Нийслэлийн Засаг даргын Тамгын газар, Азийн хөгжлийн банктай “Ирээдүйн хотууд” хөтөлбөрийг хэрэгжүүлэх санамж бичиг байгуулав.Санамж бичигт Нийслэлийн Засаг дарга бөгөөд Улаанбаатар хотын Захирагч С.Батболд, Азийн хөгжлийн банкны Суурин төлөөлөгч Ёланда Фернандез Ломмен нар гарын үсэг зурлаа.

“Ирээдүйн хотууд” хөтөлбөр нь бүс нутгийн хүрээнд хэрэгжих техникийн туслалцааны төсөл бөгөөд уг хөтөлбөрийг Азийн таван оронд хэрэгжүүлж байгаа юм. Энэхүү төсөл нь “Ухаалаг Улаанбаатар” хөтөлбөрийг дэмжих ухаалаг систем, орон нутгийн санхүүжих механизмыг сайжруулах, дэд бүтцийн хөрөнгө оруулалтыг дэмжих олон улсын платформыг Монголд нэвтрүүлэх зэрэг дэд төслүүдийг хэрэгжүүлнэ. Мөн “Ирээдүйн хотууд” хөтөлбөр нь уялдаа холбоо бүхий хот төлөвлөлт, мэргэжлийн түвшинд хийх хот төлөвлөлтийн төслүүдийг санхүүжүүлэхэд чиглэж, төсөл хэрэгжүүлж байгаа орнуудтай хамтран ажиллах юм.

Энэ үеэр нийслэлийн Засаг дарга бөгөөд Улаанбаатар хотын Захирагч С.Батболд “ Улаанбаатар хотын өмнө тулгамдаж байдаг агаар, хөрсний бохирдол, нийтийн тээвэр зэрэг олон ажил хамтран ажиллаж ирсэн Та бүхэнд талархал илэрхийлье. Сүүлийн жилүүдэд Азийн хөгжлийн банк, Улаанбаатар хоттой хамтран ажилладаг гол байгууллага болж байгааг дуулгахад  таатай байна. Азийн хөгжлийн банкнаас Азийн таван оронд хэрэгжүүлж байгаа “Ирээдүйн хотууд” хөтөлбөр”-т Улаанбаатар хот багтсанд баяртай байна. Цаашид олон ажилд идэвхтэй хамтран ажиллах болно” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Рио-де-Жанейрогийн зуны олимпийн наадмын үеэр спортын төдийгүй,бас гэмт хэргийн шинжтэй мэдээ өдөр бүр ирж байна.Ройтерс агентлагийн мэдээлснээр, бразилын цагдаа нар Намибийн шигшээ багийн тугчин Жонас Жуниосыг саатуулжээ.

Боксын тэмцээнд оролцох ёстой байсан энэ тамирчин үйлчлэгч эмэгтэйг хүчирхийлэх гэсэн тухай гомдол ирсний дараа түүнийг урьдчилан хорьсон байна.22 настай боксчин олимпийн тосгонд түүний өрөөг цэвэрлэж байсан үйлчлэгчийг хоргоожээ. Хохирогчийн мэдүүлснээр, тамирчин эхлээд мөнгө өгье гэж, харин дараа нь хүч хэрэглэн, санасандаа хүрэх гэж оролдсон байна. Бүсгүй өрөөнөөс гүйн гарч, цагдаа нарт хандаж, ингэсний дараа Жуниосыг саатуулжээ.

Түрүүнд нь мөн ийм хэргээр Марокко улсын тамирчин 22 настай боксчин Хассан Саадаг саатуулсан байна.

Бразилийн нийслэл Рио Де Жанейро хотноо болж буй XXXI удаагийн олимпийн наадмыг сурвалжлахаар ирсэн олон орны сурвалжлагчдыг тээвэрлэн явж байсан автобус руу нэг этгээд гал нээсэн талаар “www.thesun.co.uk” мэдээллээ.

Damage to a media bus in the Deodoro area of Rio de Janeiro on the fourth day of the Rio Olympic Games, Brazil. PRESS ASSOCIATION Photo. Picture date: Tuesday August 9, 2016. A media transport bus has had two windows smashed after being shot at while travelling between venues at the Rio Olympic Games on Tuesday, Press Association Sport understands. See PA story OLYMPICS Bus. Photo credit should read: David Davies/PA Wire. RESTRICTIONS – Editorial Use Only.

