Монгол Улсын насанд хүрсэн хүн амын 50% нь цусны даралт ихсэх ѳвчинтэй байна

2019 оноос Оном сан Эрүүл зүрх Эрүүл Улаанбаатар хѳтѳлбѳрийн хамрах хүрээг нь ѳргөжүүлж Монгол орон даяар Эрүүл зүрх Эрүүл Монгол хѳтѳлбѳр нэрийн дор хэрэгжүүлж эхлэх бэлтгэл ажил хийгдэж байна. Энэ бэлтгэл ажлын хүрээнд Даралт хэмжилтийг дадал болгоё! сарын аяныг Монгол орон даяар 2019 оны 5 сарын 1-нд олон нийтэд зарлан хэрэгжүүлж эхлэсэн.

Эрүүл зүрх Эрүүл Улаанбаатар хѳтѳлбѳрийн үр дүнд нь Улаанбаатар хотын бүх өрхийн эрүүл мэндийн төвийн эмч ажилтнуудыг илүү чадавхжуулж, даралт хэмжих аппарат хэрэгслээр бүрэн хангажээ. Даралт ихсэлт, цус харвалт, зүрх судасны өвчин эмгэгээс урьдчилан сэргийлэх зөв дадал, цогц мэдээлэл иргэдэд олгох чиглэлд ч чамгүй амжилт гаргалаа. Энэ хэрээр эрүүл мэнддээ санаа тавьдаг, өөрийгөө болоод өрөөлийг өвдөхөөс нь өмнө урьдчилан сэргийлэх ухамсартай иргэдийн тоо өдөр ирэх бүр өсөн нэмэгдэж байгаа нь сайшаалтай.

Үндэсний статистикийн хорооны албан хаагчид Даралт хэмжилтийн сард нэгдлээ.

Олон улсын даралт ихсэлтийн нийгэмлэгээс дэлхий даяар артерийн даралт ихсэлт өвчний талаарх ойлголтыг олон нийтэд хүргэх, даралтын хяналтыг сайжруулах зорилгоор 2017 оны 5-р сараас эхлэн жил бүрийн энэ сарыг “Даралт хэмжилтийн сар” болгон зарлажээ. Одоогоор 100 гаруй улс орон тус аянд нэгдээд байгаа аж.

Манай улсад Монголын даралт ихсэлтийн нийгэмлэг, ONOM сангаас хамтран “Эрүүл зүрх-Эрүүл Улаанбаатар” хөтөлбөрийн хүрээнд дээрх аяныг зохион байгуулж байгаа аж. Өнөөдөр тус аяныг зохион байгуулагчид Үндэсний статистикийн хорооны албан хаагчдад мэдээлэл өглөө.