Галт зэвсэг сум хэрэгслэлийн  хууль бус худалдаа манай  улсад ил далдаар явагдсаар  байгаа тухай  албаны хүмүүс анхааруулж энэ асуудалд тодорхой үе шаттайгаар хяналт шалгалт хийж ирсэн.

Эрүүгийн цагдаагийн газрын зохион байгуулалттай гэмт хэрэгтэй тэмцэх хэлтсээс БЗД-ийн 15-р хорооний 13-р хороолол орчим, мөн дүүргийн 14 дүгээр хороо “Нарантуул” ОУХТөвд тодорхой шалгалтын ажиллагаа явуулж хууль бусаар байлдааны болон ангийн зориулалттай галт зэвсгийн сум, хэрэгсэлийг их хэмжээгээр зарж борлуулдаг бүлэг этгээдүүдийг илрүүлэн шалгаж байна. Сэжигтэй этгээдүүдийн нэг хэсгийг өөрсдийн автомашиндаа галт зэвсгийн сум хэрэгслийг зөөж байх үйлдэл дээр нь саатуулсан бол бусад этгээдүүдийг Нарантуул ОУХТ- дээрээс саатуулсан байна.”Нарантуул” ОУХТ Өргөтгөлийн хэсгийн чингэлгүүдэд явуулсан үзлэг шалгалтаар байлдааны зориулалттай АКМ, Винтов, ТТ, ангийн зориулалттай калибрь, дровинк, ремингтон маркийн буунуудын сумнууд нийт 55 мянга гаруй ширхэг хадгалагдаж байсныг эд мөрийн баримтаар түр хураан авч, устгалд оруулахаар болсон байна.

Дээрх ажиллагааний үр дүнд ангийн болон байлдааны галт зэвсгийн нийт 55 мянга орчим ширхэг сум хууль бусаар хадгалсан, бусдад зарч борлуулсан үйлдэлд нэр бүхий иргэдэд холбогдуулан ЭХ-ийн 185-р зүйлийн 185.2-т заасанаар тус хэлтэст эрүүгийн хэрэг үүсгэн Урьдчилан хорих 461-р ангид сэжигтэнээр саатуулан шалгалтын ажиллагааг явуулж байна.

Энэ улирлын плэй-оффын 2-р шатны 8 дахь багаар Нэшвилл Предаторс баг шалгарлаа. Ингэснээр плэй-оффын 1-р шатанд цувралын эхний тоглолтонд хожил байгуулсан багууд дараагийн шатанд шалгарч байна. Нэшвилл Предаторс болон Анахайм Дакс багуудын цувралын 7 дахь тоглолт Анахайм Дакс багийн “Honda Center” ордонд болж зочин баг 2-1 харьцаагаар хожсон. Ингэснээр Нэшвилл Предаторс баг багийнхаа түүхэнд 3 дахь удаагаа плэй-оффын 2-р шатанд шалгарлаа.

Тоглолт эхлээд 7 дахь минутанд Нэшвилл Предаторс багийн К.Вилсон тооны харьцааг нээсэн бол 16 дахь минутанд мөн зочин багаас П.Густэд нэг гоол оруулсан. Ингээд 1-р үе өндөрлөхөд зочин баг Нэшвилл Предаторс баг тоглолтыг тэргүүлж эхэлсэн. 2-р үед гоол ороогүй бөгөөд шийдвэрлэх 3-р үед Анахайм Дакс багийн дэд ахлагч Р.Кеслер хүний илүү буюу power play тоглолтоос нэг гоол оруулсан. Тоглолтонд үүнээс өөр гоол ороогүй бөгөөд ийнхүү Нэшвилл Предаторс баг плэй-оффын 2-р шатанд шалгарлаа. Тэд бүсийн хагас шигшээд Лос-Анжелес Кингс багийг буулгаж авсан Сан Хосе Шаркстай тоглоно.

