Монгол хүн сансарт ниссэний 35 жилийн ой, хүн анх сансарт ниссэний 55 жилийн ойн баярыг тохиолдуулан Ю.А. Гагарины цээж барималын нээлт болно. Уг бүтээлийн нээлтийн ажиллагаа зургаадугаар сарын 01-нд ШУА-ийн Хубилай хааны нэрэмжит Одон орон, геофизикийн хүрээлэнгийн Сансар, од эрхсийн ордонд болох юм байна.

Хөшөөний нээлтэнд ОХУ-ын Элчин сайд, ноён Азизов Искандер Кубарович, БНУУ-ын Элчин сайд, ноён Мадари Акош, Хүндэт зочид ЗХУ-ын 2 удаагийн баатар, ЗХУ-ын төрийн шагналт ОХУ-ын Сансрын нисэгч А.Леонов, ЗХУ-ын 2 удаагийн баатар, Монгол улсын баатар, ОХУ-ын Сансрын нисэгч В.А.Джанибеков, ЗХУ-ын баатар, БНУУ-ын баатар, Сансрын нисэгч Берталан Фаркаш нар болон ЮНЕСКО-гийн төлөөлөгчид уригдан оролцох юм.

Үйл ажиллагааны талаар ЗХУ, Монгол улсын Баатар, Сансрын нисэгч Ж.Гүррагчаа, ЗХУ-ын 2 удаагийн баатар, ЗХУ-ын төрийн шагналт ОХУ-ын Сансрын нисэгч А.Леонов, ЗХУ-ын 2 удаагийн баатар, Монгол улсын баатар ОХУ-ын Сансрын нисэгч В.А.Джанибеков, ЗХУ-ын баатар, БНУУ-ын баатар, Сансрын нисэгч Берталан Фаркаш, Монгол улсын Хөдөлмөрийн баатар, Шинжлэх ухааны гавьяат зүтгэлтэн, Сансрын нисэгч М.Ганзориг, ШУА-ийн Одон орон, геофизикийн хүрээлэнгийн захирал С.Дэмбэрэл нар мэдээлэл өгөх аж.

Дашрамд сонирхуулахад, 2009 оноос үйл ажиллагаагаа явуулж эхэлсэн Монгол–Оросын “Билгийн-Үүдэн” ерөнхий боловсролын сургууль 2012 онд Ю.А.Гагарины нэрэмжит болжээ.

Хятадын тэнгисийн цэргийн цөмийн зэвсэгтэй шумбагч хөлгөө Номхон далайд байршуулах төлөвлөгөөтэй байна. “Guardian” сонинд мэдээлснээр энэ нь АНУ пуужингийн довтолгооноос эсэргүүцэн хамгаалах системийг Өмнөд Солонгост байршуулахаар төлөвлөсний хариу арга хэмжээ гэнэ. АНУ-ын пуужингаас хамгаалах систем Өмнөд Солонгост байрших нь Хятадын аюулгүй байдал болон бүс нутгийн тогтвортой байдалд заналхийлэл болохыг Бээжин удаа дараа мэдэгдсэн юм.

Хятадын шумбагч Номхон далайд байрших мэдээлэл АНУ-ын ерөнхийлөгч Барак Обама Ханойд айлчилж Вьетнамын эсрэг зэвсгийн хоригийг бүрэн цуцалсны дараа гарчээ. Олон жил үргэлжилсэн зэвсгийн хориг цуцлагдсанаар АНУ Вьетнамд цэргийн технологио худалдах боломж нээгдэж байгаа юм.

Эрүүл мэндийн яаралтай тусламж үйлчилгээг сайжруулах зорилгоор нийслэлийн Засаг даргын нөөц хөрөнгөөс түргэн тусламжийн 10 машиныг худалдан авах тухай Нийслэлийн Засаг даргын захирамж гарлаа.

Өнөөдрийн байдлаар нийслэлийн хэмжээнд эрүүл мэндийн яаралтай түргэн тусламжийн үйлчилгээнд 70 машин явж байгаа бөгөөд олон улсын стандартаар 8-10 мянган хүн тутамд нэг дуудлагын машин байх ёстой юм. Энэ стандартаар нийслэлийн хэмжээнд яаралтай түргэн тусламжийн үйлчилгээнд 130 машин байвал эрүүл мэндийн түргэн тусламжийн үйлчилгээ сайжрах боломжтой юм байна.  Тиймээс нийслэлийн иргэдэд үзүүлэх эрүүл мэндийн түргэн тусламжийн үйлчилгээг сайжруулах зорилгоор түргэн тусламжийн үйлчилгээнд явах иж бүрэн тоноглогдсон 10 машиныг   санхүүгийн болон техникийн  чадавх болон бусад нөхцөл, шаардлагыг хамгийн сайн хангасан гүйцэтгэгчийг шууд гэрээ байгуулах замаар сонгон шалгаруулан нэг тэрбум гучин сая төгрөгөөр худалдан авахаар боллоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Засгийн газрын ээлжит хуралдаан өнөөдөр 16.00 цагт товлогджээ. Хуралдаанаар нийт 17 асуудал хэлэлцэж, гурван асуудлаар мэдээлэл сонсох юм байна.

