Францад Монголын гурван иргэнийг залилжээ

 Фейсбүүк болон цахим шуудангаар өөрийгөө Франц улсын иргэн гэж танилцуулан, банкнаас 1.5-2.0 хувийн хүүтэй ямар нэг барьцаагүй зээл авахад тусална хэмээн залилжээ. Уг этгээд төрөл бүрийн бичиг баримт, банк санхүү, зээлийн гэрээ зэрэг хуурамчаар үйлдсэн бичиг баримт үзүүлж, иргэдээс их хэмжээний мөнгийг залилсан байна. Ийм тохиолдол анхных биш аж. Тиймээс  Парис дахь Элчин сайдын яамнаас иргэдэд сонор сэрэмжтэй байхыг анхааруулан мэдэгдлээ.

Сүүлийн гурван сарын хугацаанд манай улсын гурван иргэн энэ төрлийн гэмт хэргийн золиос болсон байна. Гэмт хэргийн хохирогч болохоос сэргийлж, дээрх төрлийн аливаа санал, хүсэлт, цахим шуудан хүлээн авбал сэрэмжтэй, хариуцлагатай хандахыг ГХЯ-ны Консулын газраас зөвлөж байна.