Сонгуульд нэр дэвшигчид хөрөнгө, орлогын мэдүүлгээ АТГ-т мэдүүлдэг хуультай. Энэ асуудлаар АТГ-ын Мэдүүлгийн бүрдүүлэлт, дүн шинжилгээний албаны дарга, ахлах комиссар Ц.Цэцэгдэлгэрэхтэй ярилцав.

-Сонгуульд нэр дэвшигч хөрөнгө, орлогын мэдүүлгээ гаргах үүргийг хуульд хэрхэн заасан бэ?

-Авлигын эсрэг хууль, ашиг сонирхлын зөрчлийн хууль тогтоомжид хуулийн үйлчлэлд хамрагдах субъектийг тодорхой зааж өгсөн. Бүх шатны сонгуульд нэр дэвшигч хуулийн үйлчлэлд хамрагдаж байгаа. Тэгэхээр УИХ-ын болон аймаг, нийслэлийн ИТХ-ын, мөн сум, дүүргийн ИТХ-ын сонгуульд нэр дэвшигчид хөрөнгө, орлогын мэдүүлгээ гаргах үүрэгтэй.

-Нэр дэвшигчид хөрөнгө, орлогын мэдүүлгээ АТГ-т гаргаж өгөх үү?

-Тухайн сонгуульд нэр дэвшигч нь холбогдох хууль тогтоомжид заасны дагуу нэр дэвшигчээр бүртгүүлэхдээ өөрийн намтар, өр төлбөргүй буюу ял шийтгэлгүй талаарх тодорхойлолт, хөрөнгө, орлогын мэдүүлэг болон бусад шаардлагатай баримт бичгүүдийг бүрдүүлж харьяалах сонгуулийн тойргийн болон хэсгийн хороодод бүртгүүлдэг. Жишээ нь УИХ-ын сонгуульд нэр дэвшигч нь сонгуулийн тойргийн хороонд, бүх шатны ИТХ-ын сонгуульд нэр дэвшигч нь тухайн аймаг, нийслэл, сум, дүүргийн сонгуулийн хороонд хүсэлтээ гаргаж бүртгүүлнэ.

Мөн Авлигын эсрэг хуулийн 11 дүгээр зүйлийн 11.4 дэх хэсэгт зааснаар Сонгуулийн ерөнхий хороо нь сонгуулийн нэгдсэн дүн гарсны дараа буюу тухайн сонгуульд сонгогдогчийн хөрөнгө, орлогын мэдүүлгийг санал хураалт дууссанаас хойш 14 хоногийн дотор Авлигатай тэмцэх газарт ирүүлж, хадгалуулна.

-Сонгуулийн хугацаа ойртсоор байна. АТГ нэр дэвшигчдэд зориулж ямар ажил зохион байгуулж байгаа вэ?

-Хуулийг хэрэгжүүлэх ажлын хүрээнд УИХ-ын болон аймаг, нийслэлийн ИТХ-ын 2016 оны ээлжит сонгуульд нэр дэвшигчдийн хөрөнгө, орлогын мэдүүлгийг бүртгэх, хүлээн авах үйл ажиллагаатай холбогдуулан Авлигатай тэмцэх газраас Сонгуулийн ерөнхий хороотой хамтран нэр дэвшигчдэд зориулсан хөрөнгө, орлогын мэдүүлэг гаргахад анхаарах асуудлын талаар гарын авлага, зөвлөмж гаргахаар ажиллаж байна.

-Нэр дэвшигчид хөрөнгө, орлогын мэдүүлгээ гаргаж өгөх зохицуулалттай юм байж. Харин бусад төрийн албан хаагчид шиг хувийн ашиг сонирхлоо мэдүүлэх үү?

-Үгүй. Сонгуульд нэр дэвшигчдийн хувьд УИХ-ын Хууль зүйн байнгын хорооноос баталсан маягтын хүрээнд зөвхөн “хөрөнгө, орлогын мэдүүлэг”-ээ мэдүүлэх үүрэг хүлээсэн.

-Сонгуульд нэр дэвшигч нь хөрөнгө, орлогын мэдүүлгээ худал мэдүүлсэн тохиолдолд АТГ-аас хянан шалгах уу?

