Өчигдөр хуралдсан Хууль зүйн байнгын хорооны хуралдаанаар хэлэлцэхээр төлөвлөөд байсан асуудлуудаар Улсын Их Хурал дахь МАН-ын бүлэг 5 хоногийн завсарлага аваад байгаа. Эдгээр хэлэлцэхээр төлөвлөсөн асуудлын жагсаалтад Монгол Улсын Ерөнхийлөгч Монгол Улсын Үндсэн хууль зөрчсөн эсэх талаар Үндсэн хуулийн цэцэд хүсэлт гаргах тухай Улсын Их Хурлын гишүүн Г.Уянгын санал тусгагдсан байсан юм. Үүнтэй холбогдуулан Улсын Их Хурлын гишүүн Г.Уянга өнөөдөр сэтгүүлчдэд мэдээлэл хийлээ.

Улсын Их Хурлын гишүүн Г.Уянга мэдээлэлдээ, татвар төлөхөөс зайлсхийсэн хэргээр ял шийтгэгдсэн Жастин Каплад Монгол Улсын Ерөнхийлөгч зарлиг гарган уучлал үзүүлсэн. Тухайн үед нь би хоёр орны гадаад харилцаатай холбоотой асуудал хэмээн хүндэтгэлтэй хандсан. Жастин Капла нь уучлал үзүүлсний дараа Монгол Улсад учруулсан өрийг төлөх ёстой байсан ч ямар нэгэн байдлаар зувчуулж эхэлсэн. Саяхнаас энэ өрийг төлөхгүй гэсэн асуудал яригдаж эхэллээ. Монгол Улсын Ерөнхийлөгчийн гаргасан зарлигийг хүчингүй болгох, Монгол Улсын Ерөнхийлөгч Үндсэн хууль зөрчсөн эсэх асуудлаар Үндсэн хуулийн Цэцэд хандсан асуудлыг Хууль зүйн байнгын хороогоор хэлэлцэх байсан ч МАН-ын бүлэг завсарлага аваад байна. АНУ-ын иргэн Жастин Каплад уучлал үзүүлсэн ч татвар төлөхгүй гэж байгаа нь харамсалтай байна. Энэ нь Монгол Улсыг доромжилсон, дорд үзсэн явдал юм. Түүнчлэн татварын асуудалтай олон хүмүүс өршөөгдөж болох нь гэсэн ойлголтыг төрүүлж байна. Энэ бол шударга ёсыг үнэгүй болгож байгаа үйлдэл. Иймээс татвараа төлөхгүй гэж үзэж байгаа бол Ерөнхийлөгчийн зарлигийг хүчингүй болгох хэрэгтэй. Иймд энэ асуудлаар авсан завсарлагын хугацаа дуусгавар болмогц үргэлжлүүлэн хэлэлцэж, улмаар чуулганы нэгдсэн хуралдаанаар яаралтай хэлэлцэх шаардлагатай гэлээ. Мэдээллийн үеэр Улсын Их Хурлын гишүүн Г.Уянга сэтгүүлчдийн сонирхсон асуултад хариулт өглөө хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

УИХ-ын 2012 оны сонгуулиар байгуулагдсан парламент анх удаагаа гурван бүлэгтэй  гурван бие даагчтай  парламент байсан гэдгээрээ түүхэнд үлдэнэ.  Гэвч бүрэн эрхийнхээ төгсгөлд бүтц нь ихээхэн өөрчлөгдсөн гэдгээрээ ч парламентийн түүхэнд бичигдэж үлдэх нь дамжиггүй .

УИХ дахь МАХН, МҮАН-ын “Шударга ёс” эвсэл өнөөдөр эрх зүйн чадамжгүй болсон тул татан буугдахаар боллоо. Учир нь УИХ-д 8-аас дээш суудалтай нам, эвсэл өөрийн гэсэн бүлэг байгуулах эрхтэй болдог.

Ийм ч учраас УИХ-ын 2012 оны сонгуульд 11 УИХ-ын гишүүнтэй болсон  МАХН, МҮАН-ын “Шударга ёс” эвсэл  албан ёсны бүлгээ байгуулагдсан билээ.

