Үндэсний их баяр наадам “Мөнхөд орших монгол ” агуулгын дор зохион байгуулагдана

Үндэсний их баяр наадмын Урлаг соёлын арга хэмжээний салбар хороо нь Тулгар төрийн 2235, Их Монгол Улсын 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ой, Үндэсний их баяр наадмын хүрээнд соёл урлагийн 14 арга хэмжээг “МӨНХӨД ОРШИХ МОНГОЛ” агуулга дор зохион байгуулахаар бэлтгэл ханган ажиллаж байна.

Төв цэнгэлдэх хүрээлэнд

-“МӨНХӨД ОРШИХ МОНГОЛ НААДАМ” Баяр наадмын нээлтийн арга хэмжээ

-“МӨНХӨД ОРШИХ МОНГОЛ НААДАМ” Оройн тоглолт арга хэмжээ

-“Баяр наадмын хаалтын арга хэмжээ”

Нийслэлийн Соёлын төв өргөөнд

-“МӨНХӨД ОРШИХ МОНГОЛ” Хүндэтгэлийн концерт

Д.Сүхбаатарын талбайд

-“Дээлтэй монгол” үндэсний хувцасны наадам

-“Улаанбаатарын үдэш 2026” үдшийн цэнгүүн

Монголын урчуудын эвлэлийн үзэсгэлэнгийн танхимд

-“Монголын сайхан орон” уран зургийн үзэсгэлэн

Монголын уран зургийн галерейд

-“Монгол бахархал- Монгол адууны соёл” гэрэл зургийн үзэсгэлэн

Хүй долоон худагт

-“Соёлын наадам”

-“Дэлхийн адууны өдөр- Уяачдын наадам”

Энэ жилийн баяр наадмын соёл, урлагийн арга хэмжээнд 40 гаруй мэргэжлийн урлагийн байгууллагууд, хувийн хэвшлийн 100 гаруй байгууллагуудын нийт 13,000 орчим уран бүтээлчид, зохион байгуулагчид ажиллаж байна.