-Дээр дурдсанаар сонгуульд нэр дэвшигч нь Авлигын эсрэг хуулийн үйлчлэлд хамрагдаж байгаа. Хуулийн үйлчлэлд хамрагдах албан тушаалтнуудын хөрөнгө, орлогын мэдүүлгийг хянан шалгах хэд хэдэн үндэслэл байдаг. Тэгэхээр сонгуульд нэр дэвшигчтэй холбоотой асуудлаар, эсвэл түүний хөрөнгө, орлогын мэдүүлгийг шалгуулахаар тус газарт гомдол, мэдээлэл ирсэн тохиолдолд хуульд заасан чиг үүргийн дагуу тухайн нэр дэвшигчийн мэдүүлгийг шалгах үндэслэлтэй. Тиймээс нэр дэвшигч нь хөрөнгө, орлогын мэдүүлгээ гаргахдаа өөрийн болон гэр бүлийн гишүүдийн нэр дээрх орлого, хөдлөх болон үл хөдлөх хөрөнгө зэрэг маягтад дурдсан орлого, хөрөнгийг үнэн зөв мэдүүлэх шаардлагатай юм.

-АТГ-аас мэдүүлгийн бүрдүүлэлт, хяналт шалгалтын чиглэлээр цаашид юунд анхаарч ажиллах вэ?

-Мэдүүлгийг цахим хэлбэрээр авч эхэлсэнтэй холбоотойгоор цаашид мэдүүлгийг хууль тогтоомжийн хүрээнд бүрэн цахим хэлбэрээр авч, цаасан мэдүүлгээс бүрэн татгалзахаар ажиллаж байна. Авлигын эрсдлийн судалгаа болон бусад нөхцөл байдлыг үндэслэн УИХ-ын Хууль зүйн байнгын хорооны тогтоолоор мэдүүлэг гаргах албан тушаалтны тоо буурсан байгаа. Энэ нь авлигад өртөх эрсдэл багатай төрийн албан хаагчдыг мэдүүлэг гаргагчийн жагсаалтаас хассан гэсэн үг. Өмнөхөөс 12 мянга орчим албан тушаалтан мэдүүлэг гаргах шаардлагагүй болсон. Ингэснээр авлига, ашиг сонирхлын зөрчлийн тухай хууль тогтоомжийн хэрэгжилтийг хангах, мэдүүлгийн бүрдүүлэлтийн хяналт шалгалтын үр нөлөөг дээшлүүлэхэд чиглэсэн үр дүнтэй ажил болсон гэж үзэж байгаа. Харин цаашид мэдүүлгийн бүрдүүлэлтийн ажлын хүрээнд хууль тогтоомжийг улам боловсронгуй болгох, цахим мэдээллийн сангаа сайжруулахаар ажиллаж байна.

Албан тушаалтнуудын хувийн ашиг сонирхлын мэдүүлэг болон хөрөнгө, орлогын мэдүүлгийг цахимаар гаргуулж авдаг болсон нь Авлигатай тэмцэх газрын ажлыг хөнгөвчлөх гэхээсээ илүүтэй төрийн албан хаагчид мэдүүлгээ интернэт орчин бүхий газарт хаанаас ч мэдүүлж болох бөгөөд улсын хэмжээнд нэгдсэн сан бүрдүүлэх, мэдүүлгийн хяналт шалгалтын ажлыг хуулийн хугацаанд шуурхай зохион байгуулах, хөрөнгө, орлогын мэдүүлэгт олон талын судалгаа, дүн шинжилгээ хийх зэрэг ач холбогдолтой болж байгаа. Мөн орон нутгийн түвшинд удирдах албан тушаалтнуудын болон мэдүүлэг гаргагчдын хүрээнд холбогдох сургалт сурталчилгаа, хяналт шалгалтын үйл ажиллагааны чиглэлээр холбогдох ажлыг зохион байгуулан ажиллаж байна.