Хэлэлцэх асуудалд УИХ-ын нэр бүхий гишүүдийн өргөн мэдүүлсэн хуулийн төслүүд багтжээ. Тухайлбал, УИХ-ын гишүүн Л.Болдын санаачилсан Сонгуулийн тухай хуулийн төсөлд нэмэлт оруулах тухай төсөл гурав дахь удаагаа хэлэлцэх асуудлын жагсаалтад орж иржээ. Энэ төсөлд залуучуудын квот тогтоох тухай заалт туссан юм. Залуучуудын квотыг хуульд тусгаж өгөхгүйгээр Монголын хүн амын 60 хувийг эзэлдэг залуучуудыг төлөөлсөн төлөөлөл УИХ-д орж ирэхгүй байна гэж тэрбээр үзэж буй. Гэвч Засгийн газар өмнө нь эл хуулийн төслийг хоёр удаа хэлэлцэхээр дараалалд багтаасан байсан ч хойшлуулж байсан юм.

ХУРАЛДААНААР ХЭЛЭЛЦЭХ АСУУДАЛ:

Мэргэжлийн дугуйн Гранд Тур ангилалд багтах Жиро д’Италиа уралдаан өндөрлөх шатандаа орлоо. Өчигдөр тэмцээний 18 дахь гараа Италийн хойд нутгийн Мужогоос Пинероло хүртэлх 244 км-н уулын замд боллоо. Альпийн нурууны бүсэд болсон тус гараанд “Etixx-Quick-Step” багийн Итали дугуйчин Маттео Трентин 5 цаг 25 мин 34 сек-н амжилтаар түрүүллээ. Барианы шугам ойртоход М.Мосер болон Ж.Брамбилла нартай финиш хийж, эцсийн мөчид ялалтыг авчээ. Ингэснээр Итали дугуйчин М.Трентин өөрийн карьертаа анх удаагаа Жиро д’Италиа уралдааны гарааны ялагч болж байна. Өмнө нь тэрээр Тур де Франс уралдаанд 2013, 2014 онуудад тус бүр нэг гараанд ялагч болж байжээ.

Харин 18 дахь гарааны дараах байдлаар нийлбэр дүнгээр тэргүүлэгч С.Крёйвейк “ягаан цамц”-аа хадгалж үлдлээ. Түүний хувьд энэ гараанд тэргүүлэгчээс 13 мин 24 сек-н алдагдалтайгаар 25-р байранд орсон байна. Нидерланд дугуйчин С.Крёйвейк энэ удаагийн Жиро д’Италиа уралдаанд ганц ч гараанд түрүүлээгүй. Гэхдээ тэрээр жигд амжилттай уралдснаар 14 дэх гараанаас хойш тэргүүлэгчийн “ягаан цамц”-ыг эзэмшиж байна. Одоо тэмцээн өндөрлөхөд 3 гараа үлдсэн бөгөөд “ягаан цамц”-ны төлөөх өрсөлдөөн улам бүр ширүүн болж байна. С.Крёйвейкийн араас 3 мин-н алдагдалтайгаар “Orica-GreenEdge” багийн Колумби дугуйчин Э.Чавес, 3 мин 23 сек-н алдагдалтай “Movistar” багийн Испани дугуйчин А.Валверде нар нэхэж байна. Мөн Жиро д’Италиа уралдааны 2013 оны аварга “Astana Pro” багийн В.Нибали, “Katusha” багийн И.Закарин нарт ч боломж бий.

Хятадын хааны ордон буюу Бээжингийн Хориотой хотод кабелийн утас суурилуулахаар газар шорооны ажил хийж байсан ажилчид Юань гүрний үеийн эд өлгийн зүйл олжээ. Энэ талаар “China Daily” сонинд бичсэн байна.

Эх сурвалжид мэдээлснээр газар шорооны ажлыг Хориотой хотын баруун жигүүрт хийж байжээ. Музейн эрхлэгч Ли Цзи “Хааны ордны баруун жигүүрээс эд өлгийн зүйл олдсоны дагуу археологийн малтлага хийсэн. Малтлагын явцад Юань гүрний үед холбогдох чулуун яст мэлхийн суурь, Мин улсын үеийн шаазан илэрсэн. Энэхүү газар археологийн 3 соёлт давхаргатай бөгөөд Манжийн үеийн дурсгал ч олдож байна” гэжээ.  Эдгээр эд өлгийн зүйлсийг малтлагын дараа тусгайлан танилцуулах юм байна.

