Эрүүл мэндийн сайдын тушаалаар тав хүртэлх насны хүүхдүүдийн дунд ханиад томууны өвчлөл их байгаатай холбогдуулан доорх 11 төрлийн эмийг эрүүл мэндийн даатгалаар үнэгүй олгохоор яригдаж байгаа.

Тэгвэл эдгээр эмийн нэр тодорхой болсон ч яг хэзээнээс үнэгүй олгох эсэх нь тодорхойгүй байгаа талаар ЭМЯ-ны олон нийттэй харилцах албаныхан мэдээлсэн юм.

-5 ХҮРТЭЛХ НАСНЫ ХҮҮХДИЙН ЭМ /АМБУЛАТОРООР ОЛГОХ/-

-5 ХҮРТЭЛХ НАСНЫ ХҮҮХДИЙН ЭМ /СТАЦИОНАРААР ОЛГОХ/-

“Авьяаслаг Монголчууд” шоуны шүүгчээр ажилласнаас нь хойш Дээгийг сайшаахаас  илүү муулж, үзэн ядах хүн олон болсон.

Түүнийг гадаад нөхөртэй болохоор эрчүүдэд сайн ханддаг, хандардаг, эр хүний түрийвчний зузааныг хардаг гэх мэтчилэн үзэн ядсан постууд одоог хүртэл үргэлжилсээр байна.

Мөн өөрийнхөө задгай ярианаас болж хэл аманд орооцолдож байна гэж үзэх ч хүн цөөнгүй байгаа юм.

С.Атарцэцэг

Рекламыг нь үзэх төдийд л сэтгэлийнх нь нэгээхэн хэсгийг хөндөж чадсан Монголын шинэ кино нээлтээ хийгээд удаагүй билээ. Энэ бол найруулагч Б.Чингүүний бүтээл “Аз жаргал” уран сайхны  кино юм.

Уг кино Сэлэнгийн кино театраар гарч байгаа бөгөөд  “Кино эхэлсэн цагаас уйлж, дуусан дуустал уйллаа. Баясал догдлол, гуниг харууслийг нэг дор төрүүлж сэтгэл зүрхийг тань маш хүчтэйгээр эзэмдэж, ухаарал хайрлах бүтээл болсон байна” гэж Сэлэнгэчүүд догдлон ярьж байна.

С.Атарцэцэг

Автобусанд зорчиж явсан иргэний бие нь муудаж нас барсан харамсалтай хэрэг гарчээ. Тодруулбал, 2017 оны 01 дүгээр сарын 02-ны өдөр 15 цаг 50 минутад Тэнүүн – Огоо ХХК-ны Ч:2 “Шархад 3, 4 хороолол”-ын чиглэлд  явж байсан автобусанд 50 нас орчмын эрэгтэй МУБИС-аас сууж, арслантай гүүр өнгөрөх үед автобусан дотор гэнэт ухаан алдаж унасан байна. Тухайн автобусны жолооч Ж.Өлзийтайван түргэн дуудаж Баянзүрх дүүргийн эмнэлэгт өөрийн биеэр хүргэж өгчээ.

Нийтийн дууны салбарт өөрийн гэсэн донж, төрх, имижээрээ аль хэдийн байр сууриа олж, энгэр задгай хувцаслалтаараа  олон эрийн харцыг булаагаад авсан залуу дуучин бол Х.Мөнгөнцэцэг юм.

Гадаад төрх, дуу хоолойгоороо  гавьяат жүжигчин Т.Баясгалантай тун ч төстэй бөгөөд  фэнүүд нь түүнийг ” Т.Баясгалангийн сайжруулсан хувилбар” хэмээн өхөөрддөг билээ.

Тэр болгон эмэгтэй дуучидтай хамтарч дуулдаггүй МУГЖ С.Ганзоригтой “Санахын жаргал” дуучин Т.Дэлгэрмөрөнтэй “Хайрын дээд хань минь” зэрэг дуунуудыг хамтарч дуулсан нь түүнийг багагүй нэр нөлөөтэй болгосон гэж үзэх хүн олон.

Тэрээр саяхан хоёр дах цомгоо гаргаж олон нийтэд хүргэсэн бөгөөд тун удахгүй анхны бие даасан тоглолтоо хийхээр ажил ихтэй  байгаа гэнэ.

С.Атарцэцэг

Оросын хэвлэл мэдээллийн хэрэгслээр ирэх өвөл нэлээд хүйтэн байна хэмээн анхааруулжээ. Манай улсын хувьд зуд болж болзошгүй гэсэн болгоомжлол бий тул Цаг уур шинжилгээний хүрээлэнгээс Монголд ч мөн адил их хүйтэн өвөл болно гэдгийг анхааруулж байгаа аж. Бөмбөрцгийн хойд бүсэд “Ла нинья”-гийн нөлөөллөөр хүйтний эрч тархаж, Монголд Сибирээр дамжин ирнэ гэж цаг уурчид онцолж байна.