Харамсалтай нь Д.Батцогт АН-д, Г.Уянга, Л.Цог нар Тусгаар Тогтнол, Эв Нэгдлийн намд тус тус элсэж, бүлгээ орхисон тул ердөө 8 гишүүнтэй болоод байсан юм. Тэгвэл өнөөдөр УИХ-ын гишүүн Д.Тэрбишдагва, Ч.Улаан нар МАХН-ын гишүүнчлэлээс  мөн эвслийн бүлгээс татгалзаж буйгаа зарласнаар  УИХ дахь МАХН, МҮАН-ын “Шударга ёс” бүлэг эрх зүйн чадамжгүй болж, татан буугдахаар болж байна . Тун ойрын хугацаанд УИХ-ын даргын тогтоол гарч, тус бүлэг татан буугдсаныг албан ёсоор зарлах учиртай. Дашрамд дурьдахад УИХ-ын гишүүн О.Баасанхүү өнгөрсөн Баасан гарагт буюу 4 сарын 29-нд бүлгийнхээ даргаар сонгогдсон. Өнөөдөр бүлэг нь татан буугдсанаар тэрээр ажлын 3  хоног  буюу 72 цаг л УИХ дахь  бүлгийн даргаар ажилласан хүн болж түүхэнд үлдэж байна.

Засгийн газрын нэг субьект байсан.”Шударга ёс” эвслийн бүлэг задарснаар шийдлийн засгийн газар мөн л чадамжгүй засгийн газар болж байна гэсэн үг

Ховд-Улаанбаатар чиглэлийн ОМ7056 дугаар аялал гүйцэтгэсэн El-CXV бүртгэлийн дугаар бүхий агаарын хөлөгт гэмтэл гарсан талаар МИАТ компаниас тайлбар хийлээ. Агаарын хөлөг хөөрөлтийн өмнөх гүйлтийн үед 60 knt орчим хурдан дээр чиглэл алдсанаас хөөрөлтийг зогсоон зурвас дээр зогсчээ.

   Энэ талаар МИАТ компанийн Нислэг техникийн үйл ажиллагааны захирал Н.Ганболд “Бид В737-800 агаарын хөлөгт үргэлжлүүлэн техникийн үйлчилгээ хийхээр болж, зорчигчдийг Улаанбаатар руу Аэромонголиа ХХК-ийн агаарын хөлгөөр тээвэрлэсэн. Зорчигчдийн хувьд гэмтэж бэртсэн зүйл байхгүй. Эхний 48 зорчигчид өнөө өглөө 5:45, дараагийн 42 зорчигчид 8:45 цагт хотод ирсэн. Техникийн багийнхан Ховдод очсон байгаа бөгөөд хөдөлгүүрийн дотоод дурангийн ажил, хөдөлгүүр, их бие, бусад үндсэн системийн нарийвчилсан үзлэг хийж байгаа юм байна. Цаашид Ховд руу бага оврын онгоцоор нислэг хийх гэнэ. Нислэгийн багт олон жил ажилласан чадвартай хүмүүс багтсан гэлээ.

СЕХ-ноос өнөөдөр 2016 оны УИХ болон аймаг, нийслэлийн сонгуульд оролцох 11 нам, гурван эвслийн батламжийг гардуулсан. Энэ үеэр Сонгуулийн ерөнхий хорооны дарга Ч.Содномцэрэнгээс зарим зүйлийг тодрууллаа.

–СЕХ хоёр намыг бүртгэхээс татгалзсан байна. Ямар шалтгаанаар энэ хоёр намыг бүртгээгүй вэ?

 -Нам эвслүүд сонгууль болохоос 60 хоногийн өмнө сонгуульд оролцох хүсэлтээ Сонгуулийн ерөнхий хороонд илэрхийлэх ёстой. Энэ хугацаанд 13 нам, гурван эвсэл материалаа өгсөн. Сонгуулийн ерөнхий хорооноос томилогдсон ажлын хэсэг намуудын баримт бичгийг шалгаад хорооны хурлаар оруулсан. Хурлаар 11 нам, гурван эвслийг бүртгэх шийдвэр гарлаа. ХҮН, ИЗНН гэсэн хоёр намыг бүртгэхээс татгалзсан.

