Нийслэлийн Засаг даргын захирамжаар жил бүр нийслэлийн эрүүл мэндийн байгууллагын тусламж, үйлчилгээг сайжруулахад анхаарч, эрүүл мэндийн байгууллага, өрхийн эрүүл мэндийн төв болон эмч, мэргэжилтний үйл ажиллагааг үнэлэн урамшуулдаг уламжлалтай.
Энэ дагуу өнөөдөр Нийслэлийн Эрүүл мэндийн газраас шалгуур үзүүлэлтээрээ тэргүүлсэн байгууллага, эмч, ажилтнуудыг шагнан урамшууллаа. Шагналыг Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө, Нийслэлийн Эрүүл мэндийн газрын дарга Б.Бямбадорж нар гардуулсан юм.
Нийслэлийн Засаг даргын орлогч З.Төмөртөмөө шагнал гардуулах үеэрээ “Монгол Улсын хүн амын талаас илүү хувь нь Улаанбаатарт амьдарч байгаа тул эрүүл мэндийн салбарын ихэнх ачаалал анхан, дунд шатандаа төвлөрч байдаг. Өнөөдөр шагнал авч байгаа та бүхэн бол эрүүл мэндийн салбарт ажиллаж буй мянга мянган хүний төлөөлөл юм. Бид цаашид эрүүл мэндийн салбарын ажилчдынхаа нийгмийн асуудалд онцгойлон анхаарах болно” хэмээлээ.
Нийслэлийн эрүүл мэндийн байгууллагуудыг нэгдсэн эмнэлэг, эрүүл мэндийн төв, төрөлжсөн мэргэжлийн байгууллага, анхан шатны эрүүл мэндийн байгууллага гэхчлэн үйл ажиллагааных нь зорилго, иргэдийн өмнө хүлээсэн үүргээр нь ангилдаг. Үүний дагуу тусгай комисс ажиллан, ажлын үр дүн, хамт олноо манлайлан ажилласан зэргийг харгалзан шилдгүүдийг шалгаруулдаг уламжлалтай. Ийнхүү энэ жил “Шилдэг эмч” 62, “Шилдэг сувилагч” 60, “Шилдэг ажилтан” 59 болон нэг “Шилдэг менежер”-ийг тус тус шалгаруулан, урамшууллаа. Мөн зургаан “Шилдэг эрүүл мэндийн байгууллага”, зургаан “Шилдэг өрхийн эрүүл мэндийн төв”-ийг шалгаруулав.
Нийслэлийн Эрүүл мэндийн газрын дарга Б.Бямбадорж “2022 оноос эрүүл мэндийн салбарт цахим шилжилт хийж эхэллээ. Ирэх онд уг ажлаа улам өргөжүүлэн, эрүүл мэндийн салбарт цахим шилжилтийг нутагшуулна. Мөн эрүүл мэндийн байгууллагуудад стандарт тогтоон, эмнэл зүйн тусламж үйлчилгээг сайжруулж, зөвлөх үйлчилгээг нэвтрүүлэх зэргээр олон ажил хийхээр төлөвлөөд байна” гэв.
Шилдэг менежерээр шалгарсан Хан-Уул дүүргийн нэгдсэн эмнэлгийн гүйцэтгэх захирал Т.Энхзаяа сэтгэгдлээ хуваалцсан юм. Тэрбээр “2022 оны шилдэг менежер, шилдэг эмнэлгийн даргаар шалгарсандаа маш их баяртай байна. Бид энэ жил олон ажлын ард гарлаа. Манай эмнэлгийн хувьд энэ жилээс төлөөлөн удирдах зөвлөлтэй болсон. Ингэснээр эмнэлгийн үйл ажиллагааг хянах, удирдах механизмыг боловсронгуй болгож байгаа. Мөн бусад дүүргийн болон хөдөө орон нутгийн иргэдэд яаралтай тусламж үйлчилгээ, эрчимт эмчилгээг хүргэх боломжтой болсон. Түүнчлэн 2022 онд магадлан итгэмжлэгдэн, чанарын тогтолцоотой нэгдсэн эмнэлэг боллоо. Энэ бүхний ард ажиллаж буй эмнэлгийн хамт олондоо баяр хүргэж, биднийг үргэлж дэмжин ажилладаг НЗДТГ, Нийслэлийн Эрүүл мэндийн газар, Хан-Уул дүүргийн ЗДТГ-т талархлаа илэрхийлмээр байна” хэмээв.
