Казахстанаас улбаатай “Жи тайм” гэх сүлжээ мөнгөжих гэсэн хүмүүсийг сэгсэрч орхив. Хохирсон хүмүүс дээшээ тэнгэр хол ,доошоо газар хатуугийн зовлон эдэлж шар махтайгаа хатаж явна. Аргаа ядахдаа хэвлэлийн хурал зарлаж, хэрхэн өрд орж,хоосорсон тухайгаа хоолой зангируулан ярив. Тэр ч байтугай төр засаг руу хүртэл давшлав.
“Нисэхгүй ээ,нисэхгүй гээд байхад нь хөлгийн бүхээгт чихэж оруулаад…” гэдэг шиг хүчээр мөнгийг нь булааж аваад “Жи тайм”-д элсүүлсэн юм шиг гомдоллох хүмүүс арай л биш ээ. Тэдний хэн нь ч албадлагаар сүлжээнд элсээгүй, бүгд л сайн дураараа мөнгөө өвөртлөөд тийш зүтгэсэн гэвэл худал болохгүй. Гэтэл өнөөдөр төрийн бодлогоор мөнгөө луйвардуулсан мэт аашлах нь том эндүүрснийг нь нотолно. Өнөөдрийн монголчууд хөгшин ч бай залуу ч бай мөнгөнд даанч дэндүү дуртай болжээ.
Тэгээд бүр маш амархан аргаар палхийтэл баяжих хүсэлтэй. “Жи тайм” сүлжээнд 2.5 сая төгрөг төлж ороод 22 сая болгож авах сайхан боломж өвлийн жавартай уралдан ам дамжин яригдаж эхэлсэн. Амархан баяжих гэсэн хүмүүс бусдыгаа ятгаж, ямар нэгэн аргаар мөнгө олоод элсчихвэл болох нь тэр хэмээн ухуулж байсан нь саяхан. Нэгэнт сүлжээ пирамид тогтолцоотой болохоор орой дээрх хүмүүс авдгаа авч цулайтал мөнгөжжээ. Дараагийн хүмүүс бүгд мөнгөтэй болох мөрөөдөлтэй байсан ч молиго үмхсэн аж.
Угаасаа луйвардах зорилготой байсан юм чинь ингэж төгсөх нь тодорхой байсныг тухайн үед мөнгөөр “өвчилсөн” хүмүүс мэдсэнгүй. Баян болохын тулд маш их хөдөлмөрлөх ёстой болохоос биш өр тавьж сүлжээнд элсээд бүтэхгүй гэдгийг зэрэглээтэй хөөцөлдсөн хүмүүс дэндүү оройтож ойлгожээ. Хамгийн утгагүй нь, хэдэн саяар мөнгө тоолох гэсэн гэнэн хүмүүс “төр буруутай,миний хохирлыг барагдуулж өгөхгүй бол үхнэ энэ тэр гэж айлгаж” байгаа нь хэр зөв шийдвэр бол. Муу л бол хойд талын хар овоохой гэгчээр төр яагаад буруутай гэж.
Анх мөнгөө бариад гүйж очихдоо тэр луйварчингуудтайгаа олигтойхон ярилцахгүй яав даа,хохирогчид оо. Үнэгүй бяслаг зөвхөн хулганы хавханд байдаг гэдгийг бодох сөхөө байсангүй юу. Тэнгэр харж хэвтэж байгаад нэг сайхан өдөр мөнгөтэй болно хэмээн мунхагласан хэдэн мянган хүн хохирогч болчихоод байна.Өөрөө унасан хуухэд уйлдаггүй гэдэг гээд орхилтой биш. Эрхбиш хууль хяналтын байгууллага учрыг олж,залилагч нараар хохирлыг төлүүлнэ гэж найдах үлдэв. Гэхдээ энэ луйвар том сургамж үлдээлээ.