Сонгуулийн тухай хуулиар бол сонгуульд оролцох нам 10, эвсэл 11 төрлийн бичиг баримт ирүүлэх ёстой. ХҮН-ын хувьд бичиг баримтаа дутуу ирүүлсэн. Сонгуулийн дансны материалаа өгөөгүй. Мөн ирүүлсэн бичиг баримт нь хоёр өөр тамгатай байсан. Тиймээс Сонгуулийн ерөнхий хорооны гишүүд энэ намыг бүртгэх үндэслэлгүй гэж үзсэн. ИЗНН-ын бичиг баримт ч учир дутагдалтай байсан. Тогтоол дээрээ намын дарга С.Оюун гарын үсэг зураагүй байсан. С.Оюун дарга өөрөө ирж тайлбараа өгсөн. ИЗНН гурван даргатай. Сонгуульд орох хүсэлтэд Д.Ганхуяг дарга гарын үсэг зурсан байсан. Гарын үсэг зурсан даргыг нь Улсын дээд шүүх албан ёсоор баталгаажуулаагүй байсан.

-Сонгуулийн тухай хуулинд өөрчлөлт оруулах нь тодорхой боллоо. Тэгэхээр сонгуулийн бэлтгэл ажилд ямар өөрчлөлт орох вэ?

-Сонгуулийн тухай хууль гарснаас хойш Сонгуулийн ерөнхий хороо цаг хугацааны хуваарь гаргасан. Цэцийн шийдвэрийг УИХ хүлээж авснаар Сонгуулийн тухай хуулинд өөрчлөлт орох нь тодорхой боллоо. Цэцийн дүгнэлтээс гадна өөр ямар ч заалтад өөрчлөлт ороогүй. Тиймээс графикийн дагуу ажлаа хийгээд явж байна. Энэ сарын 5-наас нэр дэвших ажиллагаа эхлэх ёстой. Хуулинд өөрчлөлт орохгүй бол энэ ажил хугацаандаа эхэлнэ. Сонгуулийн ерөнхий хороо хууль тогтоох байгууллагын хуулийг хэрэгжүүлэх үүрэгтэй учраас гарсан хуулийг хэрэгжүүлж ажиллана. Одоогоор хуулинд заасан хугацаандаа ажлаа хийж байна.

Монгол Улсын дээд шүүхэд бүртгэлтэй 24 нам байдаг. Эдгээр намуудаас 2016 оны сонгуульд оролцох хүсэлтээ 13 нам, гурван эвсэл СЕХ-нд өгсөн. Намуудын ирүүлсэн бичиг баримтыг СЕХ хянаад, 11 нам, гурван эвслийг сонгуульд оролцуулахаар бүртгэж, өнөөдөр батламж гардууллаа.СЕХ бүртгэхээс татгалзсан хоёр нам нь ХҮН, ИЗНН юм. ХҮН-ын ирүүлсэн бичиг баримт нь тамганы зөрчилтэй байсан тул бүртгэхээс татгалзсан байна. Харин ИЗНН-ын гурван дарга гурвуулаа гарын үсгээ зураагүй, бичиг баримтын бүрдэл дутуу байсан учраас сонгуульд оролцох эрх олгоогүй гэж СЕХ-ноос мэдэгдлээ.

СЕХ-ноос сонгуульд оролцохоор бүртгэсэн нам: Ардчилсан нам, Монгол Ардын нам, Монгол Консерватив нам, Бүгд Найрамдах нам, Монголын Ардчилсан хөдөлгөөний нам, Монгол Ардын хувьсгалт нам, Эрх чөлөөг хэрэгжүүлэгч нам, Ард түмнээ хайрлая нам, Монголын Уламжлалын нэгдсэн нам, Монголын Социал-демократ нам, Иргэний хөдөлгөөний нам Харин эвсэж оролцохоор бүртгүүлсэн намууд: Тусгаар тогтнол эв нэгдлийн нам, Монголын Ногоон намын “Тусгаар тогтнол, эв нэгдэл” эвсэл, Эх орончдын нэгдсэн нам, ХАМУГ Монголын Хөдөлмөрийн намын “Эх орончдын нэгдсэн эвсэл”, Хөгжлийн хөтөлбөр нам, Монголын Либерал намын “ХААН сонголт” эвслүүд тус тус батламжаа гардан авлаа.