эх сурвалж l1acc.mn

М.Энхсайхан сайдаар удирдуулсан МҮАН энэ удаагийн сонгуульд оролцохгүй гэдгээ албан ёсоор мэдэгдлээ. Энэ талаар М.Энхсайхан дарга өөрийн твиттер хуудастаа “МҮАН удирдах зөвлөл сонгуульд оролцохгүй, АН-ыг дэмжих шийдвэр гаргав” хэмээн бичсэн юм.

Тэд өнгөрсөн сонгуульд МАХН-тай эвсэж “Шударга ёс эвсэл” нэрийн дор оролцож чамгүй амжилт гаргасан. Харин энэ удаад тэд сонгуулийн хуульд өөрчлөлт оруулж буйтай холбоотойгоор болон АН-ын саналыг хуваахгүй гэсэндээ сонгуульд оролцохоос татгалзсан байна. 2016 оны УИХ-ын сонгуульд 14 улс төрийн нам, 79 бие даагчид өрсөлдөхөөр бүртгүүлсэн гэсэн албаны мэдээлэл бий.

ХУД-ийн 10 дугаар хороо Морингийн 2, 3 дугаар хэсгийн  “Хөршийн холбооны  хяналт”  иргэдийн бүлгийн ээлжит уулзалтыг зохион байгууллаа. Уулзалтаар хөршийн холбооны хөтөч дэвтэр амжилттай хөтлөгдөж байгаа, айл өрхийн хөршийн холбоо уялдаа холбоо сайжирсан зэрэг ололтуудын талуудаар ярилцлага хийлээ. Мөн гэмт хэргээс урьдчилан сэргийлэх талаар хэлэлцүүлэг өрнүүлсэн юм.

Хан-Уул дүүрэг бүрэн хаягжуулалттай болно. Тиймийн тулд “Хаягжуулалтынтухай” хууль, Засгын газрын 2013 оны “Журам батлах тухай” 280 дугаар тогтоол,мэргэжил арга зүйн зөвлөгөөгөөр хангах, стандартыг тайлбарлан таниулахсургалтыг ИТХ-ын дарга, дүүргийн болон хороодын Засаг дарга нар, авто зам хариуцсан мэргэжилтнүүд, онцгой байдлын асуудал хариуцсан хэлтсийн дарга,холбогдох мэргэжилтнүүдэд өнөөдөр Газрын харилцаа, геодези, зураг зүйн газраас сургалт зохион байгууллаа.

Монгол Улсын нутаг дэвсгэрт ашиглаж байгаа хаягийн систем нь хотжилт эрчимтэй явагдаж, суурьшлын бүс түргэн тэлж байгаа болон засаг захиргааны нэгж,газар ашиглалтын өөрчлөлтүүд ихэссэнтэй холбоотойгоор зохион байгуулалтгүй болсон ба нэг нэгж нь дотроо дахин олон нэгж болж хуваагддаг нь байршил тодорхойлоход зохих хүндрэл учруулдаг байсны улмаас түргэн, цагдаа, онцгой байдлын үед шуурхай арга хэмжээ авахад хүндрэл гарах нь нэгэнт түгээмэл үзэгдэл болсон.

Хаягийн мэдээлэл нь аливаа үндэстний чухал актив гэж тооцогддог бөгөөд шуудан, илгээмж хүргэх, навигаци гэх мэт байршилд суурилсан бизнесийн хөгжлийг түргэсгэдэг. Тийм ч учраас нийслэлийн өнгө төрх, үүд хаалга болсон Хан-Уул дүүргийг бүрэн хаягжуулахад илүүтэй анхаарч ажиллахаар болж байгаа юм.

Хаягжуулалт хийхэд тухайн гудамжны байршил урдаасаа хойшоо чиглэлтэй бол урд талаас нь гудамжны эхлэлийг тогтооно. Төв суурин газрын хувьд гудамж хөндлөн байршилтай бол төвөөсөө гадагш чиглэх гэсэн ерөнхий зарчимаа мөрдлөг болгож гудамжны эхлэлийг тогтооно. Гудамжны байршил тойргийн хэлбэртэй болбаруун талаас нь гудамжны  эхлэлийг тогтоож, цагийн зүүний дагуу дугаарлах аж.

