Ковид-19: Сүүлийн 24 цагт 30 тохиолдол шинээр бүртгэгдлээ

Улсын хэмжээнд өнгөрсөн хоногт коронавируст халдварын 30 тохиолдол PCR шинжилгээгээр батлагджээ.

Үүнээс нийслэлд ес, орон нутагт 21 тохиолдол бүртгэгдэв.

Орон нутгийн 21 халдвар нь бүгд Өмнөговь аймагт илэрсэн байна. Ингэснээр улсын хэмжээнд батлагдаад буй КОВИД-19-ийн нийт тохиолдлын тоо 982,607 болж байна. Мөн өнгөрсөн хоногт 112 хүн эдгэрсэн бөгөөд одоогоор 830 иргэн коронавируст халдварын улмаас хяналтад байгаа юм.