Эрүүл мэндийн сайд Д.Сарангэрэл, ДЭМБ-ын Монгол дахь суурин төлөөлөгч Сергей Диордица, Нийслэлийн Эрүүл мэндийн газрын дарга Л.Төмөрбаатар нар ѳнѳѳдѳр Эрүүл мэндийн яамны Эмнэлгийн тусламжийн газрын дарга М.Баттүвшин, Олон нийттэй харилцах, тандалт, шуурхай удирдлагын хэлтсийн дарга Д.Нарангэрэл болон албаны бусад хүмүүсийн хамт Баянгол дүүргийн Эрүүл мэндийн төвийн Хүүхдийн эмнэлэг, Чингэлтэй дүүргийн Эрүүл мэндийн төвийн Нэгдсэн эмнэлгийн хүүхдийн тасагт ажиллалаа.
Сайд Д.Сарангэрэл эхлээд Чингэлтэй дүүргийн Нэгдсэн эмнэлгийн хүүхдийн тасгийн үйл ажиллагаатай танилцан, томуу, томуу төст өвчлөлийн мэдээлэл, эрүүл мэндийн байгууллагын зүгээс авч хэрэгжүүлж буй арга хэмжээ, тулгамдаж байгаа асуудлын талаар мэдээллийг сонслоо.
Томуу, томуу төст өвчний дэгдэлтийн улирлыг угтуулж, урьдчилсан байдлаар төлөвлөгөө гарган эмнэлгийн тусламж, үйлчилгээний хүлээгдэл, чирэгдлийг бууруулах зорилгоор нийгмийн эрүүл мэндийн мэдээлэл, зөвлөмж, сургалт, сурталчилгааг сайжруулах, яаралтай тусламжийн эм, эмнэлгийн хэрэгслийн хангамжаа нэмэгдүүлэхэд чиглэсэн үйл ажиллагааг зохион байгуулж байгаа талаар эмнэлгийн дарга Ц.Лхагва хэллээ.
Ажлын хэсэг үргэлжлүүлэн Баянгол дүүргийн Хүүхдийн эмнэлэгт ажиллаж, нөхцөл байдлын талаар албаны хүмүүстэй ярилцсан юм. Тус эмнэлэг одоогийн байдлаар хүүхдийн 200 ортой ажиллаж байна. Харин өвчлөлийн ид дэгдэлтийн үеэр 300 болж нэмэгдүүлэх бүрэн боломжтой гэж Баянгол дүүргийн Эрүүл мэндийн төвийн дарга Ө.Батжаргал хэллээ.
Баянгол дүүрэг нийслэлийн хэмжээнд томуу, томуу төст өвчний дэгдэлт ихтэй дүүрэгт орж байгаа. Томуу өвчнөөр өвчилсөн хүүхдүүд гүйлгэх, бөөлжих шинж тэмдэг давхар хавсарч байгаа учраас эдгэрэлтийн хугацаа уртасч байгааг эмнэлгийн ажилтнууд онцлон хэлж байсан юм. Харин тус дүүргийн хүүхдийн эмнэлэг агааржуулалтын асуудлаа бүрэн шийдвэрлэсэн нь бусад дүүргийн эмнэлгээс онцлог байлаа.
Нийслэлийн харьяа эмнэлгүүдийн орны ачаалын хувьд одоогийн байдлаар нийт 2239 орон дээр 2376 хүн хэвтэн эмчлүүлж байна. Шинээр хэвтсэн өвчтѳний 37,1 хувь нь томуу, томуу төст өвчтэй иргэд эзэлж байна. Харин хүүхдийн орны ачаалал Чингэлтэй дүүргийн Эрүүл мэндийн төвд 47,5 хувь байгаа бол Баянгол дүүргийнх 33,5 хувиар нэмэгджээ.
Өнгөрсөн өвөл томуу, томуу төст өвчний дэгдэлт их байсан учир амбулаторийн үзлэг ажлын өдрүүдэд 22.00 цаг, бямба гарагт 10-16 цагийн хооронд ажиллаж байснаа дуулгасан. Харин энэ жил өвчлөл их байвал уг жишгээр ажиллахаар төлөвлөж буй талаар Нийслэлийн Эрүүл мэндийн газрын дарга Л.Төмөрбаатар мэдээллээ.
Мѳн томуу, томуу төст өвчнөөс урьдчилан сэргийлэх сургалт сурталчилгааны ажлаа эрчимжүүлж, эмнэлгийн тусламж, үйлчилгээгээ сайжруулах, эмч ажиллагсдын хуваарилалтыг тодорхой чиглэлээр зохицуулж, бэлэн байдалд ажиллахыг эмнэлгийн удирдлагуудад даалгалаа.
Эрүүл мэндийн сайд Д.Сарангэрэл дүүргийн эмнэлгүүдэд ажиллалаа
2018 оны 11-р сарын 03 өдөр, 20 цаг 11 минутад нийтэлсэн (Сэтгэгдэл үлдээх )

Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол
Цахим залилангаас сэргийлье
Гол, нуурын мөсөн дээгүүр явганаар болон автомашинтай зорчихгүй байхыг анхааруулж байна
Гадаад харилцааны сайд Б.Батцэцэг Бүгд Найрамдах Солонгос Улсад албан ёсны айлчлал хийнэ
Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг
Согтуугаар тээврийн хэрэгсэл жолоодсон 62 зөрчил бүртгэгджээ
Нийслэлийн аварга шалгаруулах парламентын мэтгэлцээн арваннэгдүгээр сарын 21-23-нд болно
Морь, нохой, хонь, бич, тахиа жилтнээ аливаа үйлийг хийхэд эерэг сайн
Улаанбаатарт өдөртөө -5 градус хүйтэн
Монгол Улсын Ерөнхийлөгчийг үүрэгт ажлаас нь чөлөөлөв
Өнөөдөр улаан бич өдөр
УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой
Ерөнхийлөгч У.Хүрэлсүх: Энэ бүх гүтгэлэг худал болохыг нотлохын тулд би ажлаа өгч байгаад нэр төрөө сэргээлгэнэ
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Нийслэлийн хэмжээнд “Шар дарцаг” аян эхэллээ
Улаанбаатарт өдөртөө -9 градус хүйтэн
Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Улаанбаатарт өдөртөө +6 градус дулаан
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгдлээ
БНХАУ-д орон сууцны цогцолборт гал гарч, 14 хүн амиа алджээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн
УДЭТ-ын жүжигчин О.Энхтуул Монгол Улсын гавьяат жүжигчин цол хүртлээ
Улаанбаатарт өдөртөө +1 градус дулаан
