Монголчууд түүхэн сорилтын, бас сонголтын өмнө тулж ирээд байна. Сорилт гэдгийг тодотговол нийгмээрээ, нийтээрээ амсч буй эдийн засгийн хүндрэлийг юун түрүүнд нэрлэх нь зөв байх. Саяхан л жилдээ 17 хувьд хүрч өсч байсан Монголын эдийн засаг одоо өсөлт бус, хасах үзүүлэлт рүүгээ хальтирч орчихоод явж байна. Дээр нь өндөр хүүтэйгээ хамт хүлээж байгаа бондын өр, дайжиж гарсан гадаадын хөрөнгө оруулалт, дундрах байтугай дуусчихаад байгаа валютын нөөц гээд эдийн засагт эерэг бус сөрөг мэдээ дуулдах болсоор уджээ. Харин 2012-2016 оны хооронд АН засаглах үед дасал болох шахсан энэхүү сөрөг мэдээллүүд саяхнаас солигдож, “ОУВС-гийн хөтөлбөрт хамрагдах нь”, “Японы 850 сая ам.долларын нэн хөнгөлөлттэй урт хугацаатай зээл авахаар боллоо” гээд эдийн засагт эерэг чимээ сонсогдох болжээ. Энэ бол монголчууд манлайллаа сольсны үр дүн биз ээ.

Эдийн засаг хүндэрч, улс орон уруудах үед монголчууд үргэлж МАН-ыг тулж, түшиж ирсэн түүх байдаг. Нэг ёсондоо хэцүү үед ачааны хүндийг Ардын нам л үүрсээр ирсэн нь сүүлийн 25 жилийн улс төрийн гол түүх. 1996-2000 оны хооронд Ардчилсан холбоо эвсэл засаглаж, ард түмний амьдрал хэрхэн доройтож байсныг хүмүүс мартаагүй байх. 2012-2016 оны хооронд ч гэсэн эдийн засагт эерэг бус сөрөг үр дүн гарсаар байсныг саяхны түүх гэрчилнэ. Иймээс л Монголын ард түмэн 2016 оны УИХ-ын сонгуульд оролцохдоо улс төр дэх шинэ манлайлагчийн эрэлд нийтээрээ, нийгмээрээ гарсан нь дамжиггүй. Тэгвэл тэр “Монгол манлайлал” нь хэн байв?

Улс төрд, улс оронд шинэ манлайлагч хайсан үйл явцын бэлэн дүн нь УИХ-ын 2016 оны сонгуулийн үр дүн юм. Өнгөрсөн жилээс эхэлсэн шат шатны сонгуульд Монголын улс төрийн ууган хүчин МАН л манлайлагч байж ирлээ. УИХ-ын 65 тойрогт тус намын нэр дэвшигчид ялалт байгуулж, 20 аймаг, долоон дүүрэг, 200 гаруй суманд МАН олонхи болоод байна. Энэ удаад ч ялгаагүй МАН манлайлагч байж чадна гэсэн хүлээлт нийгэмд байгаа. Учир нь, удахгүй болох Монгол Улсын Ерөнхийлөгчийн сонгуульд улс төрийн ууган хүчин МАН-аас намын дарга Миеэгомбын Энхболд нь нэр дэвшихээр болоод байна. Нам дотроо ч, нийгэмд ч хүчтэй лидер УИХ-ын дэд дарга Ц.Нямдоржтой Бага хурал дээрээ нууц санал хураалтаар өрсөлдсөн тэрбээр МАН-ын Бага хурлын гишүүдийн 85.7 хувийн саналаар Монгол Улсын Ерөнхийлөгчийн сонгуульд МАН-аас нэр дэвших эрхээ авсан юм. Өөрөөр хэлбэл, улс төрийн манлайлагч хүчин МАН-ынхан намын лидер, манлайлагчаа Ерөнхийлөгчийн сонгуульд нэр дэвшүүлэхээр болоод байна. Өчигдөр албан ёсоор Сонгуулийн ерөнхий хороонд нэр дэвшигчээр хамгийн түрүүнд бүртгүүлсэн МАН-ын дарга Миеэгомбын Энхболд үг хэлэхдээ “Төрт ёс Монгол төрийн тэргүүний сонгуулийн эрхэм хүндтэй энэ үйл ажиллагаанд хүндэтгэлтэй хандах ёстой гэдэг үүднээс МАН-аас нэр дэвшсэн миний бие хуулийн хугацаанд нэр дэвшигчийн бүрдүүлэх ёстой материалуудыг бүрэн дүүрэн, хуулийн дагуу бүрдүүлж, Сонгуулийн ерөнхий хороонд хүлээлгэн өглөө.
МАН ахмад, дунд, залуу үеийн алтан хэлхээн дээр тогтож ирсэн олон арван жилийн түүхэн уламжлалтай улс төрийн хүчин. Тэр ч утгаараа өнөөдрийн арга хэмжээнд манай намын дарга байсан Б.Даш-Ёндон, УИХ-ын туршлагатай улстөрч Д.Лүндээжанцан, МАН-ын Ерөнхий нарийн бичгийн дарга Д.Амарбаясгалан, манай намын дэргэдэх НАМЭХ-ны тэргүүн Ц.Цогзолмаа нарын намын аппаратын хамт олны хамтаар Сонгуулийн ерөнхий хороонд хүрэлцэн ирлээ. Энэ удаагийн төрийн тэргүүний сонгууль хуулийн дагуу, хуульд нийцсэн бодлого үйл ажиллагааны шударга өрсөлдөөн байгаасай гэж хүсч байна” гэсэн юм.
Х.ТЭРГЭЛ

УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой
Ерөнхийлөгч У.Хүрэлсүх: Энэ бүх гүтгэлэг худал болохыг нотлохын тулд би ажлаа өгч байгаад нэр төрөө сэргээлгэнэ
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Нийслэлийн хэмжээнд “Шар дарцаг” аян эхэллээ
Улаанбаатарт өдөртөө -9 градус хүйтэн
Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Согтуугаар тээврийн хэрэгсэл жолоодсон 73 зөрчил бүртгэгджээ
Өнөөдөр цагаагчин туулай өдөр
Улаанбаатарт өдөртөө +1 градус дулаан
УДЭТ-ын жүжигчин О.Энхтуул Монгол Улсын гавьяат жүжигчин цол хүртлээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн ой тохиож байна
БНХАУ-д орон сууцны цогцолборт гал гарч, 14 хүн амиа алджээ
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгдлээ
Улаанбаатарт өдөртөө +6 градус дулаан
Өнөөдөр цагаан бар өдөр
Архангайд айлуудын гэрт хулгай хийсэн дөрвөн этгээдийг баривчилж, 31 хөөрөг, 19 даалин хураан авчээ
Засгийн газрын ээлжит хуралдаанаас гаргасан шийдвэрийг танилцуулж байна
Есөн улсын 129 иргэнийг Монгол Улсаас албадан гаргав
Тэгш, сондгойгоор замын хөдөлгөөнд оролцсон өдрүүдийн зам ашигласны төлбөрөөс чөлөөлнө
“Их Засаг ба Хууль засаглахуй” сэдэвт эрдэм шинжилгээний хурал өнөөдөр болно
“Чингис хаан” тэргүүн зэргийн одонг Шинжлэх ухааны академид хүртээнэ
Б.Пүрэвдагва: Энэ өвөл эрчим хүчний хэмнэлттэй, дулаан хуримтлуурын технологи нэвтрүүлэн я
Аюулт үзэгдэл, ослын 99 удаагийн дуудлага бүртгэгдлээ
