Боловсролын сайд Л.Энх-Амгалан иргэдийн санал, гомдлыг газар дээр нь шийдвэрлэв

Оюутны сургалтын тэтгэлэг, боловсролын зээлийн сангийн асуудал, НЕБ-ын сургуулийн эцэг эхийн төлөөлөл, Монгол улсын Ерөнхийлөгчийн тэтгэлгээр сурч байгаа оюутны дотуур байрны зардал, нэр бүхий сургуулиудад улаан шугам татаж, сурагчдыг хассан тухай зэрэг олон асуудлын хүрээнд иргэд салбарын сайдтай биечлэн уулзлаа.

Иргэдийн санал, гомдлыг газар дээр нь шийдвэрлэж, холбогдох газруудын дарга нарт зөрчлийг арилгах үүрэг, чиглэл өглөө.