Ахмадуудаа баярлуулаад суудлын машины эзэн болоорой

Ахмадын баярын өдрийг тохиолдуулан энэ сарын 30-нд Монголын урлагийн мастерууд, зохиолын шилдэг дуучдын хамтарсан “Ахмадуудаа баярлуулъя” тоглолт UB Паласын концертын их танхимд болно. Тоглолтод МУГЖ С.Батсүх, МУГЖ Н.Чулуунхүү, МУГЖ У. Далантай, МУГЖ Д.Энхзул МУГЖ Г. Батбаяр, СТА Т.Батсайхан, СТА Батболд, СТА П.Идэржавхлан, СТА Г.Чинболор, СТА Л.Чулуунбаатар, СТА Э.Чулуунчимэг, СТА А.Түмэн-Өлзий, СТА П.Жимсээ, СТА Б.Энхмэнд, СТА Д. Бурмаа нар оролцож, ахмадууддаа ая дуугаа өргөнө.

Тоглолтын үеэр азтай үзэгч тодруулж шагнал гардуулна. Улаан-Үд Итгэлт хамбад мөргөх аяллаар явах 8 үзэгч тодруулах бол бас 8 хүнийг Манжуурын аялалд шалгаруулна.

Түүнээс гадна  хөргөгч, бүрэн автомат угаалгын машин, LCD телевизор, тоос сорогчтой гэртээ харих азтангуудыг тодруулна. Супер азтай нэг үзэгчийг суудлын автомашины эзнээр шалгаруулна. Суудлын машин хожсон азтан гэр рүүгээ машинаа унаад явах нь. Ахмадын өдрөөр аав ээж ах эгчийгээ баярлуулан тоглолт үзүүлээрэй. Тэдний хэн нь ч азтан болж,гэртээ бөөн бөөн бэлэг аваад орж ирэх өдөр ойртож байна.