Иргэд, аж ахуйн нэгж, байгууллагууд хандивын аянд нэгдлээ

 Шинэ коронавируст халдвараас урьдчилан сэргийлэх үйл ажиллагаанд дэмжлэг үзүүлэх зорилгоор аж ахуйн нэгж, байгууллага, иргэдээс Улсын онцгой комисст хандив ирсээр байна. Тухайлбал,

  Архивын ерөнхий газрын ажилтан, алба хаагчид нэг өдрийн цалин болох 3 095 000 төгрөгийг өнөөдөр Улсын онцгой комисст хандивласан бол Төв аймгийн Баян сумын I багийн иргэн, аймгийн сайн малчин Ж.Тамир 10 хонь хандивласныг түүний эгч Ж.Солонго уламжлан, хандивыг хүлээлгэн өглөө.

Мөн  “Улаанбаатар Хангарьд Ротари клуб”-ийн залуучууд 1 436 200 төгрөгөөр хандивын аянд нэгдсэн бол “Сүбүтэ Майнинг сервис” ХХК-аас 3 сая төгрөгийн өртөг бүхий хөдөлмөр хамгааллын хувцсыг Улсын онцгой комисст гардуулан өгч, чин сэтгэлийн талархал илэрхийллээ гэж Онцгой байдлын ерөнхий газраас мэдээллээ.