Уг хэрэг спортын цогцолборууд байрлах Деодоро дүүргийн ойролцоо болсон гэнэ. Гэмт этгээд автобусны цонх руу буудах үед жолооч сэтгүүлчдийг доошоо хэвтэхийг сануулсан байна. Нэг сэтгүүлч “Үнэхээр аймар байсан. Гэмт этгээдүүд автобус  руу орж ирэх вийдээ хэмээн айсан” гэж ярьжээ.Цагдаагийнхан уг хэргийг терроризмтой холбоотой эсэхийг шалгаж эхэлсэн байна.

Өнөөдөр буюу наймдугаар сарын 10-ны лхагва гарагт дараах байршил дахь хэрэглэгчдийг цахилгаанаар хангадаг шугам тоноглолд урсгал засвар хийхээр болжээ.

 Чингэлтэй, Баянгол дүүрэг

• 10.00-17.00 цагт: Чингэлтэй дүүргийн 7,  8,  9, 10,  Баянгол дүүргийн 11, 23 дугаар хороо Хувьсгалчид, Баруун, Дунд, Зүүн тасган, Дэнж, Зүүн ард Аюуш, Зүүннаран, Сан, Усан сан, Усны гудамжууд, Арвижих, Майдар, Алхана трейд, Цэгээн хайрхан ХХК-ууд, Улаанбаатар сан, 11, 23-р хорооны цогцолбор барилгууд, Шугамаар ус хангах алба, Телевизийн цагдаагийн хэсэг, Эрдэнэт хүмүүн, Гурван санчир өрхийн эмнэлгүүд болон тэдгээрийн ойр орчмоор

Сүхбаатар дүүрэг

• 10.00-18.00 цагт: 1, 11, 12, 13-р хороо Рашаант, Хангайн гудамж, Ус өргөх насос, Сансар худалдааны төв, Макс хүнс, Санколл, Инкозон, Зоос одон тэмдэг, Оргил деко, Фортуна стар,  Хүжийн гал констракшн, Гэрэлт жин, Эрчим инженеринг, Бэрэн констракшн ХХК-ууд болон тэдгээрийн ойр орчмоор

Баянзүрх дүүрэг

• 10.30-17.30 цагт: 19-р хороо Тамирчны 1-7-р гудамж, 1, 2, 3, 45-р байр,  Онч мэргэн өрхийн эмнэлэг болон тэдгээрийн ойр орчмоор
• 11.00-13.00 цагт: 6, 18-р хороо Дамдинсүрэнгийн 43, 56, 58, 59, 63, 65, 66, 67, 87, 92, 93, ХД 91, 93, МД 60, Олзвойн 38, 78, Эрэлийн 39А, Б, В, Г, 40, 41, Ургац өгөөжийн 67, 145, 163, 170-р байр, Номноо, Ногоон төгөл, Люкс хауз хотхон, Эрдэнэдрийлинг, Горгаз ХХК, Мон суль ШТС, ТТХГ, ШШГЕГ-ын орон сууц болон тэдгээрийн ойр орчмоор
• 15.00-17.00 цагт: 6, 18-р хороо Дамдинсүрэнгийн 43, 56, 58, 59, 63, 65, 66, 67, 87, 92, 93, ХД 91, 93, МД 60, Олзвойн 38, 78, Эрэлийн 39А, Б, В, Г, 40, 41, Ургац өгөөжийн 67, 145, 163, 170-р байр, Номноо, Ногоон төгөл, Люкс хауз хотхон, Эрдэнэдрийлинг, Горгаз ХХК, Мон суль ШТС, ТТХГ, ШШГЕГ-ын орон сууц болон тэдгээрийн ойр орчмоор
• 13.00-13.30 цагт: 20-р хороо Гачуурт тосгоны бүх хэрэглэгчид, Баяндөхөм, Хар усан тохой
• 13.00-15.00 цагт: 6, 18-р хороо 9, 15, 16, 18, 21, 22, 24, 44, 51, Монтедийн 1, 2-р байр, Наран, ГЕГ-ын орон сууц болон тэдгээрийн ойр орчмоор
• 13.30-14.00 цагт: 20-р хороо Гачууртын төвийн урд хэсэг, Хуандай ам
• 14.00-14.30 цагт: 20-р хороо Гачууртын төвийн хойд хэсэг, Шар хоолойн ам
• 15.00-17.00 цагт: 18, 15-р хороо Бөхийн өргөө, Хадагтай инвест, Ватиканы төлөөлөгчийн газар, 21-р сургууль, 1-9, 13, 15, 16, 23, 27, 31, 40, 43, 44, 69, 70-73, 75-р байр болон тэдгээрийн ойр орчмоор