Улс төрийн нам 11

1. Монгол Ардын Нам
2. Монгол Консерватив Нам
3. Бүгд Найрамдах Нам
4. Монголын Ардчилсан Хөдөлгөөний Нам
5. Ардчилсан Нам
6. Монгол Ардын Хувьсгалт Нам
7. Эрх Чөлөөг Хэрэгжүүлэгч Нам
8. Ард Түмнээ Хайрлая Нам
9. Монголын Уламжлалын Нэгдсэн Нам
10. Монголын Социал Демократ Нам
11. Иргэний хөдөлгөөний нам

Эвсэл 3 

1. Тусгаар Тогтнол, Эв Нэгдлийн Нам, Монголын Ногоон Намын

“Тусгаар тогтнол,эв нэгдэл” эвсэл

2. Эх Орончдын Нэгдсэн Нам, Хамуг Монголын Хөдөлмөрийн Намын

“Эх орончдын нэгдсэн эвсэл”

3 .  Хөгжлийн Хөтөлбөр Нам, Монголын Либерал Намын “ХААН сонголт” эвсэл

Монголын Засгийн газрын эрчимтэй өсөж байгаа зардлыг тогтоон барих арга хэмжээ авах хэрэгтэйг Дэлхийн банкнаас гаргасан тайландаа сануулав. Зардал нэмэгдэж, орлого хомсдож байгаагийн улмаас Монголын төсвийн алдагдал эрчимтэй өссөөр байна. Энэ оны эхний гурван сарын байдлаарх Монголын төсвийн алдагдал нь жилийн нийт алдагдлын гуравны хоёрт хүрсэн байна гэж Монголын эдийн засгийн тайланд дурджээ. Энэ оны эхний гурван сарын төсвийн орлогыг өнгөрсөн оны мөн саруудынхтай харьцуулахад 11 хувиар буурсан нь уул уурхайн бүтээгдэхүүний экспортын орлого буурсан, эдийн засгийн идэвхжил суларсантай холбоотой юм. Үүний зэрэгцээ энэ оны нэгдүгээр улирлын хөрөнгийн зарцуулалтыг өнгөрсөн оны мөн хугацааныхтай харьцуулахад хоёр дахин нэмэгдэж, нийт зардал 25 хувиар өсчээ. Мөн “Оюутолгой” ордын далд уурхайн бүтээн байгуулалтын хөрөнгө оруулалт орж ирснээр энэ оны хоёрдугаар хагаст импортын татвар алгуур нэмэгдэх хэдий ч хэрвээ түүхий эдийн үнэ ханш ойрын ирээдүйд нэмэгдэхгүй бол орлогын бүрдүүлэлт өмнө нь төсөвлөж байснаас бага байх болно гэж тайланд дурдсан байна. Харин орон сууцны хөнгөлөлттэй зээлийн хөтөлбөрийг Засгийн газар руу шилжүүлснийг сайшаагаад, уг хөтөлбөрийн зардлыг улсын төсөвт суулгахыг тайлангийн тусгай хэсэгт  зөвлөжээ.

Нийслэлийн боловсролын газрын 85 жилийн ойг угтсан бүтээлч ажлын хүрээнд “Сургуулийн өмнөх боловсролын сургалтын цөм хөтөлбөр”-ийг хэрэгжүүлэх сургалтын хэрэглэгдэхүүн, сайн технологи шалгаруулах 1 дүгээр шатны үйл ажиллагаа зохион байгуулагдаж, Төрийн өмчийн 26, төрийн бус өмчийн 3 цэцэрлэгийн 178 багш хамрагдсанаас  15 багшийн бүтээлийг “Сайн технологи, хэрэглэгдэхүүн”-ээр шалгаруулан батламж олгохоор болжээ.

Энэхүү ажлыг гол зорилго нь цэцэрлэг, багш бүр сургуулийн өмнөх боловсролын сургалтын цөм хөтөлбөрийг хэрэгжүүлэх, үйл ажиллагааг чанартай зохион байгуулах бэлтгэл ажил хангах, багшид арга зүйн дэмжлэг үзүүлэхэд оршиж байгаа юм.

Үүнтэй уялдуулан Хан-Уул дүүргийн төрийн өмчийн 27 цэцэрлэгийн эрхлэгч нар 2015-2016 оны хичээлийн жилд хийсэн ажлын тайлангаа тавьж харилцан туршлага солилцох ажлыг өнөөдөр зохион байгуулж байна.