Шилдэг эрүүл мэндийн байгууллагаар шалгарсан Сонгинохайрхан дүүргийн нэгдсэн эмнэлгийн захирал Ц.Олонбаяр “Сонгинохайрхан дүүргийн нэгдсэн эмнэлэг нийт 470 ажилтан, албан хаагчтай. Өнөөдөр ийнхүү бид бүхний хөдөлмөр зүтгэлийг үнэлж, шилдгээр шалгаруулсанд баяртай байна. 40 жилийн түүхтэй хүүхдийн эмнэлэгт суурилан Сонгинохайрхан дүүргийн нэгдсэн эмнэлэг болж, үйл ажиллагаагаа өргөжүүлээд хоёр дахь жилийнхээ нүүрийг үзэж байна. Бид жишиг стандарт тогтоон, улсдаа тэргүүлэх эмнэлэг болох зорилт тавин ажиллаж байгаа. Тухайлбал, дүүргийн нэгдсэн эмнэлгүүд дундаас бамбай булчирхай болон элэгний хавдрын эхний шатанд түлэх эмчилгээг анхлан хийж байна. Цаашид үйл ажиллагаагаа улам өргөжүүлэн ажиллах болно” хэмээн сэтгэгдлээ хуваалцлаа.
Нийслэлийн Эрүүл мэндийн салбарын шилдгүүдийг тодруулсны дараа АНУ-ын Элчин сайдын яам, Монголын Яаралтай тусламжийн нийгэмлэгээс эрүүл мэндийн байгууллага, өрхийн эрүүл мэндийн төвүүдэд шаардлагатай багаж, тоног төхөөрөмжийг олгосон юм.



Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол
Цахим залилангаас сэргийлье
Гол, нуурын мөсөн дээгүүр явганаар болон автомашинтай зорчихгүй байхыг анхааруулж байна
Гадаад харилцааны сайд Б.Батцэцэг Бүгд Найрамдах Солонгос Улсад албан ёсны айлчлал хийнэ
Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг
Согтуугаар тээврийн хэрэгсэл жолоодсон 62 зөрчил бүртгэгджээ
Нийслэлийн аварга шалгаруулах парламентын мэтгэлцээн арваннэгдүгээр сарын 21-23-нд болно
Морь, нохой, хонь, бич, тахиа жилтнээ аливаа үйлийг хийхэд эерэг сайн
Улаанбаатарт өдөртөө -5 градус хүйтэн
Монгол Улсын Ерөнхийлөгчийг үүрэгт ажлаас нь чөлөөлөв
Өнөөдөр улаан бич өдөр
УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой
Ерөнхийлөгч У.Хүрэлсүх: Энэ бүх гүтгэлэг худал болохыг нотлохын тулд би ажлаа өгч байгаад нэр төрөө сэргээлгэнэ
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Нийслэлийн хэмжээнд “Шар дарцаг” аян эхэллээ
Улаанбаатарт өдөртөө -9 градус хүйтэн
Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Улаанбаатарт өдөртөө +6 градус дулаан
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгдлээ
БНХАУ-д орон сууцны цогцолборт гал гарч, 14 хүн амиа алджээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн
УДЭТ-ын жүжигчин О.Энхтуул Монгол Улсын гавьяат жүжигчин цол хүртлээ
Улаанбаатарт өдөртөө +1 градус дулаан