 Хан-Уул дүүрэг

• 10.30-18.00 цагт: 7-р хороо Яармаг-15-22 гудамж тэр орчмоор

Баянгол дүүрэг

• 11.00-18.00 цагт: 20-р хороо Монголиадевелопмент ресорсес, Дашваанжил, МТ ойл, Шунхлай, МТ, Ойн бирж ШТС-ууд болон тэдгээрийн ойр орчмоор

“Рио 2016” олоимпийн наадмын хоёр дахь өдөр эрэгтэйчүүдийн гимнастикийн төрөлд оролцсон Францын гимнастикч буруу газардсанаас болж хөлөө хугалсан билээ. Түүний гэмтэл маш хүнд зэрэглэлд багтаж түүнийг олимпоос хасч эмчилж эхэлсэн юм. Тэгвэл түүнээс гурав хоногийн дараа гимнастикч хөл дээрээ алхаж чаддаг болсон байна. Тэрээр “Миний биеийн байдал гайгүй байгаа. Хөл дээрээ алхаж чаддаг болсон доо баяртай байна” гэж өөрийн Twitter хуудсаар дамжуулан мэдэгдсэн байна

.

Баянхонгор аймгийн Баянхонгор сумын төвд өчигдөр хүчтэй аадар бороо орсны улмаас тус сумын 13 айл өрх усанд автаж, далан сэтэрч ус ихээр нэмэгдсэн байна. Дуудлагын дагуу аймгийн Онцгой байдлын газрын 23 албан хаагч, 3 автомашин, Цагдаагийн газрын 10 албан хаагч, 2 автомашин, байгууллага аж ахуй нэгж, орон нутгаас нийт 45 хүн, 4 автомашин, нийт 78 хүн, 9 техник хэрэгсэлтэйгээр ажиллаж усанд автсан айл өрхүүдийг аюулгүй газарт нүүлгэн, сэтэрсэн далан шуудууг сэргээн засварласан байна.

Ойрын өдрүүдэд нутгийн хойд хэсгээр хур тунадас ихтэй байгаа. Тиймээс үер усны аюулаас сэрэмжлэхийг Онцгой байдлын ерөнхий газраас мэдээллээ.

 Өнөө жилийн хувьд шинэ хичээлийн жил эхлэхэд 20-хон хоног дутуу байгаа ч их засварын ажил дуусах яагаа ч гүй байгаа нь их засварын төлөвлөгөөнд орсон 9 сургууль, цэцэрлэгийн өнөөгийн байдлаар харагдав. Тодруулбал, Албаныхны хэлж буйгаар нохойн дуу ойртсон энэ цагт засварын ажил ердөө 40 хүрэхгүй хувьтай байгаа гэнэ. Тэр ч бүү хэл, зарим нэг сургууль цэцэрлэг өнөөдрөөс засвараа эхлэж байна

Өнөө  жил улсын төсвийн хөрөнгө оруулалтаар 21, 31, 45, 52, 60, “Шавь” цогцолбор, “Эрдмийн өргөө сургуулиуд болон 86, 88, 89 дүгээр цэцэрлэгүүдийг засна. Мөн сайдын багцаас дөрвөн цэцэрлэг, гурван сургуулийг засахаар болсон аж.

Өнөөдрийн байдлаар “Шавь” цогцолбор, 52, 21, 45 сургуулиудын ажил бүрэн дууссан гэх. Харин “Эрдмийн өргөө” суруулийн засварын ажил хөрөнгө санхүү, тендерийн маргаан гэх зэргээр сунжирснаа холбогдох хүмүүс энэ долоо хоногтоо гялалзуулна гэж байх юм. Мөн нийслэлийн 31-р сургуулийн засвар  50 хувьтай үргэлжилж байна.  Сонгогдсон 9 сургууль цэцэрлэгээс 86-р цэцэрлэгийн ажил огт эхлээгүй байсан бөгөөд өчигдөрөөс эхэлсэн байна. Харин 84-р цэцэрлэгийн засвар 20 гаруй хувьтай шинэ хичээлийн жилтэй ам өртөс засвараа дуусгахаар ажиллаж байна. Цэцэрлэгүүдээс 89-р цэцэрлэгийн ажил одоогоор дуусч, улсын комисс авахад бэлэн болжээ.