Хан-Уул дүүргийн Нэгдсэн эмнэлэг эмч, сувилагч, тусгай мэргэжилтний  хууль эрх зүйн мэдлэгийг дээшлүүлэх танин мэдэхүйн “АХА” тэмцээнийг зохион байгууллаа. Тэмцээнд нийт 62 эмч, эмнэлгийн мэргэжилтнүүд хамрагдлаа. Тус тэмцээний үеэр

1-р байр: Оношлогоо үйлчилгээний тасгийн эм найруулагч Б. Жаргал

2-р байр: Насанд хүрэгчдийн тасгийн сувилагч О. Ууганчимэг

3-р байр: Яаралтай тусламж, эрчимт эмчилгээний тасгийн сувилагч Л. Оюунбилэг нар тус тус шалгарч  урамшуулагдлаа.

Татвар төлөгчдийн өдрүүдийн хүрээнд  ХУД-ийн Ерөнхий боловсролын сургуулиудын дунд зохиогдсон “Татвар төлөгч таньд баярлалаа” сэдэвт гар зургийн уралдаан амжилттай явагдаж өндөрлөлөө.

“Татвар төлөгч танд баярлалаа” сэдэвт гар зургийн уралдаанд шалгарсан зургууд

I байр эзэлсэн ХУД –ийн 18-р сургуулийн 11г ангийн сурагч М.Солонго

II байр эзэлсэн ХУД –ийн 18-р сургуулийн 4в ангийн сурагч Б.Эгшиглэн

III байр эзэлсэн ХУД –ийн 18-р сургуулийн 10в ангийн сурагч Д.Гэрэлсүрэн

“Татвар төлөгч танд баярлалаа” сэдэвт зохион бичлэгийн уралдаанд шалгарсан зохион бичлэгүүд :

I байр эзэлсэн ХУД –ийн Гадаад хэлний сургалттай Улсын тэргүүний 18-р сургуулийн 6в ангийн сурагч О.Номин

II байр эзэлсэн “Аварга” ахлах сургуулийн 11-В ангийн сурагч М. Сумъяабазар

III байр эзэлсэн “Аварга” ахлах сургууль 11-в ангийн сурагч М.Цогт-Эрдэнэ

УИХ-ын гишүүн, МАХН-ын гишүүн Ч.Улаан, Д.Тэрбишдагва нар намаасаа гарах болсон талаараа Төрийн ордонд хэвлэлийн бага хурал хийж байна.

Ч.Улаан “Сонгуулиа шударгаар хөрөнгө мөнгөний асуудал оролгүйгээр сонгууль зохион байгуулахыг хүсч байгаа. Үүнтэй холбоотойгоор Шударга ёс эвслээс хуулийн төсөл өргөн барьж байсан. Түүнчлэн Цэцийн дүгнэлтийг хүлээн авсантай холбоотойгоор УИХ хуулинд өөрчлөлт орох талаар хэлэлцэж байна.

Намын нэрийг дугуйлах биш, намаас дэвшиж буй хүний нэрийг дугуйлах боломж байна гэж бид үзэж байна. Сонгуулийн системд ямар ч байсан өөрчлөлт орох, нам биш хүнээ сонгох системд орох нь ойлгомжтой боллоо. Тиймээс намууд нэгдэж, сонгогчдынхоо саналыг алдахгүй байх зам руу явж байна.” гэв.

Мөн Д.Тэрбишдагва гишүүн бид хоёр МАХН-аас гарах өргөдлөө намын даргадаа өгч байгаа гэдгээ мэдэгдлээ.

 “EXIM” банк Монголд төмөр зам болон дэд бүтцийн төслүүдэд зориулсан зээлийн шугамаа 1 тэрбум доллартай тэнцэхүйц хэмжээнд хүргэж нэмэгдүүлсэн нь “EXIM”  банкны бусад улсад өгч буй зээлийн хоёр дахь том шугам юм гэж өнөөдөр тус банкнаас гаргасан мэдэгдэлд дурдсан байна. Зээл олгох тухай гэрээнд дөрөвдүгээр сарын 28-нд гарын гарын үсэг зурсан бөгөөд энэ удаагийн зээлийн шугамыг оролцуулбал “EXIM” банкнаас Монголд өгөх зээлийн шугамаа  2 болгон нэмэгдүүлж нийтдээ 1.02 тэрбум доллартай тэнцэхүйц хэмжээнд хүрээд байна. Өмнө нь буюу 2011 оны долдугаар сард 20 сая долларын эхний зээлийн шугамыг нээж, Монгол дахь Энэтхэг-Монголын хамтарсан мэдээллийн технологи, аутсорсингийн төвийг байгуулах ажлыг санхүүжүүлэхэд зарцуулжээ. Уг зээлийн шугамыг оруулаад “EXIM”  банк нь Африк, Ази, Латин Америк, Номхон далайн орнууд болон Тусгаар улсуудын хамтын нөхөрлөлийн гэх зэрэг 63 оронд нийт 204 зээлийн шугам нээсэн бөгөөд Энэтхэгийн экспортыг санхүүжүүлэх зорилготой уг зээлийн нийт хэмжээ нь 15.28 тэрбум  доллараас давсан байна.

