Эрүүл мэндийн сайд Т.Мөнхсайхан наймдугаар сарын 26-аас эхлэн лавлагаа шатлалын эмнэлгүүдийн хөгжлийн хөтөлбөр, тулгамдаж буй асуудлуудыг хэлэлцэх хамтарсан цуврал уулзалтуудыг зохион байгуулж байгаа билээ. Өнөөдөр буюу аравдугаар сарын 13-ны уулзалтаар Баянгол дүүргийн Эрүүл мэндийн төвийн дарга, АНУ-ны Доктор, Дэд профессор З.Балдандугар 2020-2024 онд авч хэрэгжүүлэх хөгжлийн хөтөлбөрөө танилцууллаа.
Баянгол дүүргийн Эрүүл мэндийн төвийн Ерөнхий мэс заслын тасаг 20 гаруй төрлийн мэс заслыг тогтмол хийж, шинээр УНТЭ-тэй хамтран чих, хамар, хоолойн мэс засал, бөөр шээсний замын мэс заслыг хийж байгаа аж.
Мөн ХСҮТ-ийн хэвлийн хөндийн хавдрын мэс заслын тасаг тус төвд шилжин байрласантай холбогдуулан багаа сурган, чадавхжуулах, хамтарсан мэс заслуудыг хийгээд эхэлжээ. Ирэх арваннэгдүгээр сарын 01-ээс ГССҮТ-тэй хамтран гэмтлийн яаралтай тусламжийн үйлчилгээг нэвтрүүлэхээр бэлтгэл хангагдаж, ЭХЭМҮТ-тэй хамтран хүүхдийн эрчимт эмчилгээ, яаралтай тусламжийн чиглэлээр дүүргийн эмч нараа сургаж, ажлын байран дээр нь чадавхжуулах ажлуудыг эрчимтэй хийж байгаа гэлээ.
Түүнчлэн БГДЭМТ өөрсдийн эмнэлэгийн цаг захиалгын 360312 дугаарын утас болон цаг захиалгын нэгдсэн дуудлагын 1800-0119 дугаараар давхар цаг өгч эхэлсэн байна. Дуудлагын утсаар дамжуулан цахимаар цаг өгдөг болсноор тус төв өглөөд 200 гаруй хүн амбулаториор үйлчлүүлэх гээд хүлээж байдаг байсан бол одоо захиалсан цагтаа бүртгэлээ баталгаажуулах гээд 10 гаруй хүн л байдаг болсон гэв. Ачаалал эрс багасч, хүлээгдэл тэр хэмжээгээр буурсан гэдгийг Баянгол дүүргийн ЭМТ-ийн дарга З.Балдандугар танилцуулгандаа онцоллоо.
Хамтарсан уулзалтын төгсгөлд Эрүүл мэндийн сайд Т.Мөнхсайхан хэлсэн үгэндээ “Өнөөдөр салбартаа хөгжлийн төлөвлөгөөгөө танилцуулсан БГД-ийн ЭМТ-ийн хамт олондоо баярлалаа. ХСҮТ-ийн мэс заслын хэсэг засварт орсонтой холбогдуулан хавдрын хэвлийн хөндийн мэс заслын тасаг БГДЭМТ дээр түр хугацаанд шилжин байршаад байгаа. Төлөвлөгөөт мэс заслуудаа хуваарийн дагуу хийж, үйл ажиллагаа нь доголдолгүй үргэлжилж байна. Цаашид БГДЭМТ өөрсдөө хэвлийн хөндийн хавдрын мэс заслыг үргэлжлүүлэн эмнэлэг дээрээ хийнэ. ХСҮТ-ийн мэс заслын одоо ашиглагдаж буй тоног, төхөөрөмжүүдийг БГДЭМТ-д үлдээнэ. Ингэснээр тус төв өөрсдөө бие даан хэвлийн хөндийн хавдрын мэс заслаа хийгээд явах бүрэн боломжтой болно. ЭМЯ-аас энэ талын бүх дэмжлэгийг үзүүлж байгаа. Төрөлжсөн төв эмнэлгүүдийн ачааллыг хуваалцах, төвлөрлийг сааруулахад бодит ажлууд хийгдээд эхэлсэн. Дүүргийн эмнэлгүүд бүгд төв эмнэлгүүдтэй уялдаа, холбоотой хамтран ажиллана. Эмнэлгүүдийн саналыг үндэслэн оновчтой хөрөнгө оруулалтуудыг хийнэ. Ирэх оны тоног төхөөрөмжүүдийн хангалтыг хийх нарийн төлөвлөгөөнүүд гараад явж байна. Дүүрэг, аймгийн нэгдсэн эмнэлгүүдээ лавлагаа шатлалын төв эмнэлгийн түвшинд очтол хөгжүүлэх, төрөлжсөн төв эмнэлгүүдээ дэлхийн жишигт хүрсэн үйлчилгээ үзүүлдэг байх ёстой гэсэн зарчмаар үйл ажиллагаагаа явуулж байна. Ялангуяа хавдрын тусламж, үйлчилгээн дээр санхүүжилтийн маш олон боломжууд нээгдэж байгаа учраас манай төрөлжсөн төв эмнэлгүүд энэ боломжийг зөв ашиглах хэрэгтэй” хэмээн онцоллоо.
Эх сурвалж: ЭМЯ





Өнөөдөр улаан бич өдөр
Улаанбаатарт өдөртөө -7 градус хүйтэн
УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой
Ерөнхийлөгч У.Хүрэлсүх: Энэ бүх гүтгэлэг худал болохыг нотлохын тулд би ажлаа өгч байгаад нэр төрөө сэргээлгэнэ
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Нийслэлийн хэмжээнд “Шар дарцаг” аян эхэллээ
Улаанбаатарт өдөртөө -9 градус хүйтэн
Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Согтуугаар тээврийн хэрэгсэл жолоодсон 73 зөрчил бүртгэгджээ
Улаанбаатарт өдөртөө +1 градус дулаан
УДЭТ-ын жүжигчин О.Энхтуул Монгол Улсын гавьяат жүжигчин цол хүртлээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн ой тохиож байна
БНХАУ-д орон сууцны цогцолборт гал гарч, 14 хүн амиа алджээ
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгдлээ
Улаанбаатарт өдөртөө +6 градус дулаан
Өнөөдөр цагаан бар өдөр
Архангайд айлуудын гэрт хулгай хийсэн дөрвөн этгээдийг баривчилж, 31 хөөрөг, 19 даалин хураан авчээ
Засгийн газрын ээлжит хуралдаанаас гаргасан шийдвэрийг танилцуулж байна
“Их Засаг ба Хууль засаглахуй” сэдэвт эрдэм шинжилгээний хурал өнөөдөр болно
“Чингис хаан” тэргүүн зэргийн одонг Шинжлэх ухааны академид хүртээнэ
Б.Пүрэвдагва: Энэ өвөл эрчим хүчний хэмнэлттэй, дулаан хуримтлуурын технологи нэвтрүүлэн я
Аюулт үзэгдэл, ослын 99 удаагийн дуудлага бүртгэгдлээ
Тэгш, сондгойгоор замын хөдөлгөөнд оролцсон өдрүүдийн зам ашигласны төлбөрөөс чөлөөлнө
Есөн улсын 129 иргэнийг Монгол Улсаас албадан гаргав