Тайланд эр Аттапорн Бунмакчуайг жорлондоо бие засаж байх үед гэнэт 00-ын суултуураас нь 3 метрийн урттай аварга могой гарч ирж, бэлэг эрхтнээс нь зуурсан байна. Залуу удаан ноцолдсоны эцэст арай хийж, цустайгаа холилдон аварга могойноос салжээ.

Залуу энэ явдлын дараа эмнэлэгт хүргэгдсэн бөгөөд эмнэлгийн орон дээрээс энэхүү халдлагын тухай ярьсан байна. Эмч нар түүнийг эдгэнэ хэмээн хэллээ. Гэсэн ч Бангкокын зүүн хэсгийн Чаченгсау мужийн угаалгын өрөөн дэх цусанд будагдсан зургууд нь түүний сорилтын нотолгоо юм. 38 настай Бунмакчуай аварга могойноос салахын тулд эхнэр болон хөршийнхөө хамтаар 30 орчим минут тэмцэлджээ. Залуугийн эхнэр нь могойг олсоор хүлэх үед залуу могойны амыг ангайлган татаж, аварга могойн хазалтаас арайхийн салсан байна.

Онцгой байдлын ажилтнууд Ази маягийн 00-ыг задлахад аварга могойн хоёр ч зулзага гарч ирсэн байна. Аварга могойг хотоос гаргаж зэрлэг байгальд орхисон гэж Тайландын хэвлэлд бичсэн байна.

Дэлхийн гайхамшиг Гизагийн пирамид, Таж Махал, Пицагийн цамхагаас ч дутахааргүй нэгэн гайхамшигтай инженерийн байгууламжийг япончууд босгосон байна. Техник, технологийн хөгжлөөрөө дэлхийд тэргүүлэгч тус улсын бурхан ухаантай инженерүүд 2014 онд хүн бүрийн сайн мэдэх галзуу хулгана шиг ер бусын авто гүүрийг барьсан нь өнөөдөр ч олныг нүдийг орой дээр нь гаргасаар байна. Архитектурын гайхамшиг гэж үнэлэгдсэн энэхүү галзуу гүүрийг Ашима Охаши гэдэг юм байна. Накауми гүүрийн хоёр эрэгт орших Мацүэ, Сакайминатог холбогч Эшима Охаши гүүрийн загвар дизайныг галзуу хулганы замаас санаа саван хийжээ. Ингэж хийх болсон нь хотын орчинд өнгө үзэмж нэмж, хүмүүсийн сонирхлыг татахаас гадна усан тээвэртэй салшгүй холбоотой юм. Дэлхийн томоохон хотуудын дундуур урсах гол мөрөн, далайн хүзүүвчийн хэсэгт барьсан гүүр түүн доогуур усан онгоц зорчиход зориулан дээш өргөгдөж, дэлгэгддэг загвартай байдаг. Харин Японы энэ гүүр бол өргөх шаардлагагүй, дундуураа овгор учир дурын усан онгоц чөлөөтэй зорчих боломжтойгоороо давуу талтай юм.

Монголын чөлөөт бөхийн эмэгтэй баг тамирчид Итали Улсын Сасари хотод болох олон улсын “Memorial Matteo Pellicone” тэмцээнд оролцохоор хүлгийн жолоо заллаа.

Маргааш эхлэх тус тэмцээнд зодоглох бөхчүүдийг танилцуулъя.

58кг-д

• Гавьяат тамирчин С.Цэрэнчимэд-“Алдар” спорт хороо
• Олон улсын хэмжээний мастер Э.Гантуяа-“Хилчин” спорт хороо, МҮИС
• П.Орхон – “Алдар” спорт хороо, ШУТИС
• Б.Шоовдор –ҮБТДС

63кг-д

• Гавьяат тамирчин С.Батцэцэг – “Хилчин” спорт хороо

69кг-д

• Гавьяат тамирчин О.Насанбурмаа –“Хүч” спорт хороо
• Олон улсын хэмжээний мастер Ш.Түмэнцэцэг – “Хилчин” спорт хороо.

Эмэгтэй шигшээ багийн ахлах дасгалжуулагч, гавьяат дасгалжуулагч Б.Батбаяр, эмэгтэй үндэсний шигшээ багийн дасгалжуулагч, гавьяат дасгалжуулагч З.Дүвчин, шүүгчээр олон улсын шүүгч Х.Чойжилжав, эмчээр Биеийн тамир, спортын хөгжлийн төвийн Спортын анагаах ухааны албаны эмч М.Саранцацралт нар томилогджээ.