УИХ-ын гишүүн Д.Тэрбишдагва, Ч.Улаан нар өнөөдөр Төрийн ордонд 12 цагаас цаг үеийн асуудлаар хэвлэлийн хурал хийнэ хэмээн цахим хуудаснаа бичжээ. Тэдний зүгээс нам болон эвслээсээ гарч магадгүй гэсэн шум сүүлийн өдрүүдээр хэвлэлүүдээр гарах болсон. Хэрэв олны дунд тархсан яриа үнэн болж тэд бүлгээсээ намаасаа гарах нь үнэн бол  “Шударга ёс” эвсэл УИХ-д бүлэггүй болох юм.

Хэрэв эвслийн бүлэг тарвал  саяхан бүлгийн дарга болсон УИХ-ын гишүүн О.Баасанхүү хамгийн богино хугацаанд бүлгийн даргаар ажилласан эрхэм болох нь .

Германы Бавари мужийн парламент сургуулийн сургалтын хөтөлбөрт Адольф Гитлерийн “Миний тэмцэл” (Mein Kampf) номыг оруулах талаар сонсгол зохион байгуулжээ.

Уулзалтын үеэр депутатууд бүх хөтөлбөрт орчин үеийн түүхчдийн “Mein Kampf”-аас хийсэн товчлолуудыг оруулах эсэх, хэрвээ тийм бол энэ талаар багш нар хэрхэн ярих нь зүйтэй тухай хэлэлцжээ .Дэмжигчид түүхэн үйл явцын чухал хэсгийг “дархлаажуулах”, Үндэсний социалист үзэл санаа нь залуучуудад хэрэгцээтэй эсэхийг ойлгуулах нь чухал ач холбогдолтой хэмээн уг номыг сургалтын хөтөлбөрт оруулах хэрэгтэй гэжээ.

Еврейн нийгэмлэгийн төлөөлөгчид ном нь ямар ч ашигтай мэдлэг агуулаагүй гэдгээс гадна уг номыг үзэн ядаж байгаа аж.

“Mein Kampf”-ийн зохиогчийн эрх 70 жил Баварийн холбооны улсад харьяалагдаж ирсэн бөгөөд хэвлэн нийтлэх, зарах нь хориотой байсан боловч 2016 оны нэгдүгээр сард уг өмчлөх эрх дуусгавар болсны дараа тайлбартай номыг номын дэлгүүрүүдэд худалдах болсон ба нэн даруй /бестселлер/ шилдэг борлуулалттай болжээ.

Баваричууд олноороо Гитлерийн буруу санаархлыг уншигчдад итгүүлэхгүйн тулд болгоомжтой байх ёстой, түүний баруун жигүүрийн үзэл суртал залуусын сонирхлыг төрүүлэх байх гэж айж байгаа аж.

Оффшорын компаниудтай холбоотой гэдгээ санаатайгаар нуусан хэмээн сэжиглэгдэж буй Ерөнхийлөгч Макритай холбоотой дуулианд мөрдөн шалгалт явуулахыг шүүгч Себастиан Касанельо шүүхээс хүсчээ. “Панамын файлууд” гэх шуугиан тарьсан баримт бичигт дурдсаныг үзвэл, Аргентины Ерөнхийлөгч Маурсио Макри нь Панамд бүртгэлтэй “Kagemusha SA” гэдэг компанийн захирлын алба хашдаг байна. Түүнээс гадна, өөрийн эцэг Франко Макригийн 1998 онд Багамын арлуудад байгуулсан Fleg Tranding Ltd компанийн захирал аж. Харин Ерөнхийлөгч Макри хууль зөрчсөн гэх дээрх үг яриаг эрс няцааж, өөртэй нь холбоотой татварын тайлан болон бусад бүх баримтуудыг шалгах хүсэлтийг шүүхэд гаргасан тухай мэдээг “Насьон” сонин даваа гарагийн дугаартаа нийтэлсэн байна.