Сибирийн хүйтэн агаар энэ сарын 18-наас манай нутгийн хойд хэсгээр түрж, нэгдүгээр сарын 19-нөөс бүх нутгаар эрс хүйтэрч, шөнөдөө Увс нуур, Идэр, Тэс, Хан-Хөхий, Хархираа, Түргэний уулс хоорондын хөндий, Дархадын хотгороор -42-47 градус хүрэх бол Орхон-Сэлэнгэ, Хараа, Ерөө, Туул, Тэрэлж,Онон, Улз, Халх голын хөндийгөөр -35-40 градус хүрч хүйтний эрч эрс чангарах төлөвтэй тул малын бэлчээрлэлт, авто болон төмөр замын тээвэр, эрчим хүч, дулааны хангамжинд хүндрэл учруулах цаг агаарын нөхцөл бүрдэх төлөвтэй байгааг анхааруулж байна.

Энэ сарын 17-нд баруун ба төвийн аймгуудын нутгаар, 18-19-нд баруун, төв, зүүн аймгуудын нутгаар, 20-нд зарим газраар цас орж, говь тал хээрийн нутгаар салхи секундэд 14-16 метр, зарим үед 18-20 метр хүрч хүчтэй цасан болон шороон шуурга шуурч зам даваа цас шуурганд хаагдах, харагдац муудах, халтиргаа гулгаа нэмэгдэх төлөвтэй байна.

С.Атарцэцэг

Хуучны хүмүүс  хүүхдээ олон хүнд харуулж, гадны хүнд магтдаггүй, гадны хүн магтах юм бол илүү үзлээ гэж сэжиглэн цээрлэх заншил байсан бөгөөд улаан цагаан, хатуу ширүүн үг хараалаар хүүхдээ харааж цагаан хэл амыг нь тэнцүүлдэг заншил байжээ. Учир нь цагаан хэл ам нь хараасаа илүү аюултай, амь нас гал голомтод халддаг тул ийн хараах нь ерөөл мэт өлзий болно гэж үздэг байсан.

Харин онлайн сүлжээ идэвхитэй байгаа орчин үед бид  дуртай үедээ хүүхдийнхээ зургийг олон нийтэд харуулж, тавьдаг болсон.

Тэгвэл Францын хууль тогтоогчид: Тав хүртэлх насны хүүхдийнхээ зургийг олон нийтийн сүлжээнд байршуулбал эцэг, эхэд нь торгууль ноогдуулахаар болжээ. Ийнхүү тэдний зургийг цахим сүлжээнд тавих нь хүүхдүүдийн өөрсдийнх нь зөвшөөрөлгүйгээр хувийн нууцад нь халдаж байгаа явдал хэмээн үзжээ.

Тус улсын Хувийн мэдээллийг хадгалах тухай хуульд зааснаар үүнийг зөрчсөн эцэг эхэд 45 мянган еврогийн торгууль хүлээлгэхээр өнгөрсөн оны төгсгөлд баталсан аж. Харин энэхүү торгуулийг төлөхөөс татгалзвал нэг жил хорих ялаар шийтгэх юм байна.

С.Атарцэцэг

Хөдөлмөрийн хөлсний доод хэмжээг  25%-иар нэмэгдүүлж 240 мянган төгрөг болсон. Өчигдөрөөс эхлэн хэрэгжиж эхэлсэн энэхүү шиидвэртэй холбогдуулан зарим нэг торгуулийн хэмжээ өсчээ.

Тухалбал: Замын хөдөлгөөний аюулгүй байдлын тухай хуулийн 35 дугаар зүйлд заасан хамгаалах бүс, хамгаалалтын малгай хэрэглээгүй тохиолдолд 9600 төгрөгөөр торгодог байсан бол шинэ хуулиар 12 мянган төгрөг болж өөрчлөгджээ.

Мөн уг хуулийн 41-дүгээр зүйлд заасан тээврийн хэрэгслийн хурд хэтрүүлсэн тохиолдолд 24 мянган төгрөгөөр торгохоор болсон тухай замын цагдаагийн албанаас мэдэгдлээ.

С.Атарцэцэг

Шинэ жилийн баяр болсонтой холбогдуулан 12 дугаар сарын 29-ны өдрөөс нэг дүгээр сарын 2-ны өдрийг хүртэл бүх нийтийн амралт тохиож Монгол Хятадын хилийн авто замын боомтууд ажиллаагүй. Мөн баярын өдрүүдээр томоохон зах худалдааны төвүүд амарч байгаад өнөөдрөөс  цагийн хуваарийн дагуу ажиллаж эхэлсэн бол Нарантуул ОУХТ лхагва гаригаас ажиллаж эхлэх юм байна.

Засгийн газраас хамтын тэтгэврийн хуулийн оронд “Насны хишиг” тэтгэмжийг олгохоор болж, ахмад настны нийгмийн хамгааллын тухай хуульд өөрчлөлт оруулсан. Уг хуульд өөрчлөлт орсноор 65-69 настай ахмад настанд 50 мянга, 70-79 настай ахмад настанд 80 мянга, 80-89 настай ахмад настанд 150 мянга, 89-ээс дээш настай ахмадуудад 250 мянган төгрөгийг  жилд хоёр удаа олгохоор болсон.

Энэ онд “Насны хишиг”-ийг 122 мянган ахмад настан авах бөгөөд  улсын төсөвт 20.5 тэрбум төгрөгийг суулгаж өгчээ.

С.Атарцэцэг