Гудамжны нүүрэн талд байршилтай байшин, барилгыг гудамжны эхлэлээс дэс дараалан гудамжны баруун гар талд байршилтай байшин, барилгыг тэгш тоогоор,зүүн гар талд байршилтайг сондгой тоогоор дугаарлана. Хаяглахад төвөгтэй хэсэгт байрлалтай хашааны хаалга, байшин барилга, байгууламжийг баруун талаас нь хаягийн эхлэлийг тогтоож, цагийн зүүний дагуу дугаарлана. Гудамжны нүүрэн талдаа бус байршилтай байшин, барилгыг орц буюу хаалга нь харсан гудамжны нэр, дугаарыг авч, ойролцоох байшингийн  дугаараас дэс дараалан дугаарлан цэгцлэх юм байна.

ХУД-ийн 10 дугаар хороо “Дэлхийн Зөн” олон улсын байгууллагатай хамтран “ЭРҮҮЛ ХООЛЛОЛТ” өдөрлөгийг зохион байгуулав. Өдөрлөгийн хүрээнд иргэдэд эрүүл, олон төрлийн ашигтай амин дэм агуулсан хүнсний бүтээгдэхүүнээр хэрхэн зөв хоол хийх талаар мэдлэг туршлагаа хуваалцав. Түүнчлэн өдөрлөгт ХУД-ийн 9,16 дугаар хорооны иргэд оролцсон байна.

Монгол Улсын Засгийн газар, МҮХАҮТанхим хамтран 2001 оноос жил бүр Монгол улсын нийгэм, эдийн засаг, бизнесийн хөгжилд жинтэй хувь нэмэр оруулж буй баялаг бүтээгч аж ахуйн нэгжүүдийг шалгаруулдаг билээ. Энэ жилийн шалгаруулалт Төрийн ордны Ёслол хүндэтгэлийн өргөө цогцолборт 4-р сарын 27-нд болж АПУ компани 2015 оны “ТОП-100 АЖ АХУЙ НЭГЖ”-ийн шилдэг аравт шалгарч зургадугаарт эрэмбэлэгдлээ.

ТОП-100 аж ахуйн нэгжийг тодруулахдаа Сангийн яам, Татварын ерөнхий газар, Гаалийн ерөнхий газар, Нийгмийн даатгалын ерөнхий газар, Статистикийн ерөнхий газар  хамтарсан ажлын хэсэг байгуулан аж ахуй нэгжийн улсын төсөвт төвлөрүүлсэн нийт татвар, борлуулалт, ажилчдын тоо, санхүүгийн үзүүлэлт зэргийг харгалзан дүгнэжээ.

AПУ компани 2015 онд 893 ажилтан, ажиллагсадтайгаар улсад 124 тэрбум төгрөгийн татвар төлж, сүүлийн 5 жилийн хугацаанд 600 гаруй тэрбум төгрөгийн татвар төлөөд байгаа юм. Мөн үйлдвэрлэл, үйл ажиллагаа, борлуулалтын сүлжээндээ 7000 гаруй хүнийг ажлын байраар хангаж, 2015 онд хувьцаа эзэмшигчиддээ 5 тэрбумийн ноогдол ашиг тараасан.

АПУ компанийн үйл ажиллагааны бодлого нь компанийн засаглалыг бэхжүүлэх, хүнээ хөгжүүлэх, олон улсын шилдэг технологийг нутагшуулах, ноу-хауг нэвтрүүлэхэд чиглэгддэг. Түүнчлэн компанийн нийгмийн хариуцлагын хүрээнд хийж хэрэгжүүлсэн ажлууд хүний хөгжлийг дэмжих, өв соёлоо хайрлан хамгаалах, түгээн дэлгэрүүлэх бодлогын хүрээнд бодит үр дүнгээ өгсөөр байна.

