“Эвтэй 5”-д хандаж хүсэлт гаргалаа

Дархан-Уул аймгийн Ардчилсан намынхан “Эвтэй 5”-д хандаж хүсэлт гаргажээ.

Уг хүсэлтэд “Аливаа улс төрийн намын үйл ажиллагааны дүнг ард түмэн сонгуулиар тавьдаг. Дархан –Уул аймгийн ардчилсан намын 12 жилийн үйл ажиллагаанд Дарханчууд онц МУУ дүнг тавьж Дарханы Ардчилсан нам ялалт гэж зүйлийг үзсэнгүй. Үүний хамгийн гол шалтгаан нь Ардчилсан нэртэй нам боловч Ардчилсан зарчмаар намыг удирдсангүйд л хамаг учир оршиж байна. Хүний амьдралын 12 жилийн хугацаа гэдэг бол тийм ч бага хугацаа биш юм. Энэ намын ялагдалыг цааш нь үргэлжлүүлэх үү …зогсоох уу гэдэг зааг дээр байна… Бид бүхэн алдаанаасаа сургамж авч нам одоо л шинэчлэгдэх нь гэж хүлээж байсан талаар болохоор байна.

1. Ардчилсан намын 6-р ИХ хуралд төлөөлөгчийг сонгохдоо “Бурхан-халдун” ХХК ны оффисс д 100 000 хүнтэй Дархан хотын 1 үүрээс 5 хүн цуглуулж коммунист нам шиг их хурлын төлөөлөгчдийг томиллоо . Үүрийн хурлаа хаана болохоо хэдэн цагт болохоо намын гишүүдээсээ нууцаллаа. Энэ тийм нууц зүйл юм уу сонгох сонгогдох эрх Дарханчуудад байна уу?

2. Шинэчилсэн бүртгэлийг “Бурхан-халдун” ХХК офисст Ардчилсан намын дарга биш Б.Мягмардаш , Г.Гантулга , Ц.Энхжаргал гэдэг 3 хүн зохион байгуулсан болж зөвхөн өөрсдөд нь тал зассан хүмүүсийг л бүртгэж авлаа. Журмаар бол Дархан сумын дарга О.Цолмон , Б.Баяраа нар зохион байгуулах ёстой байлаа гэвч тийм зүйл болсонгүй. Аймгийн намын дарга гэх Н.Мөнхдаш , хэрэг эрхлэх газрын дарга гэх Л.Ариунтуяа огт байсангүй. Аймгийн намын даргыг байхгүйд төрсөн ах нь орлоно гэсэн дүрэм манай намд байхгүй гэж бодож байна. Эсвэл охин компанийн захирал нь орлоно гэсэн дүрэм манай намд байхгүй… “Бурхан халдун ”ХХК ны ажилчдын оффисийн байрандаа бүртгэсэн бүртгэлийг хүчинтэй гэж төв нам бүртгэж авах уу?

3. Манай нам Дархан-Уул аймагт байр ч үгүй болсон . Ардчилсан намын даргаар ажиллаж байсан Занабазарын Мөнхбат агсаны үлдээсэн байрыг Дархан-нутаг төрийн бус байгууллагын худалдан авсан үл хөдлөх хөрөнгийн үнэнд шингээж зарсан. Үүнийгээ булзааруулахын тулд компанийнхаа хашаанд барьсан оффисийн байраа манай намын байр гэдэг. Энэ барилга нь барилга эхлэх , үргэлжлүүлэх зөвшөөрөл аваагүй , зураг төсөв улсын экспертизээр хянагдаагүй , техникийн нөхцөлүүд нь “Бурхан -халдун” ХХК ны оффисийн байр нэрээр гарсан байдаг улсын комисс хүлээж авах ямар ч боломжгүй барилга байдаг. Манай нам “Бурхан-Халдун” ХХК ны мэдэлд мөнхөд байх ёстой юм уу?

4. Дархан-Уул аймгийн нам УИХ н нэг ч гишүүнгүй , Дархан уул аймгийн ИТХ –д нэг ч суудалгүй дампууралынхаа доод цэгт хүрлээ… Цаашид дампуурах ч зай үлдсэнгүй.

5. Коммунист нам шиг 12 жилийн хугацаанд мөн ч олон хүнийг Дарханы намаас үндсэндээ хөөлөө. Хөөгдсөн хөндийрсөн , хөндийрүүлсэн хүнийг тоо хэдэн арваар биш хэдэн зуу хэдэн мянгаар яригдана.

6. 12 жилийн хугацаанд Дарханы Ардчилсан намын гишүүд юу ч үгүй үлдэж “Бурхан-Халдун” ХХК болон түүний охин компанийн захиралууд хууль бусаар авсан Дархан хотын А цэгт хэдэн арван га газартай л үлдлээ.

7. 12 жилийн хугацаанд нэг ч удаа ялахгүй байж Дарханы Ардчилсан намын удирдлагын төлөө үхэн хатан зүтгэх ямар учир шалтгаан байна вэ.

8. Бусад намууд манай намд элсээчээ гэж гуйж байхад манай нам Төв намын даргаасаа эхлээд Ардын намруугаа яваарай гэж гишүүдээ зандарч байна. Тэгэхээр 33:0-ээр ялагдахаас ч биш яах вэ.

9. 12 жилийн хугацаанд Дарханы ардчилсан намын дотоод сонгууль нэг ч удаа шударгаар болж байсангүй. Олон залуучууд нэг л зүйлийн төлөө олон жил тэмцэж ирсэн. Тэр нь зөвхөн шударга сонгууль. Сонгуулийн луйврыг сонгууль зарлахаас аваад хаана болох, хэдэн цагт болохоос авахуулаад нэр дэвшилт,  тооллого,  давхар санал өгөх гэх мэтээр хийсэн.

10. Сүүлдээ Ардчилсан намын сонгуулийг Монгол ардын намын дэргэдэх НАМЗХ ын шилдэг гишүүн Гонгор овогтой Гантулга удирдана гэнэ. Бид дотоод сонгуулиа хийх боловсон хүчингүй нам уу? Бид дайснууд биш нэг л үзэл бодол үнэт зүйлтэй нэгэн намын журмын нөхөд бид юу хүсэж байна вэ ? зөвхөн шударга сонгуулийг бид 12 жилийн ялагдалын хугацаанд манай намын дотоод сонгууль шударга явагдана гэсэн өчүүхэн ч итгэл алга.  Эцэст нь нэг л зүйлийг хүсье. Та таван нэр дэвшигч Дархан-Уул аймгийн болон Дархан сумын сонгуулийн хорооны гишүүнийг сонгохдоо тус бүр 1 хүн оруулж сонгуулийн хороог бүрдүүлж, сонгуулийг удирдуулж бие биедээ хяналт тавьж сонгуулийг шударга явуулж өгөхийг хичээнгүйлэн хүсье… ЭНЭ БОЛ ДАРХАНЧУУД БИДНИЙ 12 ЖИЛИЙН ХҮСЭЛ МӨРӨӨДӨЛ” гэжээ.