Өвлийн идэш өргөтгөсөн худалдаа үргэлжилж байна

Нийслэлийн 11 байршилд өчигдрөөс эхлэн “Өвлийн идэш” өргөтгөсөн махны худалдааг зохион байгуулж байна. Ингэхдээ ямар нэгэн ченжийн дамжлагагүйгээр малчдын гараас мал, махыг худалдан авах боломжийг бүрдүүлсэн байгаа юм. Малчид зах зээлийн ханшаас харьцангуй бага үнээр буюу үхрийн мах-9500, хонины махыг-7500 төгрөгөөр худалдаалж байна.

Сүхбаатар дүүргийн хувьд 14 дүгээр хороо, Долоон буудал, Хандгайтын 30 дугаар гудамжинд худалдаа явагдаж байгаа бөгөөд өчигдөр 17 цагийн байдлаар 1 тонн орчим мах зарагдсан байна. Байршлуудыг дахин сануулья:

Сүхбаатар дүүрэг 14 дүгээр хороо Долоон буудал Хандгайт 30 дугаар гудамж

Баянгол дүүрэг 6 дугаар хороо Улаанбаатар паласын хашаанд Архангай, Хөвсгөл аймаг

· Баянзүрх дүүрэг Тэнгэр плаза худалдааны төв Хэнтий, Сүхбаатар

· Баянзүрх дүүрэг Жуковын талбай Дорнод, Хэнтий

· Чингэлтэй дүүрэг 2 дугаар хороо Тусгаар тогтолын талбайд Өвөрхангай, Төв,

· Сонгинохайрхан дүүргийн 1 дүгээр хорооллын зам дагуу Ховд, Увс,

· Сонгинохайрхан дүүргийн 20 дугаар хороо Номин агуулах Булган, Говь-Алтай, Завхан аймаг

· Хан -Уул дүүргийн 20 дугаар хороо “Лавай” худалдааны төв Дорноговь, Дундговь, Өмнөговь

· Багануур дүүрэг Хэрлэн худалдааны төв Сүхбаатар аймаг

· Налайх дүүргийн Налайх зах Дорнод, Говьсүмбэр

· Хан -Уул дүүрэг 15 дугаар хороо Цэнгэлдэх хүрээлэнд бүх аймгууд оролцож байна. Өргөтгөсөн худалдаа ирэх ням гариг хүртэл буюу арванхоёрдугаар сарын 3-ны өдрийг дуустал болох юм.