Дээрх тэмцээний дараа манай бөхчүүд зургаадугаар сарын 17-19-нд Польш Улсын Спала хотод болох ХХ удаагийн “Poland Open” олон улсын тэмцээнд оролцоно.

Монгол Улсын иргэнд газар өмчлүүлэх тухай хуулийн 27.1.1.-д “Газар өмчлөгч иргэн нь бусад этгээдэд хууль буюу гэрээгээр олгогдсон эрхийг зөрчихгүйгээр хуулиар олгогдсон хэмжээ, хязгаарын дотор өмчийнхөө газрыг эзэмших, ашиглах, захиран зарцуулах эрхтэй” гэж заасан байдаг. Хан-Уул дүүргийн 12-р хорооны Дэнж, Хоршооллын гэр хороолол бүхий хэсгүүдэд Гэр хорооллын дахин төлөвлөлт, газар шинэчлэн зохион байгуулах үйл ажиллагааны талаар ойлголт өгөх уулзалт хэлэлцүүлэгийг тус хороотой хамтран зохион байгууллаа.

1933 онд охиноо орхисон эмэгтэй 80 жилийн дараа түүнтэй уулзжээ гэж “Дейли мэйл” сонинд бичсэн байна. 83 настай Дориени Хаммани 99 настай Эйлин Вагнер луу утасдаж, “Сайн байна уу, ээж ээ” гэж хэлсэн гэнэ.

Сонинд бичсэнээр, Висконсин муж улсын оршин суугч эмэгтэй 16 настайдаа хүчирхийлэлд өртөн, жирэмсэн болжээ. Вагнер охин төрүүлж, түүнийгээ айлд өгчээ. Охиноо үрчлүүлсэн тухай баримт бичгийг судалж, Вагнерийн утас шөрмөсийг интернэтээс олсон Хамманигийн бэрийн сониуч зан хоёр эмэгтэйг уулзахад тусалсан байна.

Вагнер, Хаммани нар утсаар хэд хэдэн удаа ярьж, дараа нь энэ оны дөрөвдүгээр сард уулзжээ. Төрсөн ээж нь охиндоо түүнийг төрүүлсэн тэр үеийн нөхцөл байдлыг тайлбарлаж яриад, “Тэр өдрүүдэд энэ шившигтэй явдал болсон юм” гэжээ.

“Миний насанд ээж маань амьд сэрүүн байгаа гэдэгт би одоо болтол итгэж чадахгүй л байна. Ингэж бодох бүрийд бие зарсхийх шиг болдог” гэж Хаммани ярьсан байна.

Вагнер хүчирхийлэлд өртөж, анхны хүүхдээ төрүүлсэн тухайгаа нөхөр болон хүүхдүүддээ хэзээ ч ярьж байгаагүй ажээ. Түүний нөхөр 2006 онд нас барсан байна. Гэвч Дориенийг утасдсаны дараа өөрийн өнгөрсөн үеийн тухай бага хүүхдүүддээ ярьжээ.

“Ийм өдөр хэзээ ч ирэхгүй байх хэмээн би бодож байсан” гэж Вагнер охинтойгоо танилцсаны дараа хэлсэн байна.Тавдугаар сард тэд Ээж нарын өдрийг хамтдаа тэмдэглэжээ. Эйлин тавдугаар сарын 30-нд болох 100 насны ойн өдөртөө Дориенийг бас урьсан байна. Хамманн энэ баярт нөхөр, хүү, бэр, ач нарынхаа хамт ирэх гэнэ.

Австралийн Мельбурн хотын нэгэн иргэн дансандаа гэнэт л 88,4 сая ам.доллартай болжээ. Банкны ажилтнуудын алдаа мань эрийг ийн азтан болгосон байна.

Тэрбээр уг мөнгийг үрэн таран хийж болох байсан ч шударга зан гарган банк руу утасдаад мөнгөө буцааж авахыг сануулжээ.

Харин Commonwealth Bank 88 саяын “үнэтэй” алдаагаа хоёр долоо хоногийн дараа л залруулсан байна.

Үс тань нэг л өнгөгүй, тослог байна уу. Тэгвэл үсний хуйхыг эмчлэх, өнгө сэргээх бэлдмэлийг зааж өгье.

 Хэрэгтэй зүйлс

-2 аяга ус

-1 аяга хандалсан ногоон цай

-1/4 аяга алимны цуу

-Тэжээлийн тос

Хоёр уут ногоон цайг нэг аяганд найруулж бэлтгэнэ.  Хандлан найруулсан ногоо цайгаа хөргөсний дараа  бусад хольцоо хийн сайтар хутгана.  Уг бэлдмэлээ үснийхээ хэсэг бүрт  шүршиж,  эсвэл үсээ зайлж хэрэглэнэ. Үүний дараа  ердийнх шигээ шампунь,ангижруулагчаар угааж болно.