багваахайг 4,5 дугаар сард ид цэцэглэж байх үед нь цэцгийг авч элсэн чихэртэй нухаж идэх, навчаар нь зууш хийх, үндсийг нь нүдэх юм уу жигнэж цай маягаар уух элгэнд сайн аж.

Онцгой үр нөлөөтэй ургамал бол таван салаа юм. Түүний хатсан навчийг жигнэж зууш байдлаар хэрэглэдэг байна. Энэ ургамал нь цөс хөөх үйлчилгээтэй төдийгүй элгийг анагаан эрүүлжүүлдэг байна.

• Элэг доргиох дасгал бас их чухал. Шогшиж гүйх / 15-30 мин/ эсвэл хөлийн өсгийг шалнаас 1 см хиртэй хөндийрүүлж өсгий дээрээ товших хөдөлгөөнөөр элгийг доргионо. Огцом 30 удаа тогшсоны дараа 15 сек хир амраад дахин 30 удаа хийнэ.
• Элэг хатаж хатуурч эхлэх үед хамгийн сайн эмийг барагшуун хэмээн сүүлийн үед үнэлж байна. Эмийн сангуудад 150мл зуун настын шүүсэнд 5г барагшун найруулсан бэлдмэл худалддаг бөгөөд үүнээс өглөө оройд хоол идэхээсээ өмнө цайны халбагаар уухыг зөвлөж байна. 14 хоног уусны дараа 14 хоног амарна.

Дараа нь зөгийн үүрийн лав / прополис /-ны хандмалаас өдөрт 3 удаа 20 дуслаар хоолны өмнө барагшууны бэлдмэл дээрээ нэмж 14 хоног уухад бүүр их үр дүнтэй байдаг байна.  Энэ эмчилгээг жилд 3-4 удаа хийхийг эмч зөвлөж байна.