Зүрх судасны эмгэг, тэр дундаа зүрхний цочмог шигдээс, зүрхний архаг  дутагдлын үеийн  цогц тусламж үйлчилгээний чухал хэсэг нь сувилахуйн тусламж үйлчилгээ байдаг. Зүрх судасны эмгэг нь  сүүлийн 20 жилд хүн амын насбаралтын  тэргүүлэх шалтгааны нэгдүгээрт 2013 оны байдлаар нийт насбаралтын 35,1  хувь буюу Монгол Улсын хүн амын 3 хүн тутмын нэг нь зүрх судасны тогтолцооны  өвчний шалтгаантай  насбаралт байгаа нь  манай улсын  эрүүл мэндийн салбарын өмнө анхаарал татсан асуудлын нэг болоод байгаа юм. Тиймээс Улсын Гуравдугаар Төв эмнэлгээс хоёр дахь жилдээ “Зүрхний эмгэгийн үеийн сувилахуйн тусламж үйлчилгээний цогц шийдэл” үндэсний сургалтыг  энэ өдрүүдэд Улаанбаатар хотноо зохион байгуулж байна.

Энэхүү сургалтын гол зорилго нь зүрх судасны эмгэг ялангуяа зүрхний цочмог шигдээс, зүрхний архаг дутагдлын үеийн сувилахуйн тусламж  үйлчилгээнд  нэвтэрч буй орчин үеийн ололт амжилттай танилцаж харилцан туршлага солилцох, үйлчилгээний чанар хүртээмжийг сайжруулахд  өнөөдрийн тулгамдаж буй  асуудлаа хэлэлцэх  сувилахуйн ур чадварыг  дээшлүүлэх зорилгоор зохион байгуулагдаж байна.

Үндэсний сургалтанд ЭМСЯ-ны Төрийн нарийн бичгийн дарга С.Ламбаа, ДЭМБ-ын Монгол дахь Суурин төлөөлөгч Су Нюнт У, Улсын Гуравдугаар төв эмнэлгийн дарга Ц.Төмөр-Очир  болон нийт 160 гаруй төлөөлөгчид оролцлоо.

Сургалт хоёр өдөр үргэлжлэх бөгөөд сувилагч, мэргэжилтнүүд өөрсдийн хийсэн  эрдэм шинжилгээний бүтээлээ  хэлэлцүүлж  хамтран туршлага солилцож  Улсын Гуравдугаар төв эмнэлгийн Зүрхний  шигдээсийн тасаг, Эрчимт эмчилгээ Яаралтай тусламж, сэргээн засах тасгуудад зүрх судасны өвчний үеийн  сувилахуйн цогц шийдэл  дадлага сургалт хийж  сургалтын дараа хамтарсан зөвлөмжийг гаргах аж

“Рио-2016” олимпийн эрх олгох хүндийн өргөлтийн насанд хүрэгчдийн Ази тивийн аварга шалгаруулах тэмцээн Ташкент хотноо болж байгаа бөгөөд манай улсаас эрэгтэй, эмэгтэй бүтэн багаараа оролцож байна.

Эмэгтэйчүүдийн 63 кг-д өрсөлдсөн Б.Анужин VIII байр эзэллээ. Тэрбээр огцомоор 86 кг, түлхэлтээр 108 кг, нийлбэрээр 194 кг-ыг өргөв. Түүний жинд нийт 16 тамирчин өрсөлдөж манай тамирчин “В” ангилалд тэргүүлжээ. Мөн эрэгтэйчүүдийн 75 кг-д Ч.Очирхуяг ХVII байр эзлэв. Манай тамирчдын хувьд гол жингийн өрсөлдөөн өнөөдрөөс эхлэх бөгөөд эмэгтэйчүүдийн 75 кг-д ОУХМ М.Анхцэцэг, ОУХМ Б.Энхтамир, +75 кг-д ОУХМ Э.Билэгсайхан нар өрсөлдөж байгаа юм.

Ази тивийн аваргаас олимпийн эрхийг багийн дүнгээр нь олгоно. Тухайлбал, тэмцээний сүүлийн өдөр эрэгтэй, эмэгтэй багийн дүн гарч “Рио-2016” олимпийн наадмыг зорих баг тамирчид тодрох юм.