“Ковид-19” халдварын нэг сэжигтэй тохиолдол илэрлээ

2020 оны 05-р сарын 06 өдөр, 12 цаг 02 минутад нийтэлсэн (Сэтгэгдэл үлдээх )
eruul mendiin yam

Коронавирусний тархалтын нөхцөл байдлын талаар ЭМЯ-наас өнөөдөр /2020.05.06/ ээлжит мэдээлэл хийлээ.

Монгол Улсад коронавируст “Ковид-19” халдвар нэмж бүртгэгдээгүй байна.
-Өмнөговь аймгийн Шивээ-Хүрэн боомтод нэг сэжигтэй тохиолдол илэрсэн бөгөөд тухайн иргэнээс авсан шинжилгээний сорьцыг ХӨСҮТ-д илгээжээ.
– Манай улсад гаднаас зөөвөрлөгдөн ирсэн буюу нийт батлагдсан тохиолдлын тоо 41 байна. Үүнээс 13 хүн эдгэрч эмнэлгээс гарсан бол, өдгөө 28 хүн ХӨСҮТ-д эмчлүүлж байна.
-2020.05.05-нд ХӨСҮТ-ийн 2 лаборатори, Дархан-Уул аймгийн салбар 1 лабораторид нийт 57 сорьцонд (PCR) шинжилгээ хийжээ. Үүнд:
-ХӨСҮТ-д тусгаарлагдсан 2 хүн,
-Цэргийн төв эмнэлэгт тусгаарлагдсан 10 хүн,
-Алтанбулаг боомтоор ирсэн ачаа тээврийн 25 жолооч,
-Нийслэлийн дүүргийн нэгдсэн эмнэлгүүдээс тандалт, судалгааны зорилгоор цуглуулсан 20 сорьцонд халдвар илрээгүй байна.
– ХӨСҮТ-д 10 хүн хяналт, тандалт, шинжилгээ, эмчилгээнд хамрагдаж байна.
-Улсын хэмжээнд ажиглалтын байранд 1042 хүн тусгаарлагдаж буй бөгөөд өчигдөр 12 хүн гэрийн тусгаарлалтад шилжсэн байна.
– Ажиглалтын байруудад нийт 135 эмч, эмнэлгийн мэргэжилтэн эрүүл мэндийн тусламж, үйлчилгээ үзүүлж байна.

Share the post "“Ковид-19” халдварын нэг сэжигтэй тохиолдол илэрлээ"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.