Өнөөдрийн байдлаар ямартай ч их засварын бүтээн байгуулалтын ажил ийм байна. Албаныхан засварыг хугацаандаа дуусгахаар шуурхайлж байгаагаа онцолсон юм.

Гэвч 90 ч биш 9-хөн тооны барилгыг  гурван сард багтаан засч дуусаагүйн учир нь тендер оройтож зарлагдсантай холбоотой гэнэ. Учир нь энэ зун сонгууль, наадам, АСЕМ гээд олон үйл явдал давхцсан ч жилийн жилд л ийм ядмаг  тайлбар хэлж суудгаа больчихмоор санагдах юм.

Сангийн сайд Б.Чойжилсүрэн өчигдөр Монгол Улсын нийгэм, эдийн засаг, төсөв, санхүүгийн өнөөгийн нөхцөл байдлын талаар мэдээлэл хийлээ. Мэдээллийг бүрэн эхээр нь хүргэж байна.

Өчигдөр БЗД-ийн нутаг Тэнгэр бөөний төвийн баруун замд “Эмсид” ХХК-ны H.Aero City-540 маркийн автобусны жолооч А нь явган зорчигч 17 настай эрэгтэй Т-г мөргөж амь насыг нь хохироожээ. Мөн түүнчлэн СХД-ийн нутаг Ханын материалын Өндөр настны буудлын зүүн замд “H.Sonata” маркийн авто машины жолооч Г нь явган зорчигч 50 орчим насны эрэгтэй М-г мөргөж амь насыг нь хохироосон. Орон нутагт, Хөвсгөл аймгийн Түнэл сумын 5-р баг Бийжийн даваа гэдэг газар шаварт суусан “Уаз-2206” маркийн Э жолоочтой авто машиныг түрж байсан 42 настай эрэгтэй С нь дайрагдаж амиа алджээ.

“Оюутан цэрэг” хөтөлбөр гурав дахь жилдээ амжилттай хэрэгжиж байна. Энэ удаагийн хөтөлбөрт хамрагдахаар 4000 оюутан бүртгүүлсэн бөгөөд сурлагын чанар болон бусад нөхцөл байдлыг нь харгалзан 49 их, дээд сургуулийн 1000 оюутан залуус хамрагдаж байна.Цэргийн ерөнхий бэлтгэл буюу онолын сургалтыг өнгөрсөн дөрөвдүгээр сарын 1-нээс зургадугаар сарын 1-ний өдрүүдэд зохион байгуулсан бол цэргийн мэргэжлийн бэлтгэл буюу тактикийн сургалтууд зургадугаар сараас эхэлсэн.

Ингэхдээ нийслэлд 750 оюутныг БХИС-ийн Сургалтын төвийг түшиглэн, баруун аймгийн 150 оюутан Ховд аймаг дахь Зэвсэгт хүчний ангид, зүүн аймгуудын 100 гаруй оюутан Дорнод аймаг дахь Зэвсэгт хүчний ангид бэлтгэж байна.

Тэгвэл сургалтын хөтөлбөр дуусч буй учраас энэ оны оюутан цэргүүд энэ сарын 12-ны 10.30 цагт “Чингисийн талбай”-д эр цэргийн тангарагаа өргөнө. Оюутан цэргүүдийн тангараг өргөх ёслолд төр, засгийн удирдлагууд, БХЯ, БСШУЯ, ЗХЖШ, Монголын оюутны холбоо, их, дээд сургуулийн удирдлагууд, эцэг эхийн төлөөлөл оролцон

2016 оны 08 дугаар сарын 10-ний 09 цагаас 21 цаг хүртэлх цаг агаарын урьдчилсан мэдээ:

