“Утааны эсрэг ээж аавууд” цэргийн баяраар дахин жагсана

“Утааны эсрэг ээж аавууд” ТББ-аас энэ сарын 18-нд буюу цэргийн баярын өдөр ахин жагсахаар болжээ. Өмнө нь тус ТББ-аас хоёр удаа утааны эсрэг хоёр жагсаал зохион байгуулж, Засгийн газар, төрийн түшээд болон холбогдох газруудад шаардлага хүргүүлсэн ч хариу ирүүлэхгүй байгаа тул ийнхүү дахин жагсахаар болсон байна.

Жагсаалд 300-350 хүн оролцох бөгөөд “Утааг арилга”, “Эмнэлгээ барь” гэсэн үгэн хэлбэрт орж жагсахаа Хотын захиргаанд мэдэгджээ. Жагсаал Сүхбаатарын талбайд 12:00 цагаас болох аж.