Бусдын үгэнд автаж,ид шидэнд итгэхээ больцгооё. Ганцхан сүлжээ ч биш. Мөнгө дууддаг гэх Б.Сарандаваагийн лекцэнд суугаад оройжин түрийвчээрээ мөнгө даллаад овойтол баяжсан хүн байна уу. Монголоор дүүрэн бөө нар хэнгэрэг нүдэж хүмүүсийг мөнгөтэй болгох кампанит ажилд нэгдээд удав. Хэдэн мянган бөө нарт хөлсөө урсгаж олсон мөнгөө өгөөд мөнгөжсөн хүн хэд бол. Ер нь бид чинь бүхэл бүтэн амьдралаараа дэнчин тавьж сүлжээнд орж луйвардуулна, дараа нь амаа барьж харамсана. Төр засаг руу нулимна. Энэ биш ээ. Оюун ухааны хөгжлөөрөө дэлхийд тэргүүлдэг монголчууд ингэтлээ дордож яав ч болохгүй. Хүний амьдралын утга учир хэдэн халтар төгрөгөнд байдаг мэт бачуурах хэрэггүй. Юун хямдхан амь бэ, амиа хорлоно ч гэх шиг. Болиоч дээ, хүмүүс ээ. Ухаарах цаг болжээ.
Н.Дөлгөөнжин

УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой
Ерөнхийлөгч У.Хүрэлсүх: Энэ бүх гүтгэлэг худал болохыг нотлохын тулд би ажлаа өгч байгаад нэр төрөө сэргээлгэнэ
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Нийслэлийн хэмжээнд “Шар дарцаг” аян эхэллээ
Улаанбаатарт өдөртөө -9 градус хүйтэн
Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Согтуугаар тээврийн хэрэгсэл жолоодсон 73 зөрчил бүртгэгджээ
Өнөөдөр цагаагчин туулай өдөр
Улаанбаатарт өдөртөө +1 градус дулаан
УДЭТ-ын жүжигчин О.Энхтуул Монгол Улсын гавьяат жүжигчин цол хүртлээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн ой тохиож байна
БНХАУ-д орон сууцны цогцолборт гал гарч, 14 хүн амиа алджээ
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгдлээ
Улаанбаатарт өдөртөө +6 градус дулаан
Өнөөдөр цагаан бар өдөр
Архангайд айлуудын гэрт хулгай хийсэн дөрвөн этгээдийг баривчилж, 31 хөөрөг, 19 даалин хураан авчээ
Засгийн газрын ээлжит хуралдаанаас гаргасан шийдвэрийг танилцуулж байна
Есөн улсын 129 иргэнийг Монгол Улсаас албадан гаргав
Тэгш, сондгойгоор замын хөдөлгөөнд оролцсон өдрүүдийн зам ашигласны төлбөрөөс чөлөөлнө
“Их Засаг ба Хууль засаглахуй” сэдэвт эрдэм шинжилгээний хурал өнөөдөр болно
“Чингис хаан” тэргүүн зэргийн одонг Шинжлэх ухааны академид хүртээнэ
Б.Пүрэвдагва: Энэ өвөл эрчим хүчний хэмнэлттэй, дулаан хуримтлуурын технологи нэвтрүүлэн я
Аюулт үзэгдэл, ослын 99 удаагийн дуудлага бүртгэгдлээ

Үнэн үнэн шунал ихэдвэл шулам гэдэг шүү дээ ямар ч эрүүл ухаанаар бодсон зүгээр сууж байгаад мөнгө олно гэж юу байх вэ дээ энд орж мөнгөө алдсан иргэд ямар нэгэн хэмжээгээр тархи нь цоо эрүүл улс биш
манайх шиг төр засагтаа эрхэлсэн хүмүүс энэ тивд байхгүй шүү Юм л бол төр лүүгээ дайрана болохгүй ш дээ өөрсдөө сайн дураараа орчихоод ингэж болохгүй .Хойд солонгосын иргэн болгочихмоор хүмүүс байна очоод УНд зүтгэг хуаранжсан оронд байвал наадуулын чинь зав шунал хоёр арилах байх
Нийтлэгчтэй 1000 хувь санал нэг байна. Одоо бүр галзуурхана энэ хувийн шуналтангууд. Монголд дэлгэрээд байгаа сүлжээний компаниудыг тагнуул, цагдаа бүр сайн шалгамаар байгаа юм. Хүмүүс хохироод л байх юм Яасан хаширдаггүй юм бэ….Монгол Төр рүүгээ харааж давшлах ч нээх өөдтэй юм биш дээ. төрд муу, зуурдын хүмүүс олноор шургалсан нь үнэн л дээ. Гэхдээ монгол төрийн ноён нуруу хугараагүй байх л гэж боддог юм. Төрийн сүлд өршөөг…
Хохь нь ээ
Харин тийм, хэн ч албадаагүй, өөрсдөө л орчихоод дараа нь бусдыг буруутгадаг, энэ монголын гэм биш зан болжээ