Говийн бүсийн нутгаар үүлшинэ, бусад нутгаар үүлэрхэг. Төвийн аймгуудын ихэнх нутаг, баруун болон зүүн аймгуудын зарим газраар бороо орно. Дуу цахилгаантай. Салхи говийн бүсийн нутгаар баруун өмнөөс, бусад нутгаар баруун хойноос секундэд 6-11 метр, зарим газраар секундэд 14-16 метр хүрч ширүүснэ. Ихэнх нутгаар сэрүүхэн Алтай, Хангай, Хөвсгөл, Хэнтэйн уулархаг нутгаар 14-19 градус, Говийн бүсийн баруун хэсгээр 27-32 градус, говийн бүсийн зүүн хэсэг болон Дорнод, Дарьгангын талаар 31-36 градус, бусад нутгаар 20-25 градус дулаан байна.

УЛААНБААТАР ХОТ: Үүлэрхэг. Бороо орно. Салхи баруун хойноос секундэд 7-12 метр. 21-23 градус дулаан байна.

Өглөө 06 цагт Улаанбаатарт: 16 градус дулаан, харьцангуй чийг 100 хувь, агаарын даралт 856 гектопаскаль байлаа. Даралт өдөртөө өснө.

Зам, тээврийн хөгжлийн сайд Д.Ганбат Азийн дэд бүтцийн хөрөнгө оруулалтын банкны дэд ерөнхийлөгч Д.Ж.Пандианийг өчигдөр  хүлээн авч уулзлаа.

Монгол Улс нь Азийн дэд бүтцийн хөрөнгө оруулалтын банкны үүсгэн байгуулагч гишүүн орны нэг бөгөөд тус уулзалтаар Монгол Улсын тээврийн дэд бүтцийг хөгжүүлэх төслүүдийг санхүүжүүлэх асуудлаар хамтарч ажиллах талаар санал солилцсон байна.

Энэхүү уулзалтаар сайд Д.Ганбат Монгол-Хятад-Оросын хооронд “Эдийн засгийн коридор” байгуулах болсон талаар танилцуулж, хөтөлбөрийн хүрээнд төмөр зам болон авто замын бүтээн байгуулалтын 10 гаруй төслүүдэд хамтарч ажиллах боломжтой талаар танилцууллаа.

Монгол Улсын уул уурхайн болон аж үйлдвэрийн салбарын хөгжилтэй уялдуулан ойрын ирээдүйд 10 орчим мянган ачааны вагоны хэрэгцээ үүсэх тооцоо байдаг. Ачааны вагон угсрах үйлдвэрийн төслийг хэрэгжүүлэхэд судалгаа болоод төслийн санхүүжилт хийх шаардлагатай байгааг сайд онцолсон. Мөн Монгол Улсын нийгэм, эдийн засагт өндөр ач холбогдол бүхий Улаанбаатар-Дархан чиглэлийн 205 км хатуу хучилттай авто замын шинэчлэлтийн төслүүд болон Өмнөговь аймгийн “Гурван сайхан” нисэх буудлыг олон улсын нислэг хүлээн авах зэрэглэлийн нисэх буудал болгон өргөтгөн шинэчлэх шаардлагатай байгааг ч дуулгалаа. Түүнчлэн нийслэл хотын хувьд нийгэм эдийн засгийн ач холбогдол бүхий “Богдхан” төмөр зам төслийг судалж, хамтран ажиллах саналтай байгаагаа илэрхийллээ. Талууд санал болгосон төслийн талаар судалж, цаашид нягт хамтран ажиллахаар тохиролцлоо

ЖҮДО БӨХ

22:00 цагт: Жүдо бөхийн эрэгтэйчүүдийн 90 кг, эмэгтэйчүүдийн 70 кг-ийн жингийн медалийн эзэд тодорно. Монголын жүдочдоос Л.Отгонбаатар, Ц.Наранжаргал нар дээрх жинд өрсөлдөнө.

БОКС

23:00 цагт: 56 кг-ийн жинд Э.Цэндбаатар, 69 кг-ийн жинд Б.Түвшинбат нар тулалдана.

ХҮНДИЙН ӨРГӨЛТ

03:30 цагт: Эмэгтэйчүүдийн 69 кг-ийн жингийн тэмцээнд залуучуудын ДАШТ-ийн алт, мөнгөн медальт М.Анхцэцэг өрсөлдөнө.